CDF-Tonzaang Battalion 3 Sakhan SAC Ralhrang Le ZRA Nih Luhhnawh In Hriamnam Cheukhat An Lak Piak Hna
=========
Chin ramkulh Tonzaang peng ah umhmun khuar mi CDF-Tonzaang Battalion 3 an sakhan cu SAC ralhrang le ZRA hna i bawm in August 31 zanlei suimilam 3:30 tluk ah an luhhnawh hna i an sakhan an lak pin ah hriamnam cheukhat zong an lak chih tiah CDF-Tonzaang Battalion 3 Commander pakhat nih a chimnak kong Zalen nih a langh ter.
“A voi 3nak raltuk cawn kan dihka a thaizing ah Tonzang khua ralhrang sakhan lakding kong an ceih, nain vanchiat ah kan ralkap pakhat cu zuu rit bu in a zam, cu nak in SAC ralhrang lei nih an theih caah zanlei suimilam 3:30 tluk ah an kan luhhnawh hi a si. Kamkhat ah an kan luhhnawh lai minute 5 tluk ah kan theih caah kan van a tha”tiah Battalion 3 Commander Zo Mu Mung nih a chim.
Ralhrang lei nih sakhan an luhhnawh hna lio ah CDF-Tonzang lei in a thi mi le hliamtuar an um lo nain sakhan chung an chiah mi thilri pawl an sung dih.
CDF-Tonzang Battalion 3 sakhan chungah SAC ralhrang lei nih an lak mi hriamnam hi Meithal zun 7, Drone 2, RPG 1, 60mm zunkhat, 40mm zunkhat, AK kuan 1000 leng, motor cycle 7 le facang tun 20 an lak piak hna. September 1 ni zongah an luhhnawh hna nak sakhan lei ah ralhrang pawl cu rallam an sial hna tiah kan theih.
ZRA Le SAC Ralkap Phufonh Nih CDF Tonzang Battalion 3 Sakhan An Laak! Chin ramkulh, Tonzang peng, CDF-Tonzang battalion 3 sakhan cu ZRA le SAC ralkap nih nizaan August 31, zaanlei suimilam 3:30 hrawng ah luhhnawh in an laak, tiah CDF Tonzang battalion 3 commander sin in theih a si.
CDF Tonzang battalion 3 in commander Zo Mu Mung nih cun, “A voi thumnak training dih caan hmannak kan tuah a thaizing ah Tonzaang sakhan kahding in timhtuahnak kan ngei, kanmah vanchiatnak ah kanmah lei ralkap pakhat cu zu a ding i a zaam. Cu kong cu SAC ralkap nih an theih i zaanlei suimilam 3:30 hrawng ah an kan luhhnawh,” tiah a chim.
Kahdohnak ah CDF Tonzang battalion 3 lei in nunnak liam le hliamhma tuar an um lo nain sakhan chung chiahmi thilri vialte an sung dih, tiah theih a si. CDF Tonzang battalion 3 sakhan chung ah meithal 7, drone 2, RPG 1, 60mm 1, 40mm 1, AK kuan zuun 1000 leng, cycle 7 le facang tun 20 cu ZRA le SAC ralkap nih an laak tiah theih a si.
CDF-Tonzang Battalion 3 Sakhaan ZRA le SAC Ralkap Fonh Nih An Lak. Chin ramkulh, Tonzang peng pawng ah a um mi CDF-Tonzang Battalion 3 sakhaan cu ZRA le SAC ralkap fonh nih August 31 zaanlei sml 3:30pm hrawng ah an luh hnawh hna i an lak beh tiah CDF-Tonzang Battalion Commander nih Zalen ah a chim tiah Zalen nih a langhter.
“A voithumnak raltuk cawnnak kan tuah i a thaizing ah Tonzang palek sakhaan kah ding in timhtuahnak kan ngei. Kan vanchiatnak cu kan hriamtlai pakhat zu a ding i a zaam. Tonzang khua um SAC ralkap pawl nih an theih tik ah zaanlei 3:30pm hrawng ah an rak kan luh hnawh. Minutes 5 aa duh ah thawngpang kan theih i aa rel deuh” tiah CDF-Tonzang Battalion 3 Commander nih Zalen ah a chim.
