Thai Ramri Ah A Um Mi SAC Ralkap Yedashouk Sakhaan An Laknak Muicawl An Langhter!
==========
KNU Brigade 6 hmunhma, Dupla pengkomh, Kawkareik peng, Myanmar-Thai ramri ah a um mi SAC ralkap Yedashouk sakhaan laknak hmanthlak le muicawl cu Special Operation Group nih an langhter. Cu SAC ralkap sakhaan cu KNU phufonh nih an kah hna i mins 25 chung kahdohnak a rauh hnu ah sakhaan an lak tiah theih a si.
Sakhaan lak kahdohnak chung ah SAC ralkap 9 an thi i adang pawl nih sakhaan an zaamtak tiah theih a si. Kahdohnak chung in hriam zuun 12 le kuanzen pawl an lak khawh tiah theih a si. KNLA B18, SOG phufonh, Ayeyarwaddy Force, Dawna Phoenix Drone Team le Tiger Dragon Revolution Force hna bawm in kahdohnak an tuah hi a si tiah theih a si.
Muse, Kutkai le Moekok Nikhat Chung Ah Kahdohnak Voi 7 A Chuak i SAC Ralkap Tampi An Thi. Mandalay ramṭhen, Moekok peng, Shan ram, Muse peng le Kutkai peng hna ah SAC ralkap le TNLA phu karlak ah kahdohnak hmun 7 ah a cang i SAC ralkap tampi an thi, meithal zuun 9 zong an lak khawh tiah theih a si.
September 19 nikhat lawng ah Pinta-aung peng Brigade 1 hmunhma, Muse peng, Saikaung khua pawng ah voikhat, Brigade 5 hmunhma Kutkai peng, Khumone khua pawng ah voikhat, Brigade 2 hmunhma Moekok peng Ohnyaungkone khua pawng ah voi 2 Nyaungkone khua le Oknyaungkone khua karlak ah voikhat chaklei Nyaungkone le Konesan karlak ah voikhat le Pyuyaung khua pawng ah voikhat tiah TNLA le SAC ralkap karlak ah kahdohnak a chuah hi a si.
Kahdohnak pawl chung ah SAC ralkap Loigyelaw sakhaan, 105miles sakhaa, Nan phetka 123 sakhaan pawl nih Mankan khua, Nathang khua, Nakat khua lei ah hriamngan an kah i mipi inn pawl a rawk mi le mipi hliam a tuar mi an um i Moekok peng mipi 400 le Muse peng chungkhar 131 in minung 340 leng an zaam tiah theih a si.
Min Aung Hliang Nih A Zumh Ngai Mi Lieutenant General Moe Myint Tun Cu Eihmurnak Kong In Inn hrenkhumh Tlaih In Bia Hal Lio A Si. SAC bawizik Min Aung Hlaing nih a zumh ngai mi SAC lutlai eihmurnak siangpahrang L.t Moe Myint Tun cu eihmurnak he pehtlai in inn hrenkhumh tlaih in bia an hal lio a si tiah ralhrang lei chung in thawng theih a si. Myanmar kyat tangka man ngei lo in a umnak kong hna dothlat ding in SAC bawizik nih bia cahnak a ngei hnu in a leng lei sui zuar, dollar zuar le adang chawlettu hna lutlai General Yan Naing Soe cu an tlaih.
General Yan Naing Soe hi L.t General Moe Myint Tun a kut khatlei bantuk in a bochan ngai mi minung a si. SAC lei nih an rak tlaih mi sipuazi rianṭuan mirum hna lei Myawaddy bank, Myanmar Economic Corporation le SAC nih a tuah mi sipuazi riantuannak lei lutlai tampi nih L.t Moe Myint Tun cu tangka zikhnawh an pek ṭheunak tiah The Irrawaddy nih an chim.
SAC Ralkap Ah Lieutenant General Rank In A Cunglei Bawi Khuasak Tintuknak; An innchungkhar caah special ei-din rawl cu Directorate of Army Logistics ကက(ပံ့) တပ်မတော်ထောက်ပံ့ပို့ဆောင်ရေးညွှန်ကြားရေးမှူးရုံး nih Facang, Chiti, Cite, Khachuam, takbare ei-din a phunphun ṭuanvoa lak. An eidin mi cu adang rank ngei lo ralkap bantuk in rikhiah piak an si lo. An duh tik caan poah ah an PSO nih Army Logistics G2/G1 ah chimh in lak a si.
