Tamu Khua, Aungzeyar Sakhaan In An Lak Mi Hriam Pawl NUG Nih An Langhter
==========
Sagaing ramṭhen, Tamu pengkomh, Tamu peng Aungzeyar ralkap sakhaan in an lak khawh mi hriam le kuanzen pawl cu NUG nih a langhter.
Aungzeyar ralkap sakhaan cu December 7 ah dothlennak phu pawl nih an rak kah i December 7 ah an lak khawh hi a si.
Sakhaan chung in hriam cheukhat, hriamngan telh in kuanzen, mawṭaw 1, riahcaw le adang thilri pawl zong an lak khawh tiah NUG Ministry of Defense nih hmanthlak he thawng a thanh.
MNDAA le Ralkap Council Tonbiaruahnnak Ah Phudang Pawl An i Tel Lo Tiah Ramkel Lei Thiamsang Pawl Nih An Chim.Chaklei unau hawikom phu a si mi MNDAA, TNLA le AA phu aiawhtu pawl le ralkap council aiawhtu pawl cu a luancia thla dongh lei ah tonbiaruahnak an ngeihnak kong he pehtlai in Myanmar ramkhel kong a ngiathlaitu U Than Soe Naing nih cun MNDAA le ralkap council chikhat kahdaih hnatlaknak an tuah ti mi hi a dik ko, asinain hi hnatlaknak hi Laukkai khua caah ni 15 chung kahdaih hnatlaknak an tuah mi lawng a si i adang phu a si mi TNLA le AA phu he zeihmanh pehtlaihnak a ngei lo tiah RFA ah a chim.
Tlangcung hriamtlai phu kong he pehtlai in ramkhel lei thiamsangn a si mi U Than Soe Naing kha RFA chungtel Un Khin Maung Soe nih biaruahnak a tuah mi a si.
Muicawl – RFA
Paletwa Peng Um Ralkap Nung-bu Byuha Sakhaan AA Nih An Lak.Chin ramkulh, Paletwa peng ah a um mi ralkap Nung-bu byuha sakhaan cu AA nih an lak khawh i Paletwa peng ah a um mi ralkap Ta-run-ai byuha le Nung-bu byuha sakhaan 2 cu AA nih an lak khawh cang tiah AA lei nih fiang tein thawng an thanh.
AA nih Paletwa peng ah a um mi ralkap byuha 2 a si mi Ta-run-ai sakhaan le Nungbu byuha sakhaan pahnih cu 2023 November 14 ah an kah hna i Ta-run-ai sakhaan cu ni 21 a rauh hnu December 4 ah tlamtling tein an lak khawh i Nung-bu sakhaan zong November 14 zinglei sml 9:25 thawk in an kah i ni 27 a rauh hnu ah tlamtling tein an lak khawh ve hi a si.
AA ralkap pawl cu nikhat hmanh i din lo in ralkap pawl an kah lengmang hna i ralkap lei nih hriamngan, vanlei kahdohnak pawl he fak ngai in a kham ve. Nung-bu sakhaan kahdohnak ah Nung-bu sakhaan Tactical Operator ruak telh in ralkap ruak cheukhat le hriam tampi an lak khawh bantuk in AA lei zong a nunnak liam mi an um tiah theih a si.Cun kahdoh cuahmah lio a si mi sakhaan cheukhat pawl zong la kho ding in an i zuam cuahmah lio a si tiah theih a si.Credit: The Chinland Post