Tibual Sakhan In SAC Ralkap 29 Mizoram Lei Ah An Zaam Ṭhan timi hi a dik lomi thawngpang a si!
===========
A site silomi aaa ka dua le…CNDF nih Tibual Sakhan an luhhnawh ah khan Tibual Sakhan Ralkap cu Falam Tatkung an phan dih cang i zeihmanh i kah lo tein dahkaw an thilri paiper khat hrawng te an lak ko cuh! kal tak cang. mi paiper khat te lak cu aa hlawk tuk ve mu.
Kan khuaruah har cio mi siko. CNDF an mah lawng nih tibual sakhan lak ding cu Bawipa thawnnak tello cun a impossible bantukin ruah a si. Sinan an lak fawn tikah kan i lawm tuk. Curual in thil umtuning le Uico thi le hliam an um lo an mah lei zong thi le hliam an umlo Jet zong a ra lo tikah hin ruah ding cu a tam ngai ko.
CNDF nih Tibual SAC Sakhan an laak hnu in SAC ralkap 29 cu Mizoram lei ah an lut ṭhan, tiah All India Radio News nih a ṭial. SAC ralkap 29 hna nih hin Assam rifle kut ah i pek an i tim, tiah an chim. Dungtlang Police station in a chuakmi Mizoram palik nih SAC ralkap pawl hi Saikhumphai pawngah va don i, Assam rifle sinah ap ding in timhlamhnak an ngei. SAC ralkap 29 dong ding in Mizoram Palik, Assam rifle, YMA le Vaphai VC hna cu Saikhumphai lei ah an kal, tiah AIR nih a ṭial.
Tibual kahdohnak ruangah tualchung mi 600 hrawng cu Mizoram lei ah an zaam i, ralzaam hi an karh lai tiah an zumh kong Vaphai khuatlang hruaitu nih an chim. Kan rak theih cang bantuk in Rih le Ṭiau sakhan in a zaam mi SAC ralkap 43 cu Mizoram ah lut in Assam rifle sin ah an rak i pe i, Myanmar lei ah Indian Air Force helicopter in phorh an rak si cang.
Tibual SAC Ralkap Sakhan Cu CNDF Nih An Laak, Hriamnam Tam Ngai Zong An Laak Khawh. Chin ramkulh, Falam peng Tibual SAC ralkap sakhan cu nihin November 15 zinglei suimilam 5:00 luan hrawng ah CNDF nih kan va kah i kan laak, tiah ralram ah a kalmi ṭuanvo ngeitu sin in theih a si. “Zahan November 14 suimilam 11:00 tluk in kan kah hna i a zaammi zong an tampi. Hriamnam zong tam ngai kan laak khawh i an sakhan zong kan khanghpiak hna,” tiah a chim chap.
Falam Peng, Tibual Sakhaan CNDF Nih An Lak. Chin ramkulh, Falam peng, ah a um mi Tibual sakhaan cu tuni (November 15) zinglei ah CNDF nih an kah i sakhaan an lak tiah theih a si. “Nizaan sml 11:00pm hrawng in kahdohnak kan thawk, ralkap a zaam mi zong an um. Hriam tampi kan lak khawh. Sakhaan zong kan khangh beh” tiah CNDF rianngeitu nih The Rili Voice ah a chim. November 13 zong ah CNA hruainak in dothlennak phu pawl nih Rihkhawdar um ralkap sakhaan le Tio ralkap sakhaan hna an lak. Cubantuk in CNDF nih a luancia April 10 ah Kalay-Hakha lam cung ah a um mi Var sakhaan an lak.
Falam Peng Var Khua Ah A Ummi SAC Ralkap Pawl Nih An Sakhan An Chuahtak. Chin ramkulh, Falam peng Var khua ah a ummi SAC ralkap pawl cu nihin November 15, zanlei suimilam 1 hrawng ah an sakhan chuahtak in Falam khuachung Khah-Lah-Yah 268 sin ah an i fonh dih, tiah tualchung mi nih an chim.
“Tuchun ah SAC ralkap pawl nih an sakhan cu an chuahtak i Forland motor 2 he Falam khua ah an kai dih. Atu hrawng cu Chin ralkap nih pehtlai in sakhan an laak khawh caah an thin a phang i an chuahtaknak a si lai” tiah Var sakhan pawng ummi pakhat nih The Rihli Voice ah a chim.
Falam peng chung ah SAC ralkap sakhan 5 a um i Chin ralkap nih 3 an laak cang, Var sakhan laak ṭhan lai phan ah an chuahtaknak a si lai, tiah zumh a si. A liamcia April 10 lioah Var sakhan cu CNDF nih an rak kah i SAC ralkap 11 an thi, minung 14 an rak tlaih hna. Cu sakhan kahdohnak ah cun hriamnam zeimawzat zong an rak laak khawh.
Hsipaw Khuapi Um SAC Kuttang Zung Rianṭuantu An Zaam Dih, Khuapi Cheu 3 Cheu 2 TNLA Nih An Uk Cang. Shan ramkulh, chaklei Hsipaw peng khuapi um SAC kuttang zung rianṭuantu vialte cu an dihlak in an zaam dih cang, tiah Hsipaw khuami hna nih Khit Thit Media ah an chim.
November 12 thawk in Hsipaw peng ah TNLA nih kahdohnak an thawk i November 13 ah Hsipaw khuapi um SAC kuttang zung le palik sakhan ah zung rianṭuantu ahohmanh an um ngam ti lo i an zaam dih, tiah theih a si. “GAD, Lah Wah Kah zung le a dang zung pawl ah zung rianṭuantu an um ti lo. Cheukhat zung tu cu zung hngak an um rih. TNLA nih khuapi cu cheu 3 cheu 2 an uk cang,” tiah Hsipaw khuami pakhat nih a chim.
November 12 ah Hsipaw peng le Kyaukme peng kar um Kyinthi hlei zong TNLA nih bomb an rak puah i a rawk dih. Lashio-Hsipaw, Hsipaw-Kyaukme lam TNLA nih an uk i Theinni-Lashio-Hsipaw lam um chek gate zong November 11 ah an rak laak.