Zeiruangah dah CDF-Senthang kai uang tuk hna?
========
Khua kenkip in an hmailei thanchonak lam cu i ngol cio in kan ram dohthlennak an rat ve hnu ah Zuding sa ei ko mi zong nih an Upa le nih zulh phung an ser piak mi tlolh lo tein an zulh! Khoika CDF poh hi Ramtaang deuh le khuate deuh ah um hmun an khuar cio hna i an mah le umnak hoih in mipi hna Aw aan ka ngaih cio tik ah CDF-Senthang cu kan unau dang hna bantuk in Mipi mit kemnak in an umnak kong le an lawrnak kong kaa khat zong ka thei sual bal rih lo.
Khat lei kan Unau hna nih an rak tuai tuk hna lio caan a herh ning in an ṭawlrel lio caan ah khin Khat lei kan Unau hna i an mipi pawl nih an rem hna lo i an chiatnak an kawl hna i an chim caan dah ti lo cun….
Mah hmanh ah khin ka pawng a chim mi pawl cu a chung thil fiangfai in na theih pi hna hnu ah na chim mi a si maw tiin ka hal tawn hna i an ka leh mi cu “A chung lei thil cu ka va thei dih hna lo nain…” an ka ti i Aw…an theih dih lo caah pei tiah ka ngaithiam hna.
Kan i hrim than hna lai, Ṭhawng taktak in fek chin lai kan rel ṭi hna lai. Kan keneh dehkhat zong thlau sual um te hlah seh! Himnak le teinak ngei tu cu Pathian a si. Kan ngai tuk hna. CDF-Senthang kong ka ṭial mi tang i Nan comment kan let hna lai lo…An sin ka um chung ka dairy vial te Ṭial thluahmah kai tim i fiang tein theih a duh mi nih rak rel te ko uh! Kaa lawm. Credit: Mai Zingdap Par
Hakha, Dawrhlun Sang Ah Mifir Nih Inn An Boh. Hakha, Dawrhlun sang ah a um mi inn pakhat cu nihin August 13, Zarhpi ni pumh kar ah mifir nih an bohpiak hna tiah kan theih. Mifir nih an bizu thil an leh dih i thilpuan zeihmanh an la lo nain, tangka MMK singli le Power Bank an lakpiak hna tiah kan theih.
Inn bohpiak a tong mi chungkhar nih, ‘Atu lio cu harsat lio cio caan a si caah i ralrin cio kan hau ko. Cun miphun zong kan i cawh ngai cang i a hlan bantuk in daithlan awk kan tha ti lo. Sang upa zong nih kan sang ah zei bantuk mithar dah an um ti khi rak kan zohngiat/theihpiak pah lengmang hna sehlaw thil tha ngai a si hnga. A bik in mah pumpak cio hrim in ralrinnak kan ngeih a herh tuk cang’ tiah a chim.
Ralkap nih nawlngeihnak hramhram in an laak hnu in pawcawmnak a har caah Myanmar ram hmun kip ah fir, thil chuh le inn boh tibantuk a karh i Hakha khua zong ah inn boh le mifir thawng theih pah lengmang a hung si.
Falam SAC camp kahdohnak ah SAC ralkap paruk an thi i hriamnam tampi an laak. Falam hrambunh SAC ralkap LIB-268 battalion camp cu tu zing ah CNA le CDF-KKG i bawm in an kah i SAC ralkap paruk an thi, hriamnam tampi an laak tiah theih a si.
Tu zing deilei suimilaam 1:00 hrawng in 2:30 hrawng tiang, suimilaam 2 le a cheu chung an i kah hnu ah SAC lei in paruk an thi i 10 hrawng hma an pu tiah ralram thawnghram sin in theih a si.
Falam SAC camp kahdohnak ah Chin ralkap hna nih SAC hriamnam a si mi MA3 zun 4, 60MM hriam ngan zun 3, machine gun zun 2, RPG launcher zun 2 le 0.5 zenthong tampi an laak tiah kan theih. Hi kahdohnak ah CDF-KKG in ralkap pakhat nih ram le miphun ca ah a nunnak a pek.
SAC ralkap pawl nih an sungh ning a fah caah kahdohnak a dih hnu in ningcang lo zawndamh in miakpi an kah. SAC ralkap miakpi kah mi ruang ah Falam peng Sunthla khuami pathum hma an pu. Falam le Hakha kar ah a um mi Ramthlo khua zong miakpi in an kah pin ah vanlawng in bomb a thlak caah khuami pasarih hma an pu i, biakinn tel in in zeimaw zat an rawk. SAC ralkap pawl cu Lungpi tiang ke in an rat caah Chin ralkap hna he an i kap than tiah thawng kan theih. Credit: The Hakha Post