An ei-din mi sa phuntlin zong a leng ah cawk an hau lo. Sa, Nga phunphun zong Army Logistic ကက(ပံ့)`uanvo a si. Bawi pakhat a innchungkhar nih rilipi ngaikuang phunphun, Arsa, Cawsa, Mehehsa, le sa phuntlin cu Army logistic bazar motor nih nifatin an inn ah pek peng a si.
Cun hlei ah innchungkhar hmanmi thilri, (thlalang ong, Aircon, thilri phunphun a thar thlennak maw) zeizong vialte Army logistics nih `uanvoa a lak. An innchungkhar minung vialte caah ngandamnak caah Sii le zohkhenhnak caah Army logistics ကက(ပံ့) `uanvo thiamthiam. Thla fatiin in a thabik Sii Package (Vitamin phunphun le Cholesterol sii…) pek peng an si. Lieutenant general rank bawi cu thlakhat ah Sii lei zohkhenhnak ah sing 15 Sii package, General rank nih sing 20, tiin nihin thilman he cun sing 40 sii package an lak ton.
An kuttang Commander bawi pawl thlakhat voikhat khual an tlawng ahcun an khualtlawnnak peng le khua um Crony pawl nih phungning lo in thlakhat ah sing 100 nak tam tangka an pek rih hna.
Cun thlali voikhat U Paing MEC company nih Sui le lungvar man sung package cu an sining rank zoh in package pakhat cio an pek hna.
An innchungkhar hmanmi Wifi free, phone bill free hmannak nawl an ngei. An mah caah innhmun vawlei an duh mi paoh pek an si rih. Naypitaw pawngkam innhmun thar le ramthen, ramkulh a ummi commander bawi nih an duhmi hmunthar vawlei laknak nawl an ngei rih. NLD chan hlan ah Yangon-Mandalay lamkam um Haitheidum caah tiin vawlei cu acre pakhat ah Kyat 75 cozah rate mandeng tak in acre tam pi an rak cawk cio.
Cupinah Lieutenant General in a cunglei bawi fa le nih company dirhnak nawl an ngei. Lieutenant General bawi fa le cu lam le hlei company a dirh mi an tam. Cozah tender project laim cu an mah company ah pek an si ton. General rank fa le nih constriction picel, ralkap vailte hmanmi eidin, sii vialte le battalion inn le lo remhmi tender an lak dih.
Cucaah Army logistics nih an duhherhmi poah chanbau lo tein a lak free in an pek peng hna. An facang ei mi ah Thailand fang, Saudi fang, Vietnam khachuam phunphun..Seafood eimi Japan, ramdang lei a ra mi…Cawsa, Tusa, Mehehsa, ti ah Australia le ram kip a ra mi…
General rawlbawi hna nih duhpoah in an ei -din an rum tuk lio ah an kuttang ralkap pawl cu ralram ah eidin tirawl hmah ngei lo, a thimi lukhong ngei ti lo, TA-DA pek ti lo, Hliam tuar tik le tha tein zohkhenhlo, rank kai ti le um lo, cheukhat ralkap an thi le nun zong chungkhar nih theih ti loin salrian an tuan lio can ah an mah General pawl cu an innchungkhar ah siangpahrang bantukin nuam tak in an um hlawng si loin an kuttang PSO, Security, Driver, rawlchum, sinum minung hna hlei ah an zawt saram an eidin mi zohtik ah nikhat ah sing tamtuk man a si.
Cucaah saram hmanh a tluk ti lo mi saldirhmun ah an um mi ralkap sawhsawh pawl nih an pu le sining vialte theih hna sehlaw tiah siaherh bu in…. Theihternak: Ralkap Army Logistics ကက(ပံ့) chungtel ralbawi thawngpeknak in lak mi a si. Credit: The Chinland Post
https://fb.watch/nbmaXVps4M/