SAC Union Government Meeting Ah Lt. Gen. Soe Win and advisor Lt. Gen. Nyo Saw An Mui Hmuh An Si Lo
=====================================
SAC ralhrang pawl nih a biapibik meeting an ngeihmi Union Government meeting cu Gen. Min Aung Hlaing nih a hruai hna i, nizan April 22 ni ah a tuahpi hna nain, cu bantuk a biapimi meeting ah Lt. Gen. Soe Win le Advisor Lt. Gen. Nyo Saw an i tel ve lo tiah BBC nih a tarlangh.
Cu bantuk a biapimi meeting ah a biapimi SAC hruaitu pahnih an i tel kho lonak kong he pehtlaihin anmah lei nih a chimmi zong a um ve lo tiah theih a si.
Cu meeting ah an hruaitu Gen. Min Aung Hlaing nih ei din ding kong, thlai chuah kong, pawngkam sining kong, fimnak kong, lentehcelhnak kong le mino pawl kong a ceihpi hna tiah theih a si.
Thal sianginn khar chungah siangngakchia pawl ti lei he aa
pehtlaihmi thiamnak cawnnak le thli lei he aa pehtlaihmi thiamnak cawnnak tuahpiak ding tiah SAC hruaitu nih a chim chih ti si. Cu cawnpiaknak training cu anmah ralkap lei hruainak in tuahpiak ding le sight seeing hna tuahpiak ding in a chimh hna tiah theih a si.
Lt. Gen. Soe Win mipi hmuh ah a chuah lonak hi ni 20 a si cang tiah BBC nih a langhter ning in theih a si.