Pauk Peng Kahdohnak Ah Palik Le Pyusawhti 32 An Thi I PDF 21 An Nunnak A Liamnak kong update!
===========
Magway ramṭhen, Pauk peng, Zee-Pyar khua um SAC ralhrang chungtel palik sakhan le pyusawhti khua cu tualchung hriamtlai ṭangṭi phu hna nih ni 5 chung an kahdoh hna caah palik le pyusawhti 32 an thi i PDF ralkap 21 an nunnak a liam ve, tiah Myaing peng PDF nih nihin November 17 ah thawng an thanh.
2023, November 10 in 15 tiang Zee-pyar khua palik sakhan le Zee-pyar (Pyusawhti) khua cu tualchung PDF ṭangṭi phu hna nih luhhnawh in an kah i ralhrang pawl nih umhmun an khuarnak hmun paoh cu an laak khawh dih pinah SAC ralhrang nih an sakmi sakhan pawl zong an khanghpiak hna, tiah Myaing peng PDF nih an langhter.
Cu kahdohnak lio ah SAC ralhrang nih raltuknak helicopter Mi-35 in voi 3 tiang a rak bawmh hna i Rocket pawl, seh meithal pawl in an kah chih hna pinah Kah-pah-sah 24 in 120 MM hriamngan in an kah bawmh chih hna, tiah an langhter.
Tualchung PDF ṭangṭi phu hna nih khuachung dihlak cu an laak khawh ko nain SAC chngtel pawl nih an kulh dih hna caah PDF pasalṭha 21 an nunnak a liam i meithal cheukhat zong ralhrang lei nih an laak, tiah an langhter chih. Kahdohnak cu Myaing Pah-kah-phah battalion 1, 2, Pauk khua Pah-kah-phah phu hna le ṭangṭi phufonh hna kan si, tiah Myaing PDF nih an langhter chih.
Puak Peng Kahdohnak Ah PDF 21 An Nunnak Liam. Magway ramṭhen, Pauk peng, Zipya khua palek sakhaan le pyusawthi khua cu dothlennak phu pawl nih ni 5 chung an kah hna i palek le pyusawthi 32 an thi, PDF 21 an nunnak a liam ve tiah thawng theih a si.
November 10-15 tiang Zipya khua palek sakhaan le pyusawthi khua cu dothlennak phu pawl nih an kah hna i Zipya khuachung ah a um mi gate, tlawnglawng dinhnak hna an lak khawh i ralkap nih hmunhma an khuarnak sakhaan pawl zong an lak khawh tiah Myaing PDF nih November 16 ah thawng an thanh.
Kahdohnak chung ah Mi-35 nih vanlei in voi 3 kahdohnak a rak bawmh hna i Rocket pawl, Machine Gun pawl in kahdoh an bawmh hna, cun Pauk hrambunh ralkap nih 120MM pawl a za in kahdoh an bawmh hna, khua ning pi in an lak khawh deng nain ralkap kuttang phu pawl nih an rak kulh hna caah PDF chungtel 21 an nunnak a liam i hriam cheukhat zong an sung tiah cathanh ah an telh. Zipya kahdohnak ah Myaing PDF B01, Puak khua PDF, YRF, Earthquake Defense Force le adang PDF phu tampi an i bawm i kulh a tong mi PDF pawl chung in 5 lawng an luat tiah an thanh.
Pauk peng, Zipya khua Palek Sakhan le Pyusawhtee khua an kah i SAC ralkap le pyusawhtee 32 an thi, PDF 21 nih ram caah nunnak an pek. Magwe ramthen, Pauk peng, Pyusawhtee khua a si mi Zipya khuate le cuka khua ah a um mi Palek Sakhan cu PDF nih an kah i SAC ralkap le PyusawHtee 32 an thi, PDF lei in 21 nih ram caah an nunnak an pek tiah Khit Thit Media nih a tial.
November 10 zanlei suimilaam 3:30 hrawng in Zipya khua le Palek Sakhan cu PDF nih an va fuh. Zanlei 5:50 hrawng ah SAC lei drone nih a rak hel hna caah tla lak in an kah. An kah mi drone char ding in a ra mi SAC ralkap pawl cu PDF nih an kah hna i pahnih an thi, tiah theih a si. November 10 in 14 tiang, ni nga chung pehtlai in PDF nih drone in rifle grenade bomb thei thong khat hrawng an thlak hna.
Cu hnu ah SAC le Pyusawhtee pawl umnak an luh hnawh hna. November 15, zinglei suimilaam 5:00 ah Zipya Palek Sakhan le khua an luh hnawh i Zipya khua chung bunker hna le tlanglawng station bunker dihlak in an laak khawh. Cu kahdohnak ah cun SAC ralkap, palek le pyusawhtee 32 an thi, tampi hma an pu. Mine panga le kutcheh bomb pariat zong an laak khawh tiah theih a si.
Kahdohnak chung ah SAC Mi-35 helicopter nih voi thum kah a rak bawmh hna. Kah-Pah-Sah (24) in SAC ralkap nih 120 MM miakpi in voi za leng a kah hna. PDF nih an khua dihlak deng an laak khawh cang nain SAC ralhraang nih ruah lo pi in an rak kulh hna caah PDF 21 nunnak a liam i hriamnam cheukhat zong an sung tiah theih a si.
November 15, Zipya khua an kah lio ah Myaing khua SAC camp, Kanni pyusawhtee khua, Kaingtawmah Palek Sakhan, Twinmah Pyusawhtee camp, Thayetkan Pyusawhtee camp le Pakokku hrambunh Tatmah-101 zong hriam ngan le drone in an doh hna tiah theih a si. Cu kahdohnak cu Myaing PDF B-1, B-2, Pauk LPDF, YRF (Pauk) Earthquake Defense Force, Taungngyo Dragon Force le Royal 7 nih an tuah mi a si tiah Yangon Khit Thit Media nih a tial.