Pastor Sangcunguk Hlawnceu; Na tei ko lai, sihmanhsehlaw ralkap (CNA le CDF) tthawnnak in asi lai lo!
============
Thantlang (Kan Thang kan i chuahnak)= Ttahtlang, Tthennaktlang, Tantaktlang, Thisentlang le Thlantlang sinak in Tangtlang (Tangdor in Bawipa sinah Rawlulh thlacam in Bawmhnak hal uhsihlaw) = Ttanttitnaklang, