Pathian nih Israel miphun cu, a thim khunmi hna Miphun an si i, an hrinsortu Abraham sinah bia a rak kamhmi cu:-
============
“I will bless those who bless you, and whoever curses you I will curse, and all peoples on earth will be blessed through you’ tiah bia a kamh. Vawleimi vialte hi Israel hmang in thlawchuah a kan pek tinak a si.
US ram ah evangelist mithang tampi hmurka in a chuak tawnmi cu, US ram a rumnak, a lianngannak, le a thlawchuah hi, Israel a dirhkamh caah a si an ti. US nih Israel cu fekte in a dirhkamh. Thaizing ah President Bidden zong Israel a kal lai. US ralkap 2000 tluk, Israel rilikam ah ready in an um cang. Arab ram, abik in Iran nih a von phawmh sual lai timi an phan caah, an ralrin khunnak hi a si.
Israel nih Hamas pawl cu “ka luhhnawh hna lai” tiah a thanh cang. Timhtuahnak an ngei cuahmah. Gaza hi lak lawlaw in, Israel ram ah ser lawlaw a duhmi zong an um. Asinain, US President Bidden nihcun, Hamas luhhnawh cu thazaang a pek i, Gaza lak lawlaw belte cu a duh lo.
Israel nih Gaza chaklei mipi cu zam dingin order a chuah. Asinain, Egypt nih an ram ah ral a zaam ter duh hna lo. Farah Crossing Gate cu, Egypt nih a khar i aho hmanh an zam kho lo. Kan ram ah an zaam ahcun, an um thai lai. Cun, an ram caah a tthalo an ti. Jordon President nih Egypt zong ah an zam awk a si lo. Jordon zong ah an zam awk a si lo. Anmah Gaza chung ah a herh ning in bawmh ding an si’ a ti.
Hamas cu hlan deuh ISIS bantuk an si. Policy pakhat lawng an ngei. Cucu, Israel hrawh le thah viar kha a si. President hlun Obama le, Bidden nih hin Palestine pawl hi, Two State solution, Independence ram ah ser hi an duh. Asinain, Israel nih an ngamh lo. An ram security caah ttih an nung tuk an ti ve. Zeicatiah, Independence ram an si ahcun, Hamas bantuk Terrorist kua a si colh lai i, Israel himnak/security caah a ttih a nung tuk lai an ti ve.
Palestine buainak chung in ka ṭih cemmi. Upa cheukhat nih Ralpi Pathumnak le candongh kong hna an phai. Thawngpang chiat paoh ah mi ṭhihphaih in lar ai timmi pawl. Khi hna buainak nih khin kan thaithawh hmanh a hnursuang la loh. Kei i ka ṭihmi cu pastor hna si i miphun pakhat ṭhionak le cihmihnak baibal caang hna an van kan tarpiakmi khi a si.
Israel cu uar an um tuk, an ram an covo dirpi cio a si ko. Nain Palestine covo le an tuar ning zeirel piaklo tiang in Israel a ṭanhmi cu laikhal lawng kan si. Malaysia, Singapore tbk ah miphun an icawh cio ko. Muisam le biaknak ai dang bakmi kum a za lawng in an icawhnak si rihmi khuacimui in an buai lo. Kum 3000 a umṭi cangmi ziah an miphun semka in atu tiang an buai. Hmunkhat umṭi khawh lo tal ah ram tal iṭhen khawh hna ding.
Miphun dang cihmihnak le dohnak lawngte in a khatmi an biaknak cauk pawl ruang ah si ko. Cu cauk cu heh tiah nan kan relpiakmi hi ṭihnung tukmi si. Laimi nih Kawl miphun kan do hna lo, an cozah ṭhalo kan doh. Cu ve bantukin Palestine miphun khi nang le kei kan ral an si ve lo. Israel na ṭanh tuk i na um sawh khawh lo si le Hamas doh ah vai thawh ve ko.
Palestine dirhmun thei lo in Israel lawng ṭanh ding ah a relmi nih kan miphun kong aupi len khi sianginn ah vawlei cu a pum le inn ah a per ti tluk a si. I stand with Aung San Suu Kyi rak timi le I stand with Israel ti hi ai lo ngai cuh. UNHCR hmai ah va au ulaw kuat viar an in duh hna la. Zei cauk dah kan rel le hi tin kan ruahnak a bit. Kum 2500 hrawng i rak ṭialmi kan irinh sual cun a dong ti lomi buainak khur ah itartahak nak si khah!
Gaza Sii Inn Pakhat Rocket Hmangin An Kah Minung 500 Naak Tlawmlo An Thi. October 17, khan Gaza hmunhma sii-inn (Hospital) pakhat cu Israel nih hriamngan Rocket hmangin Hamas a kah caah minung 500 naak tlawmlo an thi tiah Hamas hriamtlaiphu nih an chim.
Israel nih hriamngan in a kahnak hmunhma hi Gaza khua chaklei Khrihfa (Kristian) nih an zohkhenh mi sii-inn pakhat asi. A hlanken in Israel ralkap nih Gaza khua chaklei hmunhma ah a ummi hna cu hmundang ah i ṭhial dingin an rak chimh cang hna i, sihmahsehlaw ralrin peknak zei an rel lo caah atu bantuk in hriamngan a kahnak hi asi tiah an langhter. Hi kong he pehtlai in, Palestinian president biachimtu Mohammed Abbas nih a chim micu, atu bantuk kahdohnak hi miphun thah nawnnak (genocide) asi tiah a chim.
Hi thil a can hnu, Palestinian president biachimtu Mohammed Abbas nih US president Joe Biden cu Gaza dirhmun konglam biaruahnak a ngeih pi caah Jordan siangpahrang Abdullah le Egypt president Sisi hna he October 18, tonbiaruahnak ngeih an timh micu an ṭhulhter ṭhan tiah theih asi. Atu bantuk kahdohnak hi hramhram in tuah mi asi lo hriamnngan hi Hamas silo in misual hriamtlaiphu kan kahnak hna ah asi tiah Israel ralkap nih an chim.