Phyu Peng NyaungPinTha Palek Sakhaan Dothlennak Phu Nih An Laak,Ralhraang 30 Tluk An Thi I Hriamnam Tampi An Laak
==========
Bago ramthen, Phyu peng NgaungPinTha palek sakhaan cu KNLA le PDF telh in a dang dothlennak ttangti phukomh hna nih nihin zinglei sang ah an laak khawh i ralhraang 30 tluk an thih leng ah hriamnam tampi an laak tiah theih a si.
Nihin December 13 zinglei slm 4:15 thok in Nyaungpintha palek sakhaan cu Yoma column (1), Alawaka column,Dawwin Daung column,BPLA le KNLA ttangti phukomh hna nih an tuk i zinglei slm 5:00 tluk ah tlamtling tein an laak khawh tiah theih asi.cu sakhaan chung ah ralhraang le palek thazaang 60 tluk an um i cu chung ah 30 tluk an thi i a cheu cu an tlizam hna tiah theih a si.
Nyaungpitha palek sakhaan in RPG kuan (21),RPG kahnak (17),9MM kuan (80), 60MM bomb thei (27),G2 meithal zun (1),G3 meithal zun (2), Pyaungchaw zung (4), BA 94 (2),MA13 zun (1), Tear Gas Gun zun (2),kut cheh bomb lung (6), G3 kuan (231),5.56 kuan (143), kutkhit (4),laptop (1) mithlitlaknak bomb lung (46), aw bomb lung (1),kuan kham (2), lukhuh lung (5), G3 kuan bawm (6) hna an laak tiah theih a si.
Namhsam Khuapi Palek Sakhaan Le Commando Tlangbo Um SAC le Palek Minung 40 Tluk Ralram TNLA Kut Tuar In An Thi.Shan ram chaklei Namhsam palek sakhaan TNLA nih an rak laak lio ah a zam mi Deputy Chief of Police Htun Soe Thing hruai mi palek minung 20 le commando tlangbo in SAC Major Kyaw Thu Win hruai mi ralkap minung 20 tluk an zapi minung 40 tluk cu nizan December 12 ah TNLA kut in ralram ah an thi tiah theih a si.
Namhsam palek sakhaan cu December 11 zinglei slm 4 tluk ah TNLA nih luh hnawh in an kah hna lio ah cu ka sakhaan um SAC ralkap le palek hna cu an rak zam hna.cutin a zam mi hna cu TNLA nih an dawi hna hnu nizan December 12 ah kaphnih kar kahdohnak a chuak than i SAC lei an zapi tein an thih hi a si.
Cu hnu ah SAC nih bawm tu ding ah helicopter in a rak thlah mi SAC ralkap thazaang 70 chung in 25 cu TNLA kut in an thi colh i midang hna cu an tlizam hna tiah theih a si.
Hriphi Khua Mi Hna Nih Sia,Vok,Facang,Tisik Anhnah Le Thingthei Hna I Put In CNF/A Ralkap Hmunpi Victoria Base Ah An Va Veh Hna.Thantlang peng Hriphi khua mi hna nih kan ram caah a si khawh chung in rian a tuan cuahmah i nunnak zong a pe cuahmah tu kan ralkap CNF/A hna cu Advance Christmas tuahpiak pah, Chinland Council lomhnak langhter pah in an va veh hna tiah theih a si.
Sia,Vok sum (6), Facang tun (5)Tisik Anhnah le Thingthei hna iput in Hriphi Khuami Uknak lei hruaitu (VC), Mino hruaitu, Biaknak lei tiah minung (29) an kal kho.Advance Christmas tuah piak pah, Chinland Council a dir mi lomh pi pah in a tu bantuk in kan kal hi a si tiah a kal mi chung in an chim.Credit: CBN Daily News