Kahdohnak chung ah CDF-Tonzang Battalion 3 lei in a thi mi an um lo nain sakhaan chung thilri tampi an sung tiah theih a si. CDF-Tonzang sakhaan chung in meithal zuun 7, Drone 2, RPG 1, 60MM 1, 40MM 1, AK kuan 1,000 leng, Cycle 7, facang tun 20 hna ZRA le SAC ralkap pawl nih an lak tiah theih a si.
CDF-Zophei Nih Nunnak A Petu An Ralkap Panga Hna Kong Ah Ngaihchiatnak Cathanh An Chuah. Chinland Defense Force-Zophei(CDF-Zophei) in ralkap panga nih August 28 Thantlang kahdohnak ah ram le miphun ca i nunnak an pekmi cung ah CDF-Zophei nih an ngaihchiatnak cathanh an chuah.
An cathanh ah cun hi bantuk in an langhter. “CDF-Zophei Battalion 1 in Lieutenant Salai Bawi Cin Mang(kum 24), Salai Bawi Dawt Peng(kum 20), Salai Duh Tling Lian(kum 18), Salai Thawng Za Thang(kum 21) le Salai Van Za Mang(kum 25) cu 2023 August 28 Thantlang operation ah ralhrang an dohnak ah ram le miphun ca ah an nunnak an pek.”
”Kan ralkap nih ram le miphun caah nunnak thap in an pekchanhnak cung ah upatnak sangbik kan pek hna. Kaltak mi chungkhar le hawikom vialte nan ngaihchiatnak kan in hrawmpi hna. An thisen le an nunnak a liammi cu kan ram le miphun luatnak caah si hram ko seh,” tiah CDF Zophei nih nihin Septemner 1 ah cathanh an chuah. A luancia August 14 Thantlang kahdohnak ášhiamah CDF-Zophei ralkap 3 nih nunnak an rak pek cang.
2023 August 28 Thantlang khua kahdohnak ah SAC ralkap lei in 37 an rak thi i tam ngai hliamhma an rak pu. Chin ralkap phu – CNA, CDF-Thantlang, CDF-Zophei le CDF-Hakha lei in ralkap 15 nih ram le miphun ca ah an nunnak an rak pek ve.
Mizoram Ah Aa Dormi Chin Ralzam Cheukhat Kahdohnak Um Bu In Khualei Ah Kir Ding An I Timtuah. Ram buaibai nak ruang ah Chin ramkulh Matupi peng chung in Mizoram ah aa dormi ralzam cheukhat hna cu kahdohnak a um bu in an khuaram ah kir ding in timhtuahnak an nei tiah theih a si. 2021 lio in Mizoram chung ah ralzam mi hna cu a luan cia kum bantuk in eidin bawmhnak a um lo pin ah riantuan ding zong a har caah kahdohnak a um bu in an khua ram ah kir an i timh hna hi a si.
“Mizoram chung ah a kum in ral kan zam caah kan kaltak mi inn le lo, satil hna zong zohkhenh tu an um ruang ah kir kan duhnak a si. Kan khua kan kir ah cun dum le lo kan tuah i eidin kongah kan lungre thei ti lo, ka hin cun riantuan awk a har, zarhkhat chung ah ni khat te zong riantuan awk a har, riantuan lo ah le eidin kan nei lo, dam lo caan zongah siizung piahnak tangka kan har fawn. Kahdohnak a um ko bu ah kir kan duh ko”tiah Matupi peng Khuangan khua mi pakhat nih a chim.
“Ralzam in khualei a kir mi hna zong INGO, NGO lei nih ngandam lei riantuan tu hna rianpek in a herh mi sii-ai zong bawmhnak pek le zohkhenh a si lai”tiah a cunglei upa nih a chim.
Atu lio Chin ramchung ah SAC ralhrang le mipi hriamtlai kar kahdohnak a chuah lengmang pin ah ralhrang nih hriamngan telh in raltuknak vanlawng in mipi khua sak nak inn le lo cu hramhram in kahdohnak a tuah caah mipi a thi mi le hliamtuar zong an um tiah CHRO nih a langh ter.
“Hi nak in kahdohnak a fah chin lengmang ah cun ralzam than a hau lai, kir kan duh tuk ko zong thil sining kan zoh ta lai, kan khua ram ah ngandamnak le Fimcawnnak a tlamtlin ko ah cun hi ka um nak in kir kan duh deuh ko”tiah Matupi peng ralzam nu pakhat nih a chim. Credit: The Chinland Post