TT Kahdohnak i Kan Chambau Bik Nak Cu One Command lo in ral kan tuk caah a si.
=======
Tulio kan boruak kong ah ka siherh mi hun tial ta than ka duh ko. Ka tial mi pawl hi cheukhat One Way in khuaruat mi pawl nan caah cun dolh a har ngai lai nain Kaphnih in khua a tuaktan mi pawl caah cun thiltha ah nan ruah khawh lai ka zumh.
Tulio kan raldohnak kong hi tamngai ka tial cang. Cheukhat CDF pawl a tanhtu pawl nihcun tuning tein in kan ral doh ning hi a tha ko e nan ti. Cucaah CDF ramleng supporting hruaitu le Ram chung CDF hruaitu pawl tangdor nun kan neih piak hram uh kan ti lengmang mi cu a si.
Nai TT kahdohnak ah zeidah kan chambau nan i fiang maw? Nunnak a pemi kan ralkap CNA le CDF vialte upatnak kan pek hna. Nain CDF ralkap hruaitu cheukhat pawl upatnak kan in pe kho hna lo.A ruang cu nan nih cu raltuk fawn tung lo in mipi nih duhmi One Command ti lengmang mi nan duh lo i nan kuttang um paraltha nan nau le pawl cu nanmah duhning rumro in nan hruai hna caah tutan TT kahnak ah hinzat pasaltha nunnak a liam hi a si.
Tutan TT kahdohnak ah ifonh in kah a si ko nain zeidah kan chambau nan hngalh ko lo maw? CDF supporting cheukhat nih ral kan tuk ti ko e nan hei ti rihchap hui. I fonh in raltuk ti timi le One Command in raltuk timi ai dannak hi tutan kan ton mi tal nih hin nan lung an fimter deuh cang hna hnga maw? Tutan TT kahdohnak ah kan chambaunak cu One Command tang in kan tuk lo caah a si tihi nai fian ve ko a si ahcun zaangfah tein Ramleng Supporting hruaitu le ramchung na thuthmun in na naule CDF a hruaitu pawl nawl kan duh ko hna.
Zaangfah tein nan lungput rak thumh cang ko hram uh. A rauhhlan ah i fonh in ral tukti than a si lai. A tuhi strategy suai cuahmah lio a si cang. Cucaah ramleng CDF hruaitu le ramchung CDF hruaitu pawl nih nan lung nan rak thumh a si ahcun One Command tang in kan tuk lai i zeituk dah kan thazaang le kan sining nan hmuh lai. Ral a tumi nan nau le hmanh nih a tu kal ning hi an lungtling ti lo hih. Hruaitu pawl nan lung nan thumh lo ahcun nanmah lawng kaltak mi nan si sual lai caah nan lung rak thumh cang uh!
Thantlang; SAC Ralhrang Bohmu Kyaw Soe Min Le Boci Pakhat Telh In 37 An Thi I A Thi ding a lungfim lo Mi Hakha Sizungah Tampi an um Rih. Thatlang kahdohnak ah SAC ralhrang Uico Bohmu Kyaw Soe Min telh in minung 37 an thi i a dang pa 14 cu an hriamnam he an tlau tiah anmah ralhrang lei nih thawng an thanh.
Chin ramkulh Thantlang SAC ralhrang Tatkung le ralhrang hmunkhuarnak pawl cu kan ralkap CNA le CDF Zophei, CDF Thantlang, CDF Hakha fonh hna i an kah hna i an kah nak hmun ah ralhrang bohmu Kyaw Soe Min telh in a dang 24 cu a hmun bak ah an thi tiah ralhrang lei nih an chim. Cun hliamtuar minung 60 hna cu Hakha sizung an tlikpi hna i cu chungah cun Boci pakhat telh in thla 29 nizan ah minung 13 an thi chap tiah anmah ralhrang lei chungkhar nih an phuan.
