Zualko; Rev. Dr. Edmund Zabik (Ka pa Mahlawn pa) Nih Mual A Kan Liam Tak Ruangmang e!
============
Kan miphun hawi nulepa ulenau hna, ICBC i kan Honorary Pastor, kan upatmi, le kan dawtmi kan Pa Rev. Dr. Edmund Za Bik (kum 84) cu nihin November 15, 2023 (Wednesday), zanlei 4:51 PM ah Dawtu Pa Pathian sin ah a kan dinhtaak ca ah khrihfabu kan ngaih a chia ngaingai ko. October 28, 2023 ni ah khan Multiple Strokes nih a tlak ca ah a fale nih Ascension St. Vincent Hospital, Evansville, Indiana ah an kalpi.
Siibawi te nih a tthabik in an hramh ko nain dam lei panh ti lo in ti hi hin a kan liamtaak hi a si. Kum caan saupi zumhtlak tein a rianhmi a Pa Pathian nih ingtuar lo tein a ttang nem ah a dinhter. Nan ngaihchiatnak kan in tuarpi cio hna, Lai miphun Kan Biaknak le kan Zumhnak ah kan pa pakhat nih a kan liam taak ko cu ngaih a chiatuk e.
Atu hi a ruak cu a fapa Pu Jimmy Lian Uk le chungkhar umnak Evansville, Indiana ah a um ko rih. A fale dang zong a thaw a dih lio ah a pawng ah an tling. Zeitik ah dah thlan a tlak te lai, ti a fiang rih lo. Update kan rak tuah tthan lengmang lai.
Rev. Dr. Edmund Zabik( Ka pa Mahlawn pa), MIT ah ca na kan chimh lio mitthlam ah a thar in an cuang than! “Adam ruang ah maw aho ruang ah dah” na tialmi cauk, original sin kong na kan chimhmi,
philosophy kong kum hnih chung na kan chimh lio an thar than!
Dinh caan poh ah (Abok lakphak dawr ) ah lakphak kan rak ding ti lio, na mit-au, na mitsur le na kampau, na tunu mitthi kir kong na kan ruah mi hna an thar than! Laimi caah Khrihfa tuanbia tha a kan tialpiaktu kan pa na si. Rev. Dr. Edmund Za Bik nih a kaltak mi chungkhar hna Pathian nih in hnem hna seh law, tuarkhawhnak in pe ko hna seh!
Ka pa Ma Hlawn pa, kan ngaihchia tuk ee na celh hrim ti lo mu fahnak le lunglen um ti lonak Pathian sin ah naa din cang ko titu in kan rak i hnem cio ko kun lai mu, taan takmi chungkhar vialte Bawipa nih in hnem ko hna seh. Kan pa bik, Ahmasa bik MIT Laimi profesar kan upatmi le kan Dawt mi kan pa nih a kan Liam tak ruang mang ko cang mu. Upat tlak Lai mi kan pa pakhat nih mual a kan liam tak cu ngaih a chia ngai ngai ko. Taan takmi chungkhar sin an Bawipa hnemhnak um hram ko seh.
Ka U Ma Hlawn pa na thawng ka theih cu ka ngaih a chia tuk ka zaang a ka zun ka celh lo kan mi phun nih bo chan mi kan pa le nih pa khat hnu pa khat in an kan kal tak thluah mah cang ee . Kan lung a leng ee..kan thla a lum kho lo ee zei ti tha .chung BawiPa nih in hnem ko hna seh law.
Laimi Kanpa asi mi nih a kan Liam taak cu kan ngaih a chia tuk ee. Kapa Mahlawn pa he biaruah cu kan ngol thiam tawn lo biaruah awk aum ti lai lo hi ta. Bawipa sin ah nuam tein vung i din aikun law. Kanu Hlawn Par nu nih he nan i tong cang lai. Ngaihchiat pi bu in, Lal Cung Awi, Pastor, Indiana Chin Baptist Church, 8528 Madison Ave, Indianapolis, IN 46227; 317-727-7726 (Cell)