Saiha Autorickshaw mawngtu lainawnnak ah a tel ve mi ruahmi TheThe tlaih a si pinah hliampi a tuar. A dirhmun a tha lo ngai!
========
Saiha Autorickshaw mawngtu lainawnnak ah a tel ve mi ruahmi TheThe tlaih a si pinah hliampi a tuar. A dirhmun a tha lo ngai. Date 26 January 2024: Saiha Autorikshaw mongtu lainawnnak ah a tel ve mi ii ruahmi, police sinah a ap lo in a zaammi Thethe Hlanpuia ti zong in theihmi cu mipi thinhung nih ceilak in an velh ii, a dirhmun hi a tha lo ngai.
Saiha ii, riantuantu sin in bia theihningah cun, Lainawngtu ah ruahmi mi pali hna lakah mi pakhat police sin ah a ap lo mi pa cu, Meisatla, saiha mino hna nih tuni zanlei khan an tlaih. Mipi thinhung mi hna nih faak ngai in an velh ca ah, hliampi a tuar. Police nih mipi thinhung pawl hi an kham hna ii, TheThe hi sizung phanhpi a si na in, tutiang hi a dirhmun a tha lo ngai ngai.
Saiha Autorikshaw mongtu thattu hna hi Arakan mi si lo in, Chaklei(Burma)mara khua Raka mi si dawh an si. 1. Min: Lewin. Lewin hringtu pa hi pastor Luther, Methodic Church, Raka Pastor bialtu a si. Liva khua matupi khawchuak a si. 2. Min: Hlan puia (TheThe) TheThe pa hi Raka khawchuak Pu Pahmung a si. A nupi hi Bawm miphun a si.
3. Min: Haokao (Koko) apa Pu Kahuei Raka khawchuak. Khumi miphun a si. 4. Min:Manase. Apa hi Hnehzova a si ii, mizo miphun a si Raka khawchuak a si. Lainawng mi Pali hna hi khawchak lei mara Raka khua ah a khuasa mi, mara miphun an si lo. Mizoram ah Refugee in a um mi an si lo ii, khualtlawng sawsawh khi an si.
Lainawngtu ah ruahmi hna hi hoikom tha ngai ngai an si hna ii, Hlanpuia (TheThe) ca ah nupi fir ding in Dated 21 January 2024 ah khan pumhliau ah chuak in Sau-u khua ah an kal. Nupi fir ding an ti mi Sau-u hngaknu cu khua ah a rak um loh ii, India ram ah a kal ti an theih ca ah va kawl ding in an kal zumh a si.
Saiha Autorikshaw mongtu thahnak he pehtlaiin Network for Unity Association(NUA) Mizoram nih cathanhnak an ngei. Tuarpinak le Mizoram mipi sinah ngaihthiam halnak. Tuni 25th January 2024 ah Siaha khawlipi ah lainawnnak thil a cangmi ah hin kan nih Network for Unity Association (Mizoram) pawi kan ti hringhran. Lainawngtu Arakan minung hna hi fakpi in sual kan phawt hna. Vanchiatnak tuartu chungkhar hna zong kan tuarpi hna.
Lainawngtu hna hi Arakan Army(AA) he pehtlainak an ngeih zumh a si. Lawngtlai Refugee Camp ah khua a sa mi an si lo. An motor cycle 125 a rawh ruang ah Dated 20 January 2024 ah Camp ah hian Cycle part cawk awkah an rak ra. Myanmar Refugee minung hna lainawngtu an si tiah biachokvai a um hi poi kan ti hringhran. Lainawngtu ah photmi hna hi Arakan minung an si pinah Kum tlinglo an si ca ah, an min kan phuang lailo. An dihlakin Arakan state in a ra mi le Arakan miphun an si tiah theih an si.
Myanmar in sahimnak kawl in, Mizoram ah a dormi, a kan dawtu leh bomtu Mizo Zirlai Pawl(MZP, MSU) le NGOs( YMA, YLA, MTP, ZoRO, MHIP etc..) sinah le Mizoram mipi dihlak sinah lunglomhnak chimchawklo kan ngei. Misual Lainawng hna tuahsernak ruangah hin, kan nih zaamnak ding hmun dang le ram dang a ngeiti lo mi, kan nih Refugee cungah thil tha lo a cangmi a um sualnak hnga lo, Mizoram mipi Nan theihthiamnak le zaangfahnak kan in hal hna.
Burma Ralzam nih Saiha Autorikshaw a mawngtu an thah. Dated 24 January 2024 ah khan Siaha Autorickshaw MZ 03 7550 Zawasa Siaha ECM veng ah a ummi nih a mawngh mi cu, Myanmar Raltlan mi pathum nih Lawngtlai kalnak ah an hlaan. Lawngtlai in zan Suimilam pasarih 7:00 PM ah Saiha ah an rak kir tiah theih a si.
Zan Suimilam pakua 9:00 PM ah hian Autorickshaw mawngtu hi Saiha a dawngle nih chawnh an tim ii, an fawn kho ti lo. Date 25 January 2024 ah Autorickshaw hi Saiha kiangkap ah a um mi very farm ah hmuh a si. Siaha Police hna nih, lainawngtu pathum hi am tlaih cang hna ii, pahnih hna hi Saiha Police station ah hren an si. Pakhat hi Saiha Police hna nih Autorickshaw mawngtu an thahnak hmun Lawngtlai District Chung, tipi ferry ral lei ah an hruai liau a si.
Mipi an thinhung ngai ngai hna ii, Ralzam kut in, an mah khawtual mi an thih ruangah hin kan unau Mizoram minung hna nih hin, Ralzam pawl an kan hmuh ning dawtnak nak in, huatnak mit in an kan hmuh sual lai ti phaan a um ngai