Thianghlim hlawr a nai kho men a titu an um pah cang…
=========
Ukraine ram cu Judah pa nih a uk hna i buainak a chuak. An ram a ciam rumro. Putin a thin a phawh ngaingai hna. Hamas nih Israel ai phomh sual. Israel nih Gaza in hlonh lawlaw a timh ko cang hna, ti awk a si. Tu hi cu ilaklawh, ihrocer sawh dirhmun lawng si rih.
Mirang pa (US mi si) pakhat nih ca a thaimi a um i ka lung a laak pah. Ka van kherhlai ve colh. Nain, a charmi Bible cacang belte cu tulio buainak he cun ai sengtlai lo tuk. Intellectual perspective a ngei deuh loin ka hmu. Amos 6:1-6 khi a char. A kuaih duhmi sullam lam cu a ti lo tuk. Nain, a charmi Bible caang thawng khin, theihtlei kai chap ngai.
Gaza Strip i atu khuasa pawl khi Filistin pawl khuasaknak ti a fianter. Arabic holh hrimhrim ahkhin, Palestine cu Dawlat Filasṭīn (دولة فلسطين) ti si cu mu. Judea le Samaria timi ramkulh cu Cathiang chung zongah a um bal. Mah khikhi hota dah si hmasa hnga? Samaria (Judea ai tel chih) cu nihin ni i West Bank an timi ramkulh khi si.
Gaza Strip i 2 million renglo milu pawn chuah hei si ding, West Bank i 3 million renglo milu hei pawnchuah chap ding si sual ahcun (WB cu a buai ti awk si rih lo), thil poi zong a chuak kho men ko tiah ruah khawh dingin a um pah.
A langhlat ikahnak rocket kuanpi meithal phun ahkhin, nihin ni ah cun, Hyper Sonic hei ti phun thiamnak in kahmi hriamthar a chuak. Cu hyper sonic kuanpi (missile) pawl cu zei ram le zei fimthiamnak hmanh nih a khamnak lam an hmu rih lo. Cu kuanpi phun a ngeimi hna lakah US, Russia le China cu fiang hlang in theih an si. Japan le South Korea, Israel nih an ngeih ve lai ti an zumh. Cu lawng si lo. North Korea le Iran tepawl zong nih cu fimthiamnak cu an ingeih ve ti si.
Iran nih Israel a rem lo. Tutan ahhin hypersonic kuanpi in Israel a kah sual hna ahcun, an ihuppheng kho lai lo―Iron Dome nih a kilven khawh rih lomi phun a si. US zong nih kilvennak ding i thiamnak a hmu rih lo. Iran nih Israel cu phomh tuah seh ca; Tel Aviv le Jerusalem khualipi hei ti phun khi. Ceilak an ciam lai.
US nih a zoh sawh lai lo. Anmah Israel hrim khi mi duh lo tak, fa toktalol tuk cu si fam hna, nuclear kuanpi in Iran cu an phomh colh khawhmi si. Mah bantuk thil cu cang sehlaw, US doh dingin ai tiimtu BRICS te ho Russia le China dirhmun cuanh ding si hnga.
China nihcun a herh lo ah ral a tu lai lo―Nitlaklei Vunrang pawl nakin an fiim deuh tuk cang cuh. Ai hrocer sawh lai. Russia belte an molh chupchap deuh rih i raltuknak ah a lut sual kho―an Putin ruangah khin mu. Nuclear war a chuah ahcun, vawlei cu tam tuk a ciam ko lai. Nang maw kei ti i nuclear hriamnam rumro an von ichuah cio ahcun, kan nunnak ding lam a tlawm ko cang ti awk si ko.
Tikah, Van le vawlei zeizong vialte sertu Pathian, a Fapa Khrih cu a fale hna (Khrihfa diktak pawl) khamh dingin vawlei ah a ra ṭhan lai ti, a si. A niam bik cawrawl einak kuang chung a rak chuah bantuk cu si ti lai lo. A saang bik sunparnak vialte a cotu dirhmun in a fale vialte caah khuaruahhar khamhnak a tuah lai, ti in zumh a si.
Na motor nai khalh cuahmah lio ah ruah loin Khrih nih cawi (khamhmi) na si khawh bantuk in ruah loin mei-alh chung i a ciam pet dingmi vutcam zong ah nai cang kho. Thianghlim hlawr hnu lawng khin Judah miphun pawl dirhmun cu theih khawh si men hnga.
Zisuh (an Yeshua) an rak cohlan lo ruangah Vanram kai lo an si lai ti a um lo. Annih ca biaceihnak khi ai dang. An lung a khong tuk belte le Zentel zat lo tluk hmanh Paradise lei an panh te lai lo dah. Zei si hmanh ah, Khrihfa ka si nai ti ko ahcun, Pathian thimmi minung le miphun cu va nihsawh hna hlah. Thin dam thanuam in i serious ter lo tein ai ceih huammi hna caah kan dangh hna. Credit: Salai C Alexander