Culawng si lo in a tu Hakha Sizung i hliamtuar tampi hna chung in a thi ding tamtuk an um rih tiah an chimchap. A lungfim rih lo mi ralhrang cu Hakha Sizung ah tamngai an um rih. A tutiang a thi cang mi hna i minung 37 an si cang tiah theih a si. A dang pehtlaih khawh ti lo mi SAC ralhrang minung 14 hna cu an hriamnam he an tlau tiah theih a si fawn.
Tutan biathli hi anmah lei SAC ralhrang lei biathli a chuak mi a si caah thildik tiah fehter khawh mi thawngpang a si. Hi Thantlang kahdohnak ah kanmah lei pasaltha minung 15 nih nunnak an pek ve tiah theih a si. Cun tamngai nih hliam an tuar ve tiah theih a si fawn. Zeikhom a si ah kan Chin ralkap hna a tubantuk in hmunkhat ah ral an tuk i an thawn chin khawh nak ding caah kanmah le kan si khawh tawk cio in thazaang chuah chin ding in kan sawm hna.
THILDIK A SI AHCUN THAWNGPANG THA; Zahan naite ah Vaurawng le CDF KKG an chairman biaruahnak ka ngai cu kai lunghmuih taktak a si. Nai hrawng i kan chim lengmang mi cu mah bantuk lungput he CDF vialte nih i cawn uh tiah kan aupi lengmang mi zong cu a si.
CDF KKG cu mi vantha taktak an si. A ruang cu hitluk in a fimmi pasaltha an Chairman an i neih hi cu. Ziah a dang CDF phu dang vialte CDF KKG nun le ziaza hi nan i cawn khawh lo. CDF KKG bantuk in rahnak pical a ngei mi hna i a tutiang theih tawk ah CDF Matupi tatyin pakhat, CDF Hulgo le Kanplet CDF tatyin pakhat hna lawng hi CNA he biatak tein ral a doti mi le ral dohnak hmun ah CNA command tang bak in ral a tumi hna an si tiah kan theih.
CNA kan pa le an palhnak ka tial tawn ah cheukhat nan i mawtchiat. Nan hruh tuk caah a si. CNA cu Chin miphun kan suttung bantuk a si caah amah hrimhrim riantuan a thiam ka ti tonnak a ruang cu CDF KKG Chairman Za Bawi Thawng nih a chim khah. Kanmah CDF KKG tu nih CNA kan pa le cu kan kalpi hna i a tukum ah biatak tein kan dirtiknak a work hi a si a ti kha mu. Cucaah CNA kan Pa le nih riantuan felfai deuh le ningcang teim tuan i zum uh ka ti ton mi cu ka palh lo ning nan i fiang lai. CDF KKG pafim hna nih biatak in kalpi hna hlahseh law a tutluk in an kalti kho te hnga maw ruathmanh uh.
Hakha le TT hrawnghrang CDF pawl hi cu raltuknak hmun ahcun CNA kuttang um lo in anmah Command cio in an um timi cu zakhat in keimah umpak nih ka theih mi le ka hmuh mi a si. Cucaah CDF asaltha vialte hna biacah kan duh ko hna. CDF KKG le a hawi le bantuk in nan lungput nan ziaza i thumh hram cang ko uh.
Nain a donghnak ah thawngpang tha pakhat ka theih mi kan hrawmh hna lai. CDF phu 15 le CNA cu one Command tang in ral tuk khawh naknding caah hnatlaknak an tuah khawh cang tiah kan theih. Cucu thilhman le thildik a si ahcun a Chin hriamtlai a tunak a let in kan thawng chin cang lai. Tutan a lut ve rih lo mi pawl zong a rauhhlan ah an lutzau lai tiah zumh a si. Tutan hnatlaknak hi CJDC kan timi kha a si lo hih. CJDC le cu e kha e cu a liamruangmang kho men cang. Credit: The Star Enter