Angṭeng Khua Ah Bomb Lamhsualnak In Tualchung Mi Pakhat Nunnak Liam. Sagaing ramṭhen, Kalaymyo thlanglei, Angṭeng khua ah a um mi Pu David Hre Lian Thang cu nihin April 11 zinglei ah khan an khua pawng rian a ṭuan lio ah bomb aa lamhsual caah a ke orhlei a bul i a nunnak a liam, tiah theih a si.
Pu David Hre Lian Thang cu bomb lamhsual ruang ah a orhlei khuk in a bul i an thlopbul lio zanlei suimilam 7:00 ah a nunnak a liam. Pu David nih cun a nupi le a fa pakhat a kaltak hna. The Chin Post
Thawngpang dang: Cobra Column Operation Commander Nih A Va Zoh. KNU phufonh nih tukum January thla dongh lei ah an thlak khawh mi SAC ralkap Helicopter a rawk mi cu Cobra Column Operation Commander Da Saw nih a va zohnak muicawl cu Social Media cung ah an langhter.
SAC ralkap Eurocoprwe 365 (1) cu KNLA Brigade 6 le dothlennak phu pawl nih January 29 ah an thlak khawh hi a si.
Myawaddy peng Tin-kam-nyi-naung- hrambunh IB 356 ah ralkap thleng ding in a rak raa mi Helicopter 2 chung ah Eurocopter 365 (1) cu an thlak khawh hi a si i Helicopter aa cit mi Colonel Aye Min Naung telh in Major 3 le Captain 1 tiah an zapi ralkap 5 an thi i 1 aa hliam tiah KNU nih an thanh.
Hramhram in uknak lak a si hnu ah dothlennak phu pawl nih an thlak khawh mi SAC ralkap Helicopter le vanlawng 7 a si cang. Muicawl – Saw Kaw. The Chinland Post | 2024 April 11 –