Tutan Lai Idol ah hla a philh mi nan um len hna!
=========
Lai Idol; Lai Idol nan tuahmi hi a ṭha tuk hringhran. Lai bia le hla ṭhanchonak taktak a si. Atuahtu hna cung zongah kan i lawm i upatnak in pek hna. Hlasatu Hna; Tutan Lai Idol ah hla a philh mi nan um len hna. Hi nih hin Lai Idol Quality a niamter ngaingai.Palh sual nakin hla philh hi a poi taktak mi a si. Philh lo kan zuam piak hram u.
Laiholh Kong ah; Cun Laiholh kongah cun soisel tuk ding an si lo. Anmah cang ahcun biatak tein an i zuam set len ve ko. Soisel lei si loin thazaang pek le an i zuamnak cungah upatnak upatnak tu pe u sih.
Judges Pawl Siaherhnak; Judges pawl kha hlasatu pawl nih ṭih lo ding tein hmai panh deuh tein um kho kan zuam piak hna u law kan i lawm ko. A ral a chia deuh mi hna cu an in zoh ah an ralchia a zual chin kho. Hihi Soisel si loin thazaang peknak le a chambaunak zawn i siaherhnak le bawmhchannak a si.
Judges pawl hi a sikhawh ahcun hlasatu nan comment ah hin voi khat cio tein comment ah khan a za ngai ko. Nan kut in mark nan pek kha biapi cu a si ko. Nan i nolh pah lengmang tikah caan a la ngaingai. Tawifiang tein voikhat ciote nan comment cnag lai caah kan i lawm.
Chin Star; Chin Star cu zoh an nuam taktak cang hna. Music zong ngai a nuam deuh ngai cang. Video nan langhterning te zong aa dawh ngai cang. Lead belte tlawmpalte a chambau deuh rih.
Hlasatu hna hi cu an thiam lawlaw. Rampumpi hmanh ah i zuam hna sehlaw zahpi ding an si lo.
Host; Host ka van bawmh ta lai. Host kha Concert host a lo deuh vak. Tu cu honih dah a sak lai tiah nan ruah timi biahalnak khan a hmang ti lai lo. A satu na theih cang i panh zimziam tein a tu cu tahchunhnak ah – Aye Myint Kyi (Lautu) nih a kan sak piak lai tiah ti colh ko. Aa dawh tuk.
Cun comment pek dingin na sawm hna ah khan, Saya tiah auh a herh lem lo. An min khan auh ko hna u. Hi bantuk ahcun Rev. le Dr. An si lo ahcun an min te khan au a ṭha bik ko. An i fahsak lai cu ka zum lo.
Nan i zuamnak cung ah kan i lawm. Salai Lungthli Tum zong a za bak si. Atu cu langh rih duh hlah! Donghnak zaan ah special in laksawng petu le lawmh bia chim ah na hung langh lai. Hmual a ngei lai. Kumkhua lei ah ngakchiate na si nain na thiltuahmi a lianngan taktak.