Malaysia Palik Tlaih Ṭih Ah A Zamnak Ah Myanmar Nu Pakhat Hlei Cung Tlaknak In A Thi
=========
Malaysia ram ah phungning lo in a um mi hna cu Palik nih kawlhawl in an luhhnawh hna lio ah Myanmar mi Nu pakhat cu palik tlaih ding ṭih in a zamnak ah hlei cung in a tla i a nunnak a liam, tiah Malaysia-Kuala Lumpur Media cheukhat nih an langh ter.
Malaysia ram Sunway khua ah hi thil a can hi a si. Hlawhfa in Malaysia ah rianṭuan mi Myanmar ram mi Shwe Yun Htet (kum 22) cu palik nih an luhhnawh hna i, inn hnulei ah zam dingin a kalpah ah hlei cung in a tlak hi a si. A ruak cu July 30 ah an vui.
Phungning lo in Malaysia khuapi rawldawr pakhat ah rianṭuan mi Myanmar minung 8 hna zong a luancia zarh chung ah palik nih an rak tlaih hna. Malaysia palik nih phungning lo in Malaysia ram ah um in aa hlawhfa mi Myanmar ram mi hna cu nichiar te tiawk tlak in an tlaih khih hna, tiah kan theih. Thih cio cio zongah hi bantukin Kan thih hi cu lung a fak kho tuk. Apoi tuk e maw malaysia laimi kan khuasak dan te hi ruah khawh si lo e.
Phaisa kawlnak ah a hmang Tu Puaisa palh ah ka hmuh.. Ramthat lo hnu in an karh taktak chap rih hoi. Puaisa, Anmah nih lam an onpiak hna le heh tiahah an phaisa hmuhnak dingah lam an kawl i mino tamtuk an lung an thlen hna. Kan sifah ruangah hin Laimi cu kan khuaruah a bi deuh ko rua.. a dongh tiang timi khuaruah khawhnak kan ngei tawn lo. sifah le harsatnak nih hin kan ralthat vialte cu ralchiatnak ah a can ter dih tawn..Zeipoah hi Pathian khuakhan in raut ko usih.
Hi hi tu lio boruak ah kan ton bak mi si. Hi tin ka ruah; 1. Rili ral pehnak lam kawlpiak in puaisa pawl. Kan ram zeiti um zong a zei poi lomi. An mah hmuh nak lawng a ruat mi. 2. Nu le pa (Ram ca ah i pek a duh ngai ko nain nu le pa nih fa sinak in hlawt ding tiangin fale a thlohmi kan um. A poi bik bak si. An hmurka cun ram daw ngai an lo fawn. Fale kalter siang tung lo mi. Mah tik ah CNA/CDF luh nak cun tiah do cawi in rili ral a kalter tu nu le pa. Mi kut in rultlaih duh phun kan tam tuk) 3. Hawikom zong nih tampi lairel.
Ram dawt nak thin lung a ngei tak tak mi nih chun rili ral zeitik hman ah an kal lai lo kan ram ca ah nangmah kei mah nih a tuan lo ah a ho nidah a kan tuan piak lai kan Chinland hi i dawt coi u si. Khual Kan tlawnnak i ka huatbik mi.Mah fa le vial Rili ral i kal ter . Nan mah thawng tein kan him Kan mitkuh thaw (mi kut in rul tleih ai tim mi)zartpi ni pumh hmenh hmang theng lo I thla Kan i campaik hna ti hmang mi.
Puaisa nih le an phaisa hmuh nak kuat rem tak tak ah an hman ve hoi. Azam bak in a zam mi nih le an um ve hoi. Malay rat man aa fah ning hmanh hi amak teh. Zapi cu ka ti hna lo nain, Ram dawt nak tak tak a ngei lo mi azam bak in a rak zam mi pawl hi an tam tuk, khat lei ah puaisa sipuazi tthawn ter tu an si hoi. puaisa lawng hlah Ramdang um mi chungkhat hi an tel ve. cheukhat cu an unau mino deuh kha an thiar hna le alang in an ral ttha tuk hoi.
Chin State Budget vialte Falam, Tedim, Tonzang le Paletwah lawng ah an hmaan khawh. A dang Myo vialte ah Tender phih a si tik ah rian hrimhrim a um lo, An kal hna lo ah ramdang Chungkhat le cinglaa rualchaan ngeilo vialte caah Nun hi a haar tuk. Training le a kai luklakmi an tamtuk fawn ii Facebook an i post cio hna tik ah Khuachung um hrimhrim a ngamh lo mi an tam tuk cang. An hawi le kom an kal dih tik ah pakhat hnu pakhat in an i lem thluahmah hna .A donghnak ah Delhi lei Bible sianginn kai le Malaysia kal lawng a taang ko cang.
Kei cu mino paoh sual ka phaw hna lo. Mino nih nunnak an pek paoh ah ka tap zungzal. Kan nupa hna nih an rak i palh cangmi ruangah kan tuar si ko le nupa lawng sual ka phawt hna. Mino nih dothlennak ah cun tel cu a tha nain nupa ruangah a cangmi thil cu anmah nih tuanvo an lak bak ding si ka ti.
