USA Lewiston Khuapi Chung Mibu Lak Meithal Kahnak Ah Minung 22 An Thi Meithal Puah Tu Lungdong Loin An Kawl
=========
October 15, zaan khan a cangmi kguapi chung meithal kahnak in minung 22 naak tlawmlo an nunnak a liam midang tampi nih hliam an tuar tiah ṭuanvo ngeitu hna nih an chim. Meithal kahnak hi Maine ramkulh Lewiston khuapi chung zaan suimilam 7:00 ah a cang mi asi i a hmun hi lamcung le zudawr hmun ah asi tiah an langhter.
palik cheukhat hna nih thilsual tuahtu hi lungdong loin an kawl peng misual nih hin automatic meithal aa ken caah tualchung mipi hna cu inn chung in lengah chuak lo dingin palik hna nih theihternak an tuah hna tiah theih asi.
Meithal kengin minung a kaptu pa hi kum 40 minung Robert card ṭihnung mi asi caah mipi ralring dingin thawng an thanh hna meithal kahnak in minung 50 tluk nih hliam an tuar chih tiah an langhter. Hi kong he pehtlai in, Lewiston Public Schools Superintendent Jake Landless nih penguk chung i fimcawnnak sianginn hna cu October 26, khan a khar ter hna tiah theih asi.
Israel Ram I Myanmar Minung 4 Cu SAC Ralhrang Cozah Nih A Lak Hna. Israel ram buainak ruang i Myanmar ram ah kir a duhmi minung 4 hna cu SAC ralhrang cozah nih a kawh auh hna i Aviv khuapi chungah a ummi Myanmar embassy ah min pek dingin an chimh hna tiah theih asi. Myanmar ram ah kir a duhmi Ko Aung Kyaw, Ma la Mai Myra, Ma Moe Thi Ta Aung, Ma Khin Hnin Yi hna cu Myanmar embassy ah min pe in October 26, zaan suimilam 9:00 tluk khan Yangon an phan tiah theih asi.
Israel ram ah fimcawng in a ummi Chin pa pakhat nih a chim ning cun, Israel ramchung ah hin Myanmar mi tampi anum atu i a kir mi hna minung 4 hna naak in an dirhmun a chia deuh tiah a chim.
Zeiruangah dah Myanmar ram ah an kir duh ti hi ka thei thiam lo Israel ram buainak ruangah an thinlung a buaiter i si lai atu dirhmun ahcun Israel ralkap caah tirawl kan chuan piak hna i lam khat lei in kan ṭang tiah a chim chap.
Israel ram ah a ummi Myanmar mipi mah ram ah kir a duhmi hna caah SAC ralhrang cohzah nih remnak (coordination) kalpi cuahmah lio asi tiah an langhter. Israel le Hamas kahdohnak ruangah Myanmar inn pa Thailand ram mi minung 21 an thi i minung 16 Hamas nih ralphaw ah anser hna tiiah Thai media report nih a langhter.
Global Zotung Supreme Council Nih CDF-Zotung Cu Ralrin An Pek Hna. CDF-Zotung nih Zotung hmunram ah minung lungthin pu loin thil an tuahmi cu Global Zotung Supreme Council(GZSC) nih faak piin kan doh i kan cohlang hrimhrim lo, ralhrang phu pakhat an si. Hi hnuah Zotung hmunram um tualchung cung ah kutthlak in thil an tuah le a phunphun in hrocernak an tuah ṭhan ahcun faak piin kan lehrulh hna lai, tiah an thanh.
Global Zotung Supreme Council(GZSC) cu hramhram uknak a dongh tiang doh ding le Federal rampi ser khawh nakding ah CNF/CNA he i bawm in doh a thleng i rian a ṭuan cuahmahmi kan si pinah mizapi an him nakding ca ah GZSC cu dirhmi a si, tiah an langhter.
GZSC in a chuakmi CDF-Zotung nih Zotung hmunram ah chek gate an tuah i khualtlawng mi hna cu ngunkhuai an khawlh hna leng ah khuate zong ah ngunkhuai an khawlh hna. Sualnak ngei lo tualchung mi hna tlaihkhihnak, tukvelhnak le hriamnam in tlerhkhawnnak a phunphun an tuah, tiah an cathanh ah cun an langhter. GZSC nih an langhter ning ah CDF-Zotung an thil tuahmi lakah ngaih a chia khunmi cu lungrual tein a um komi tualchung mi karah rem lonak thil an tuah hi a si.
Anmah he lung aa khat lomi paoh cu an ṭhawl dawi hna. Nu hna zong hual loin an tuk an velh hna i an tlerhkhawn hna. Cu pinah Zotung hmunram Yansi khua B.E.H.S sianginn ṭhen ah ca a cawngmi siangngakchia Lung Ṭhung, Cung Lian Uk, Bawi Khan Lin le Romin Thang hna cu an tlaih hna i an tuk an velh hna. Tualchung mi cheukhat an tlaihmi hna zong atu tiang an thlah rih hna lo, tiah an langhter. CDF-Zotung nih siangngakchia pali an tuk an velh hna tiin GZSC nih cathanh an chuahmi ah an tuk an velh hnanak a ruang an langhtermi a um lo. Credit: The Chin Post, Lungmili Post