Ţihbual ah kan sung/failed
==========
Ral kan doh hi thatlh duh le nawn duh silo in an policy le system khi doh asi caah cu hna thluk dingah doh le a herh tikah nunnak lak le pek asi. Cu tikah ral an umnak hmun/post kan tuk khi an mah thah duh silo in an thazang hram thluk le phur duh ah kah le doh asi.
Cu kahdohnak ahcun sunghnak (failure) le teinak (success) ti long a um. Teinak(success) timi cu ral umnak hmun lak khawh le ţhio khawh le an thazang asi mi hriamnam chuh khawh kha asi. Sunghnak (Failed or failure) timi cu ral nih i aplo/sungh peklo or an post lak khawhlo asiloah an hriamnam zeital lak le harnak pek khawhlo khi asi.
Hizawnah ral nih an umnak zamtak zongah kanmah tu fak in hliamnak pek hnu le harnak pek hnuah an kan kaltak asi ahcun a longkarang asimi an umnak (post/စခန်း) lak cu teinak asi loh. 2021 ram buainak thawkinChin ram ah ralhrang umnak zeimaw lakmi lakah Thantlang township ummi Vuangtu le Hmongtlang post cu kah loin an chuahtak caah kanmah lei hliamnak le kuanzen dih heu loin lak asi caah teinak kan hmu tiah chimkhawh asi.
Asinain tihni i “Ţihbual ralhrang post” laknak kanzoh tikah CNDF nih ralhrang post kan lak, kan tei anti. Asinain kan mipi ralkap hliamtuar an um pinah i kahnak zeimaw a um anti tikah cu i kahnak hnuah “Ralhrang nih an hriamnam he i ap duhlo in India cozah sinah kan chia uh” an tihna i CNDF hruaitu nih an va chiah hna mi nih a langhter mi cu kan sung (Faield/failure) asi tiah kan chim khawh.
Aruang cu Chin ram khawika hmun paoh Chin mi kan ram le kan Vawlei asi. An chuahtak ruangah kan lak silo in an um hrimhrim zongah kan “ta” asi. Cu kan ta an tonenh mi lakţhan le chuhnak ahcun a hmun/Vawlei long lak kha tei silo in a luahtu/tonenhtu hna nih an thazang asi mi hriamnam lak le an duhmi silo in kan duhmi in siter khi “tei” cu asi.
Cucahcun “Ţihbual ralhrang post” lak kha kan tei silo in kan sungh asi. Phundang in chim ahcun…. “ralhrang nih India cozah sinah kan chia uh law Ţihbual post cu kan chuahtak lai an ti hna i CNDF nih ralhrang hna cu an hriamnam tling he India cozah sinah an va chiah hna khi kan sungh/failed/failure asi”.
One Command a ei kho lomi Hna nih rel loding. Nizan Tio kap ralhrang Zokhuathar zammi 40 cu India cozah nih Min Aung Hlaing sin a kirpi hna mi nih a langhter mi cu “Chin miphun kan dothlennak ah “strong and effective Arm wing” kan ngeihlo caah le India center cozah le kan dothlennak hruaitu hna karlak pehtlaihnak a fehlo zia” a langhter.
Abik in Miphun huap Dothlennak (National Revolution) tuah kho ding in CNF/A ah kan i fun khawhlo pinah CNF lei in India cozah pehtlaihnak tuahmi a derthom caah asi bik. Ziah cutin ka chim tiahcun Chin mi le Mizo ram mi cu “chul kha(nauiin khat) chuak kan si tikah chiat ah chiat khat ţhat ah ţhat khat aa hrawmmi kan si.
Asinain Mizo ram hnulei tawhtlaitu India Center cozah nih tuahding a timi an lawnh khawhlo caah Chin miphun kan ral asi mi MAL ralkap hna cu kan unau hna umnak Zokhuathar ah himnak an hmuh. A tlaitu hna minung zong kan unau an siko nain cunglei/center lei nawl an lawnh khawhlo caah cunglei fial ningin MAL sinah him tein an kuat hna pinah hliamtuar pa zong thlopbul dingah Camphai siizung ah an chiah.
Cucahcun kan miphun dothlennak ah “Miphun nih hlawknak/National Interest” kan hmuhnak hnga le miphun dothlennak teinak kan hmuhnak hnga Chin hriamtlai buu vialte hruainak, nawlpeknak pakhat tang ah i fun dih le Chak thlang hnulei kan ral hna sinah teitu kan sinak hnga le Inpa cozah nih(Wah le Kokang bantuk) dirpi mi kan sinak hnga remh le thlen le lung rual kan herh.
Note; Chinland chungah the first free town a chuahter tu kan miphun ralkap hna, nunnak a pemi le hliam a tuarmi nan dihlak cungah upatnak sangbik kan in pek hna. Hruainak pakhat, nawlpeknak pakhat tang i ral doh cu teinak hmuhnak asi timi nan nunnak le thisen nih nan kan cawnpiak. Credit: Peng Hlawnceu