A fawi nak cun 2020 kha nupa nih thih hmanh an rak ngamh tuk hna. Khrihfabu ah Sifak le zutama chungkhar kumkhat voikhat hmanh thlacam piak an ton lo lio ah, Tar nu caah cun zalam cungah thlacam piak an rak ngamh tuk kha ka ruah ah ka tap zungzal. Ka lawm
Hodah palh deuh? Pumpak in kan ti hnawh mi hna a si lo mu…Ram a hun buai, mino miphun rian ah kan i funtom khawhnak ah a hun cang lai tiah ruahchannak ngeih dih cio kan si. Asi nain kan i ruah ning bantuk si loin a zor tu kan zor i, cheukhat mino thatha cu a Laihri tannak RAM chuah takin, rili ral ah kan pet.
Kan mawh hrimhrim ve bak loh. Ralchiat le ral tih cu mah duh bang a si lo cu teh, khika lei i an peh zong ah kan ram te cu an philh hraw la loh tiin hei i ruahpiak phot ko hna sih. Um khah, a si cun… mah le ram te a temtuar tuk lio ah, ram nih a riantuan ding a kan herh tuk lio ah ram hnu chit in rili ral peh khawh ding in a tuah tu, puaisa pawl maw an palh ne? Asi lo ah, hramhram in a kal vemi mino hi dah kan palh deuh ne? “Hodah a palh, “ tiah na hmuh ve nang?
Ralpi(War) cu voi tampi hmun tampi ah i kah a si tawn. Kap 2 thisen a luang tawn. Lungsaunak le teimanthluknak he harnak chosang kai peng a zuammi nih teinak co a si tawn. Kan thaa zei bantuk zawn ah dah a der, zeitindah kan remh lai tiah brainstorm tuah lengmang a hau. WWII lioah a thokka ahcun Japan le Germany nih an nam khawh ngaingai hna nain a donghnak teitu cu Allied an si. Lungdongh caan a si lo, teimanthluk chin caan tu a si.
Kan chan hi chan chia asi. Kan chan hi a rawk chin lengmang. Kan chan hi a tawi chinchin. Kan chan hi a tlamtling lo ngaingai. Mah tluk chan chia le chan rawk ah a nungcang ih a chan a tawi tuk mi kan dihlak te nih nihin ni ah fiang taktak in kan hngalh mi cu ahohmanh a zungzal kan hmun lai lo timi hi asi. Nihin ih kan chawva a hmun lai lo. Nihin ih kan thazaang a hmun lai lo. Nihin ih kan muisam a hmun lai lo. Nihin ih kan inn le lo thatha hna zong an hmun lai lo. Nihin ih kan thil ti khawh nak zong an hmun lai lo. Nihin ih kan hawikomh hna zong an hmun lai lo. Vawleicung ah thil zeite hmanh a hmun ding an um lo.
Nihin ni ah chan chia le chan rawk ah um ko hmanh uhsilaw kan lungput khuaruahnak tu cu rawk lo ding ten kil khitkhet uhsi! Kan minung hawipi hna hen rualrem ten um kho ii zuam uhsi! Khat le khat ii daw therhmarh uhsi! Khat le khat hnakkar ah ii tenh uhsilaw asikho chung in mi cah thil t’ha tuah kho ii zuam uhsi! Midang ca-ah bawmtu t’ha si kho ding in ii zuam uhsi! Mi va bawmchan kho tu kan si rih lo hmanh ah mi cah phurrit tu cu si hlah uhsi! Kanmah ruangah a lungre a thei mi hnak in ai lawm mi tam deuh hna seh. Kan hmin a thei tu poh nih bochan awk tlak le mi dingfel kan si zia thei chih hna seh.
Mi kong caih nak, mi chiatnak chimrelnak, mi tlamtlinlonak phorhchuah duhnak kan lungthin cu mi somhdawltu ah le mi kong a t’ha lam zawng in a hmu kho tu le a chim kho tu sinak in thleng cang uhsi! Mi kongcaih le mi rel kan ti lengmang mi khi a taktak ahcun kanmah dakaw a sung deuh tu cu kan si cu. Kan caan vialte a dihlak cumu. Kan credits vialte a tla dih cu mu. Kan cah miaknak pakhat hmanh a um lo mi rian cu ngol cang ko uhsi!
Zu din sa ei kan ti mi zong khi mirum le mithiam sang hna bantuk in fimkhur ten kan din ei thiam t’ung lo asi ahcun kal tak ko uhsi! Zeiruangah ti ahcun kanmah nih nehsawhnak, mitkemnak, pendawngnak, zawtnak, fak nak, buainak, harsatnak, retheihnak, zonzainak, tbt pawl vialte khi paisa phalh in kan va cawk mi hen ai khat. Damnak, remdaihnak le hnangamnak tu cawk ii zuam uhsi!
Nihin ni ah fiangtuk in kan ruat awk asi mi cu vawleicung caan tawi te kan nun chung ah kanmah le kan chungkhar cah t’hathnemnak, miaknak, hlawknak pakhat te hmanh a chuahpit kho lo mi cu kan tuah duh ti awk hrimhrim asi lo. Credit: Mai Esther Dimte