NUG Sin Cakuat: Dragon Fly USD 7 Million Kong Mipi Sinah Fianternak tuah ding ah ca kan kuat hna.
==========
Dragon Fly Project tiah NUG Siangnuhrang hruainak Click to donate cu 2022 May 31 ah thawk asi. Ni 10 chung ah Phuntungtu hna nih 2.2 million USD alut. 9th August 2022 ah Mah Pan chimmi asi. NUG Siangnuhrang Pan (Pancello) nih NUG kutah ka pek dih cang tiah Fianternak atuah caah anih athiang ti ko usih. Nain USD 7 0r 8 million lakah 2.2 million USD lawng MOD Pu Yemon nih alangh ter khawh caah hi zong hi tuak awk ngai cu asi. NUG ah CBCUSA aum ve rua hi.
NUG MOD Pu Rit Cin Yemon nih 31st August 2023 ah USD 1.4 million cu Vanlawng kahnak le a thilri cawknak caah kan hmang ati. USD Nuai 8 cu Vanlawng kahnak in Khumzualnak le humhimnak caah kan hmang ati. Bomb khur cawhnak le fimchimh Cawnpiaknak le tidan caah ati ko bang Pu Hrai Hnem le Pu Thawl Iang nih khan.
Chinland Khampat khua cu KIA le CNA bawmhnak in NUG nih lak mi asi tiah Mi Savo ah chihlam meh tuah cang mi asi. Khampat lakṭhan duh ah atu le tu Raap an rat lengmang cu hngalh cio asi. Vanlawng in akah lai zong cite liak poah nih hngalh asi. Dragon Fly caah USD 7 million lakah MOD Pu Rit Cin nih alangh termi Ngetkin aum ti lo ai. Cucaah Fianternak nan kan tuah lo ahcun mipi nih hnuchit bet mi nansi kho, athalo ngai laa.
A Biakinn thiangah AMAH Pathian thangṭhat lio ah Jesuh nih an kan khamh khawh lo caah asimaw. Tuksapur thil siding hi Thiangthlarau nih an kan chimh cia khawh lo maw? Tuak ngai kan hau Zumhtu Krifa hna.
Dohthlennak hruaitu hna kan hrawkhrawl tuk I kan firkhut tuk caah Pathian nih Sualnak ngeihlo Kanan Ngakchia 4 telin Zumhtu 15 nunnak in chimhrin awkah a planning asi khawh men. Dollar pektu nih an pek zungzal, Uktu le hruaitu kip nih fir zungzal vaivuan zungzal, Pathian sining law nan thih dih cang hnga, Pathian kasilo nan VANṬHA bak ko.
Fiang tein hmuh khawh usihlaw, Vawlei vialte BIAKINN asi. Biakinn thengmang loin Pathian thangṭhat nun kan thiam aherh ngai cang I atak in kan hmang can asi cang. Mit chinh loin thlacam zong cawn kan herh cang. Ral lio ah pumh le puai tuah hlah uh tihi CNA CDF duhnak asilo. Pathian duhnak asi ti zong Maurop Pastorte nih hngalh cang uh.
Raap hi kansi rat ngam tiloin Kanan khua bangin tuah khawh mi lawngte kansi ti hi philh hna hlah usih. Kan khua ahim ko ee tiah daithlan bak lo ding. Thantlang peng khuakhat cu Pastorte 2 nih ral an veng. Vanlawng aathawh cang tiah Kalay in Phone call le message ara poah ah khuami bomb khur ah an zam.
NUG sinah nawlnak: Security ruangah Vanlawng kahnak kan chiah nak kan chim khawh lo tihin ti hlah uh. Pa ngeih lo fapawimi lawh ti hlah uh. Thlarau maw nan pawi cucu. Sualnak ngeih lo mipi tamtuk kan thih cang hi aw, an thisen nih vawlei in bia achim. Cucu maw Humhimnak ruangah vanlawng kahnak kan chiah nak kan chimh lai lo nanti rih lai. Ti ti hlah uh chimh cang ko uh, nan cawk lomi le nan ngeih lomi asi ahcun tha tein mipi kan nawl uh, ngaithiam cia nansi. Nan kan nawl duh lo ahcun TUANBIA Tazakhan bak nansi cang lai. Chin Dr te pahnih zong nan luat hlei lailo. Credit: Saya H Rungkaw