Zualko: Salai Van Mal Sawm Thang nih mual a kan liam tak ee!
========
Kan BCBC Mino hruaitu EC pakhat Asawm nih in taanta. Mino pawl kan tuar a harzet. Taantami innsang le Kawhhran hrang thlaza in camsak cio dingah kan lo sawm. Lungawi. Bethel Chin Baptist Church (BCBC) ih an duhdawtzetmi an kawhhran sungtel Salai Van Mal Sawm Thang (kum 29) cu 08/03/23 @ 10:15 pm ah a duhdawtbiktu Pathian ttangsungah in colhsan a si.
Amah hi mino hruaitu, P & W hruaitu le kawhhran ih rinsanzetmi mino a si. Tansanmi hringtu a nulepa, unau sungkhat le a kawhhran parah Pathian in hnangam daihnak pek hram seh. Hminsin:- Funeral Program cu kawhhran hnen ihsin thufel kan don veten kan run lo than ding.
Lallawmsanga Mitlau Cu A RuaK In An Hmuh. July 28, ah Muallungthu khuami Lallawmsanga konglam theih lo in a tlau mi cu tualchung mipi nih lungdong loin caan saupi an kawl hnu ah a ruak in an hmuh tiah theih asi.
Muallungthu khua Branch YMA hruaitu hna nih an chim ning cun, Lallawmsanga hi caan zeimawzat chung Tuirivang tiva le Rangtla hrawng ah khua a rak sa tawn i tu nai hrawng a khuasaknak hmun an theih khawh tilo caah July 28, 2023; khan Muallungthu tualchung mipi hna nih kawl hran an thok tiah an langhter.
Chhimphei YMA bu nih Lallawmsanga mitlau kawlhawlnak konglam ah YMA branch dang sin ah nawlnak an tuah i mitlau kawlhawl hi an i chawng hna tiah theih asi. August 3, chunhnu ah Lallawmsanga hi a ruak in hmuh asi i Forensic Science Laboratory (FSL) nih a ruak hi Lunglei Rahsi sang ah vui ding in an lak tiah an langhter chih.
SAC Cozah Lutlai Thlenremhnak An Tuah; Chungtel Ah Dr Hmuh Thang Aa Tel. State Administration Council (SAC) cozah lutlai tu hna hruaitu thlenremhnak an tuah nak kong 2023 August thla 2 ah SAC cozah nih an langhter. An thlenremh mi chung ah SAC cozah chungtel a rak si mi U Maung Ko le Dr Aung Kyaw Min hna cu an dinh ter hna i minung 18 in hruaitu pawl thlenremhnak an tuah hi a si.
Thlenremhnak an tuah mi chung ah Min Aung Hlaing cu lutlai bik a si i a chang ah Soe Win le chungtuan tu ah Aung Lin Dwe le a bawmtu ah Ye Win Oo an si. Chungtel ah Dr Hmuh Thang telh in minung 14 an si hna. July 31 ah tuah mi SAC cozah nih uknak thla 6 chung an pehsoh hnu in lutlai tu chungtel minung 2 telh in ramkomh vuanci le lutlai dangdang minung 10 zong an rian in an phuah hna.
Tonzaang Khua Kahdohnak Ah CDF Pakhat A Nunnak Liam; Chin Ralkap 2 Hliam An Tuar. 2023 August 1 Chin ramkulh Tonzaang khua chung ah SAC ralhrang le Chin ralkap ṭangṭi phu kar kahdohnak a chuak i CDF-Hualngoram ralkap Lalramchuana (kum 30) a nunnak a liam tiah CDF-Hualngoram in ṭuanvo ngeitu pakhat nih Lungmili Post ah a chim.
“Hi kahdohnak ah SAC ralhrang lei a thi mi le hliamtuar an um nain, a zat kan hngal kho rih hna lo, Mipi lei in hliam tuar le a thi mi an um le um lo kan hlat lio a si. Mah ni kahdohnak lio ah CDF-Hualngoram ralkap in pakhat le CNA ralkap pakhat hliam an tuar. August 2 zinglei zongah kahdohnak a chuak rih” tiah a cunglei upa nih a chimchap.
Hi kahdohnak ruang ah Tonzaang peng Mualpi khua mi Pa Mang Sian Cing (kum27) a thi i ngakchia kum 8 mi le kum 12 telh in minung 3 hliam an tuar tiah Tedim Times nih a langh ter. Hi kahdohnak cu CNA, PDA, CDF-KKG, CDF- Hualngoram le CDF- Tonzang hna an i tel tiah kan theih.