Ni Kua Chung Ah SAC Ralkap Le Palik 10 Nih CDM An Tuah Tiah CDF Paletwa Nih Thanh
======
Chin ramkulh, Paletwa peng in ni kua chung ah SAC ralkap le palik 10 nih CDM an tuah, tiah CDF Paletwa nih nizan December 10 ah an thanh.
Chin ramkulh, Paletwa pengkomh Shinletwa khua ah hram a bunhmi beohar 3 in SAC ralkap Khah Lah Yah 299 in Kyaw Htet Way le Deputy Sergeant Naing Lin Aung cu November 29 ah CDM an tuah, tiah CDF Paletwa nih cathanh an chuah.
Cu pinah December 7 ah Shinletwa sakhan ah rian a á¹uanmi palik 8 zong mizapi sinah an i fonhnak kong an langhter. Mizapi sinah aa fonmi SAC ralkap le palik nih hriamnam he CDM an tuah le tuah lo cu an cathanh chung ah an langhter lo. SAC ralkap le palik 10 cu a himnak hmun ah an chiah hna i CDM tuah a duhmi hna zong lunglawm tein an don hna nak kong CDF Paletwa nih an langhter.
Loikaw Khuapi Peng Palik Sakhan Cu Tualchung Hriamtlai Phu Nih An Laak.Karenni ramkulh, Loikaw khuapi chung peng palik sakhan cu KNDF hruainak in tualchung hriamtlai phu nih an laaknak kong cu Progressive Karenni People Force nih an thanh.
“Nizan December 9 zan ah palik sakhan cu an laak nain vanlawng nih pehtlai in bomb an thlak ruang ah thanhnak kan tuah rih lonak a si,” tiah Karenni ralkap he naihniam in a ummi pakhat nih a chim.
Loikaw khuapi peng palik sakhan kahdohnak ah cun hriamnam zeimawzat, palik motocycle le motor zong an laak khawhnak kong phungning tein an thanh.Credit: The chin post