Maryland Motor Chiahnak Hmun Ah Meithal Kahnak A Chuak Minung 3 Nunnak Liam 3 Hliam An Tuar
=========
Maryland sualnak kawltu (Prosecutor) hna nih motor chiahnak meithal kahnak konglam ah mirang pa cu minng 3 thattu le 3 dang hliamtuarter tu ah an ruah/zumh tiah theih asi. Minung 3 thah tong mi hna hi Latino miphun an si i, an mah thattu ah zumh/ruah mi hi mirang pa si in nunnak liam mi chungkhat hna hi kum caansaupi lamkam ah khuasa mi an si imiphun thleidannak konglam ah buainak zong an rak ngei cang tiah theih asi.
Mithat tu ah ruah/zumh mi pa Charles Robert Smith hi voihnih tiang mithattu sinak buainak (Case) a ngei cang mi a si in voikhatnak ah amah hringtu pa Nicholas Mireles le Christian Segovia a rak thah cang hna tiah an chim. A Tu hi mi a thah voihnihnak a si tiah an langhter chih.
Robert Smith hi hmaizarh cawn nikhatni khin (court) ah a biaceih piak a si lai. A hmasa i a sihni pahnih cu amah aiawhtu an si tilo ca ah hmaizarh cawn nikhatni khin sihni amah biachimpiaktu a ho si lai kan theih kho rih lo tiah an langhter.
Indonesia Palik Nih Phunglam Lo In Cambodia Ram Sii Inn Ah Minung 122 Kal Zuar Ding In A Fialtu Le Cawk A Timtu Cu Dohdal In Thilsual Tuahtu Ah An Puh Hna. Indonesia palik nih phunglam lo in minung taksa cheukhat zuarnak konglam hi hlathlainak an tuah i Cambodia ram sii-inn pakhat ah Indonesia minung 122 (kal) zuar ding in a fialtu hna palik cheukhat, mipem mi hna bawmtu (immigration officer) le minung kal a cawtu hna cu phunglam lo in cawlcangnak a si tiah dohdal in thilsual tuahtu ah an puh hna tiah theih asi.
July 19, khan Indonesia palik ṭuanvo ngeitu hna nih minung taksa cheukhat zuar ding in a fialtu hna minung 12 an rak tlaih hna cu lak ah Palik officer le mipem mi hna bawmtu (immigration officer) pakhat zong an i tel chih.
Indonesia palik nih phunglam lo in minung taksa zuar tawntu (human smuggling syndicate) hna cu pekzulh in kan dohdal peng lai tiah Jakarta police director for general crimes Hengki Haryadi nih a chim.
Innsaknak ah rianṭuan mi, Fimchimtu le a dang rianṭuannak bu (executive) zong an i telnak minung 122 kal zuarpiak ding in fialmi hna cu Indonesia ram ah an kir dih cang tiah Indonesia palik chung in ṭuanvo ngeitu pakhat nih a chim. A tu bantuk thil a cannak a ruang cu Covid-19 zawtnak ruang in tangka lei ah harsatnak tong mi cheukhat hna nih an taksa cheukhat zuar cu an hna tlaknak hi a si tiah Haryadi nih a chim. Credit: Lungmili Post