Robots hna bia chim hi teh Tihnung chin khi an si ko!
======
Kan duhning tiang tlukruannak a um ding ahcun Chinland Council ah Thaizing hmanh ah kan lut lai”— (CDF-Mindat). “ICNCC dah lo lam dang a um ti lo. Chinland Council ah luhnak ding a um lo. ICNCC lam lawng lawng a um.” — (CNDF/CNO)
An awaan ngaih ah a lo ngaimi cu vok sumh nga i hruai in an inn in a hlat pah nawnnak um mi tthawng pa kha kawi ah i tlaih. I tlaih thaizing bak in zalam tlang ah kawifa tiin a duh lem lo bu in rawt i ttang i cumh pah bu in aupi a timh bantuk khi a a si.
A ri ve lomi a ri pah mi i ban in rawt i zalam tlang i au i zulhter cu Caan a sauh ahcun a fawi te lai lo. Unau timi min in ttem i anmah duhning in hruai timh khi a lo. Anmah kawifa lila an mual a phố te sual lai dek maw! Sim Ramcar ah Pathian thimh mi Moses kha leicum kaa ah asi tiah Pathian nih athimh i kha an hngalh ko buin an nek an zawm taih caah korah te phu cu leikak nih adolh hna ati kha.
2024 nih Chin Cozah pahnih Don dawh a si. Chinland council le ICNCC, Tuan deuh i ka rak ttial bang 2024 hi cu mipi i cuh kum a si lai. Chinland Council a fehnak hnga CNF upa nih faak deuh in an tha an chuah a hau rih lai. A si khawh ahcun Pu Zing Cung pumpak bak in Thlanglei Chinlram um unau hna an si ah a kiken deuh i a ummi chungtel cia an sinah a mui ai langh le tthut tti le sawmnak biaruahnak ngei kho seh law a ttha tuk hnga.
2023 chung ah hin mino lawng thlah lo in a lu lei nih sawmnak le pengkip upa hệ tonnak Camp Victoria lawng ah si loin an hmun cio ah rak fuh in rak tuah kho deuh hna seh law Chinland Council hi Atu nak in a hlawh a thling chap rih men hnga. Chinland Council caah 2024 i ka saduhthah cu hruaitu hna nih anmah pumpak bak in a kiken deuh tiang tlawn le mipi thinlung laak i zuam ding hi a si.
CC caah dawnkhantu fangfang cu an si kho ve te ko lai, Unau pathum hna he. A hlei in Chin media Kawl in ttial mi paoh a control fawn tikah ground an buai khawh lo hmanh ah online cun an thawng a thang ngai te lai. Zeidek an lawh te hna lai. Zeiti a si paoh ah CC le CNF upa nih mipi sawmnak he pehtlai in tha an chuah deuh an chuah chin cu a hau tiah ka ruah ko.
Kanmah he ai zuamcawh mi kha niam tuk in zoh sual lo ding a biapi. Atu Mindat CNO le ZFU nih an dirpi ahcun tampi i thlen khawh an si. Chin media Kawl ca in ttial mi le CNO minung deuh an si fawn tikah an tuah khawh mi khi a sawhsawh in zoh ding an si lo. “Don’t underestimate your opponent, but don’t overestimate them either” timi khi a si ding ah ka ruah.
I CNCC a thaw lawng chuahmi cu ho hna nih dah Chinram cankarlak cozah dingah a tunmer khawh lai? an mah tikur cu an ven ve ko lai. A tlanghuap lam tu cun si kho naisai hlah! online army tiah min ka rak peknak hna si fam, unauthum timi khi a chungah thil tampi theih lomi a um len ve ko!! Kan tial lem lo bia.
Pakhat tein se, Falam le Tedim hi hawikom i ser in zeican dah rian an tuantti khawh bal, a tu le bang ahcun a tuan le tlai siko lai, a minpi lawng a si lai i, achungah ei an chuak bal lai lo! ICNCC Chin cozah sinak dingah a ho nih dah a sponsor hnga? A ngai ti ko ahcun Falam le Tedim cu anmah pumpak sipuazi leng a dang hmu kho le kal duhmi an si bal lo.
Tibual ralhrang sakhan an lak ning hna kha a chung thil.thei caah cun fihnung teifiak dahkaw si ko.Mah btk tuahbu cun an lam a tluang kho bal lai lo.Chinram.khuazing hna a tla lo top. Tamtuk tial ding a um nain ka tial rih lem lo bia. Chinland council cu dirh a si cang caah CNF a siti lo, CC upa riankhinhmi kha biapi an si ko, ni 60 chungah Chief Minister le biacaihbawi le upa an thim hna lai i mah hna rian siko cang tiah ka ruah.
ICNCC hi cu a hram um lo mi. thli cung ah bulh mi asi e. Kei mah pakhat lawng nih Statment hi ka tuah/chuak kho tuk eh. Logo zawng a phun phun ka siam ko . A hau dah Chin miphun huap in rian a tuan ti mi mi atu tiang nan fiang lo mi cu a poi ngai ngai. khei mah lawng nih bu 10, 20 ka dirh ko aw.
Pu Zing Cung lawng Hlah CNF /CNA hruaitu Upa deuhdeuh paoh cu phan kho in vatlawng kho dih hna sehlaw bia hna zg tlamtling ten an va ruahkhawh hnalai i cu nih cun tamtuk lungrual nak a chuahpi hrimhrim ko lai tuan te hrimhrim khan an phak bal cg ding si cuta nan tu zg cu tlairih hlei lo a can um rih thiamthiam ko.