CDF-Mindat Ralkap 1 Cu Training A Kai Lio Ah A Nunnak A Liam. Chin ramkulh, Mindat hrambunh, CDF-Mindat ralkap 1 cu training an kai lio ah a rilfonghlei a kek i, a nunnak a liam, tiah theih a si.
“2024, February 12 ah CDF-Mindat, Yo-ma Battalion ah ralkap a ṭuan lio mi Salai Leih Chuai (kum 18) cu Mindat peng, Suantwe khuami a si i SAC ralhrang a doh lio ah ei-din harsatnak ruang le ṭhuttonak hmun sarsat bu in training a kai lio ah a rilfonghlei a kek i, a nunnak a liam” tiah amah he naihniam in ummi pakhat nih Zalen ah a chim.
Nunnak liam mi Salai Leih Chuai cu SAC ralhrang hrambongh ding ah 2023, August thla in CDF-Mindat ralkap ah a lut i 2024, February 12 ah a nunnak a liam, tiah kan theih. Lungmili Post
Thawngpang dang: Kyauktaw Khuapi Cu AA Nih An Laak Khawh Dih I Hriamthil Tam Ngai Zong An Laak Chih. Rakhine ramkulh, Kyauktaw khuapi chung um SAC ralhrang Khah-mah-yiah 374, Khah-mah-yiah 375, Khah-mah-yiah 376 le Sah-kah-khah 9 hna cu Rakhine ralkap AA nih tlamtlingte in an laak khawh dih cang i an humhak cang, tiah AA nih nihin 2024, February 14 ah thawng an thanh.
Cu kahdohnak ah SAC ralhrang bawi ngan (Brigadier General) 2 zong kan tlaih hna pinah hriamthil tam ngai zong kan laak khawh chih, tiah Rakhine ralkap AA nih an langhter. Lungmili Post