Sangau Khua Pawng Ah Assam Rifiles Nih A Puak Kho Mi Thil An Tlaih.Mizoram ramkulh, Lawngtlai pengkomh, Sangau khua pawng ah Assam Rifiles nih a puak kho mi thil tam ngai an tlaih, tiah theih a si.
Nihin February 7 ah Lawngtlai pengkomh, Sangau khua pawng ah a puak kho mi thil a phurtu minung pahnih le an thil phurh mi tam ngai cu Assam Rifiles Duty nih an tlaih.
A luancia February 5 ni ah Assam Rifiles cu thawng pek cia an rak si i khualtlawng mi hna chekhlatnak an tuah colh hna. Assam Rifiles nih chekhlatnak an tuahnak ah Bolero motor in khual a tlawng mi pahnih sin in a puak kho mi thil cu an tlaih.
Assam Rifiles nih minung pahnih sin in a puak kho mi thil an tlaih mi cu Explosive 150 kg, Detonator 1800 le Cordtex tam ngai a si i, thil a phurtu minung pahnih cu Assam Rifiles nih Mizoram palik sin ah an ap hna, tiah theih a si.
Thawngpang Dang RakĀ Rel Chih :Hakha Rungtlang Um Tectical Operation Command, Colonel Hein Htet Aung Cu Lung Zawtnak In A Thi.Chinram, Hakha peng hrambunh Tectical Operation Command, Colonel Hein Htet Aung cu lung zawtnak in a thi, tiah Chin Human Rights Organization(CHRO) nih February 6 ah an thanh.
Hakha peng hrambunh Tectical Operation Command, Col. Hein Htet Aung hi khoika ah dah a thih ti mi kong tu cu Chin Human Rights Organization nih an langhter lo. Hakha hrambunh Tectical Operation Command, Col Saw Tun cu 2023 October thla ah khan Colonel Hein Htet Aung nih hin a rak chan.
Colonel Saw Tun cu Thantlang operation ah aa tel mi a si i SAC ralbawizik Min Aung Hlaing le Colonel Saw Tun telh in Thantlang operation ah aa tel mi hna cu Chinmi minung 5 nih nuhrin covo buarnak kong ah a liamcia 2023 October thla ah Philipines biaceihzung ah taza an rak cuai hna.Credit : The Chin Post