KIA Nih SAC Ralkap Helicopter Pakhat An Kah I A Kang – KIA Spokesperson Nawbu
=========
Kachin ramkulh, Wyandmao peng, Napho ralkap sakhan ah rawl a phurmi SAC ralkap Helicopter pakhat cu KIA nih an kah i a kang tiin ral hmaikal hna nih thawng an kan thanh, tiah KIA chimnak nawlngei Colonel Nawbu nih Yangon Khit Thit Media ah a chim.
Nihin January 3, chun suimilam 11:59 ah SAC ralkap Helicopter cu KIA nih an kah nain thawngfiang tling in kan thei kho rih lo, tiah Colonel Nawbu nih cun a chim.
“Myitkyina in a hung kaimi SAC ralkap Helicopter cu an kah kong ral hmaikal nih an than i, cu kong he pehtlai in a hmun le khoika hrawng ah dah a tlak timi thawngfiang tu cu kan hlat cuahmah lio a si i fehternak tuah colh a si ko lai. An kah i an thlak khawhmi tu cu a dikmi a si ko,” tiah KIA chimnak nawlngeitu nih cun a chim.Credit : The Chin Post