Tulio Israel le Palestine ralhrang Hamas kah dohnak cu 3rd WW lei panh a timh kolo hlahmaw
==========
Tulio Israel le Palestine ralhrang Hamas kah dohnak cu 3rd WW lei panh a timh kolo hlahmaw tiawk in a um. Aruang cu US le EU le Britain tepawl nih Israel leiin kan in dirpi ralhrang ci kan hmih lai tiah nizan tihni hrawng ah an hun au. Cu bialehnak ah Russia, Turkey le Iran nih “zei dirhmun asi zongah Palestine(Hamas pawl) kan in dirpi hna, nan caah timhcia kansi” an hun ti.
Chinna nih aa lak ve i Israel mipi an thihloh cu ralhrang tuahsernak asi nain Palestine mipi cungah Israel lehrulhnak zong ralhrang tuahsernak asi caah kan mawhchiah, Palestine ram nih zalennak le ram humhaknak cu kan dirkam(Russia le Turkey tepawl an hnu in ka dir ve tinak)” a hun ti ve. Cucahcun tuan i ka rak chimmi “Mossad nih Hamas timhtuahnak hi a hngal hngalo maw…Israel Prime minister Nathan nih We are at War” timi hi puanzar phen thilthup a um ko rua.
Hamas nih an luh hnawh hna hnu tlawm pal i Gaza ah a um mi Hamas pawl an hmun pi le an command centre le an Hruai Tu Upa hna um nak hmun hma hrawng Van lei in boom an thlak mi zoh tik ah Mossad nih hin an hngalh tuk ko ti a lang.
Gaza sii-inn nganbik ah mithi ruak chiahnak a um ti lo an ti. Gaza mipi hi Israel nih sml 24 chungah hmunhim ah zaam uh tiah a ti hna, an dihlak in an zaam manh bal lai lo an ti. Gaza mipi dirhmun ruahah zaangfak an si ngai hna, nain Hamas nih Israel mi an thah hna tikah lawmhnak in a rak laam mi an tam hui e an ti.
Hamas ralhrang lutlai nih “tutan Irael kan kahnak hi timh ciammam tein kan tuahmi asi, cucahcun hi kan i timhtuahnak ah kan hawiţha asimi hna nih an kan dirpi an kan bawmh, Iran nih Phaisa he hriamnam he a kan bawmh” tiah interview pakhat ah a phuan lio ah US ram chung ngiathlaitu CIA nihcun “tutan Israel cung i Hamas kahdohnak ahhin Iran ram nih telpinak le bawmhnak an tuahlo” tiah fekţhup in a chim. Zeiruang dah asi hnga?
Israel cu Hamas nih atuk caah ram leng ummi Israeli tiang nih an rzm chanhchuaaah an tlung. Kannih cu kan khua kan ram, kan khuapi a ciam dih nain hmunkhat in kan ral dohţi kan duhlo pinah ral thawh miak kawl a ţuanna, ral tuknak phaisa thawh a duhlo na tiin kan um. Chim ah le thiamngai, peknak ahcun tilhmul zakhat thlongh hmanh sianlo, mi tilhmul hmah vaphoi in mah til ah i benhchih duhmi deuh ngawt.
Tutan Hamas i Israel kahnak ah ruahding pakhat cu US nih ram leng lei bawmhnak bia a chat tu lower house speaker a rian in an phuah i LH speaker umlo le cangka an phomh caah US nih Israel dirkamhnak budget a suai kho zok lo. Vawlei pi theih le upat mi Mosad Intel a ngeitu Israel nih tutan Hamas nih kahding timhtuahnak a hngalh cia lomi hi asi. A phen ah aa dup mi zeimaw cu a um lai ka zumh.