Chinland Council Nih Chinram Cozah Thar An Ser, Prime Minister Ah Pu Pa Thang Thim A Si
++++++++++++++++++++++++++++++
A voihnihnak Chinland Council meeting cu January 30-31 tiang Chinlung khuapi(Victoria Base) ah an tuah i tlamtling tein Chinram cozah thar an ser.
A voihnihnak Chinland Council meeting ah Chinland phunghrampi ningin Chinland cozah Chief Minister, Miniters le ukhruainak tungtlang pathum fehternak an tuah kong Chinland Council nih an thanh.
Chinmi hmunram le Chin miphun dihlak runven, Chin miphun ralkap ṭhawnter le Chin miphun dohthlennak ah Chinmi zapi dihlak i tel ding in kan i zuam lai, tiah Chinland Council nih an langhter.
A voihnihnak Chinland Council meeting ah Chinland Cozah lutlai thar thim an si i, Prime Minister Pu Pa Thang, Foreign Minister Dr. Sui Khar, Defense Minister Pu Thawng Za Lian, Attorney General Dr. Ṭial Hnin an si. Supreme court zong ser colh a si i, Chief Justice ah Pu Thomas Thang Nou, Judges Pu Mana Sheing le Pu Thang Yen hna an si.
Relchap: SAC Nih Hramhram Uknak An Lak Kum Thum Tlin Ni
Nihin cu SAC ralkap nih hramhram nawlngeihnak an lak kum thum a tlin ni a si.
Kum thum chung ah sualnak ngei lo mi zeimawzat an nunnak a liam pinah umnak ngei lo tiang in mipi inn khanhpiak/ hrawhpiak le chuh kan tong. Micheu pum tlamtling lo dirhmun an phan.
Mah umnak hmun ah um ngam lo in ralzaam, ralhrial dirhmun le ramtang hmunkip ah phanmi kan tam. Cheukhat nih chungkhar pum pawcawmnak rian cu mitchimh kamseh in an kaltak caan kum thum a tling ve cang.
Kum thum caan chung ah mino tampi chunmang a tlau i ruahchannak hna zong an lo.
Hi caan chung ah hin harsatnak phunzakip kan tong, sihmanhsehlaw kan lung dong hram hlah seh! Ṭanrualnak he hmai nor chin hna usih! Ni khat hnu ni khat in Bawipa nih teinak a kan pek ko, a donghtiang Bawipa nih an kan dirpi lai i teinak thantar thlai caan kan phan hrimhrim lai.
Ram buai ruangah lunghdonghnak, sifah retheihnak, harsatnak, ngaihchiatnak le sunghzatlaknak hna cu mipi nih ton cio a si. Cu kan tonmi harnak vialte chungin Bawipa nih kum thum chungtiang tuarkhawhnak thazaang a kan pek.
Dohthlennak ruang ah nunnak liammi vialte nan thisen man zeitik hmanh ah philh an si lai lo, upatnak sangbik kan in pek hna.
By. Anna Par
Nihin cu SAC ralkap nih hramhram nawlngeihnak an lak kum thum a tlin ni a si.
Kum thum chung ah sualnak ngei lo mi zeimawzat an nunnak a liam pinah umnak ngei lo tiang in mipi inn khanhpiak/ hrawhpiak le chuh kan tong. Micheu pum tlamtling lo dirhmun an phan.
Mah umnak hmun ah um ngam lo in ralzaam, ralhrial dirhmun le ramtang hmunkip ah phanmi kan tam. Cheukhat nih chungkhar pum pawcawmnak rian cu mitchimh kamseh in an kaltak caan kum thum a tling ve cang.
Kum thum caan chung ah mino tampi chunmang a tlau i ruahchannak hna zong an lo.
Hi caan chung ah hin harsatnak phunzakip kan tong, sihmanhsehlaw kan lung dong hram hlah seh! Ṭanrualnak he hmai nor chin hna usih! Ni khat hnu ni khat in Bawipa nih teinak a kan pek ko, a donghtiang Bawipa nih an kan dirpi lai i teinak thantar thlai caan kan phan hrimhrim lai.
Ram buai ruangah lunghdonghnak, sifah retheihnak, harsatnak, ngaihchiatnak le sunghzatlaknak hna cu mipi nih ton cio a si. Cu kan tonmi harnak vialte chungin Bawipa nih kum thum chungtiang tuarkhawhnak thazaang a kan pek.
Dohthlennak ruang ah nunnak liammi vialte nan thisen man zeitik hmanh ah philh an si lai lo, upatnak sangbik kan in pek hna.
By. Anna Par