Raldoh ahcun thih phung a si ko, vawleicung phung a si!
==========
Raldoh ahcun thih phung a si ko, vawleicung phung a si. “Amah ruangah, anih ruangah,” ti i puh le sual i phawt len khi ngakchiat bia a si. Emotion in a chuakmi sawhsawh a si. Ral a domi miphun nih cun mah bantuk hi kan hrial a hau.
Kan tuar cio ko, an chungkhar nih an tuar hringhran/chinchin lai. Sihmanhsehlaw, kan tuarnak kha a si khawh chungin kan langhter lo a hau. Kan ral an lung a awi tuk lai. Kan Chin ralkap hna hi anmah duhthimnak le biachahnak tein ram caah nunnak an thap i a pek zong an pekmi a si. Annih cu an thih zong ah an sunglawi, an nun ahcun an sunglawi chinchin.
Kan ralbawi pawl tiang sual a phawmi kan um, tahchunhnak ah Lungthli Tum bantuk khi. Khuaruahhar ngai cu a si. Mino a daw ngai phun in ca a țial nain dohthlennak thazaang dernak lawngte a kawl i a chim/țial lengmangmi a si. Kan Chin ralkap hna ram caah biakamnak an tuah ni thawk in thih ding cu an i tuak ciami a si ko. Kan thazaang țhawnter chinchin ko hna u si.
Kan Pathian thawngin le kan unau kan Chin ralkap hna thisen le nunnak thawngin namnehmi le a niam bik ah hmuhmi kan Chinram hi Kawlram chungah a luat hmasa bik le a țhangcho bikmi ram ah a cang te hrimhrim lai. Kan Salai hoi capost kha amen a pe mi an tam ngai hoi rua. Kanram hi non-violence in Gandhi te bantuk zong nih daihter khawhmi a si lo ti khi ruah chih lengmang kan herh e.
Nai te Vaurawng buantual ah, CDF-KKG Chairman Pu Za Bawi Thawng nih a thawngpang a rak thang ngaimi le statements chuah zong a rak cak ngaimi hna PDF-Kalay kong a chimmi cu, Kalay-PDF cu KIA ralbawi nih a hruai hna hnu in raldohnak kongah zei ca hmanh an chuah ti lonak kong a si. A chimmi a dik hrim lai tiah ka zumh ve ziahtiah, Kalay-PDF hi zapi nih an thawngpang kan theih hna lonak a sau ngai cio theo cang hna lai, cucu KIA Ralbawi nih an rak hruai hna caah a rak si diam.
Ka lungah duak tiah a hun chuak ngaimi cu, kanmah Chinram chung hriamtlai zeimaw CNA hna nang maw kei tiah a aukhuan hnawhmi hna kanmah le kanmah karah a ral ngai phun in a cawlcawl lenmk zong khi, an upat deuhmi hna AA ralbawi hna nih hun kan hruai piak kho lawlaw ve hna sehlaw kan dai in kan tluang deuh hnga maw ti hna ka ruat. AA ralbawi nih kan hruai piak hna seh law!…arau bik ah kum 1 ma kum 2 AA Chinland ah an khat colh dih lai.
Ralhrang hi teizawk in Chinram chungah hriamtlai phu ummi paoh keimah a ti mi kan za tein i phawmh lawlaw in a teimi paoh nih chinram hi kan uk lawlaw sehlaw Lung hna ngam cem lai ka ti. KIA ralbawi minung 20 hrawng chinram ah rak kan thlah piak ve hna sehlaw cipkhat timi a um lai ka zum lo. Ka lungchung in ka ruah ve theo mi asi. Nain CNA/F kan pa le nih zeitin an ruah lai ti bel te a um i mu. Credit: Sai Cung Lian, Salai Tial Thawng
Phu kan hlam lai; Chin miphun cu thih aa fah sak tuk mi, phuhlam hmangmi kan si. Phuhlam lo ahcun kan i lungsak kho lai lo i nunchung a kan runh lai. Thlan khur hlei (11) kan cawh ahcun ralhrang nih a tlawm bik 110 an cawh lai.Ral kan thawh hi a dik mi ral doh lawng siloin kan rian (duty) zong a si.
Tutan dothlennak ah a mak tuk mi cu kan miphun “NU” pawl “thazang” hi hmual a ngei i an “aw” hi a thang cem. Culakah nunnak a petu kan ralkap hna sunghno an nu le “aw” hi a thang khun i an mitthli he thlaici an tuhmi “aw”cu phuhlam nak in a keu te lai.
A donghnak ahcun teinak in phu kan hlam lai. Kan lung a dong lai lo.Ral a do mi nih dohnak in phu an hlam lai. Hliamhma a tuarmi zohkhenh tu hna nih zohkenhnak in phu Kan hlam ve lai. Phaisa thazang in phu hlam mi zong kan um ve lai. Kanmah rian (duty) cio kan tuan peng ahcun ral kan tei cuahmah ti nak a si ko. Phuhlam nak center ah len a duh mi cu “Global Chinland Club” nifatin ” LIVE” thlah caan ah len khawh peng a si.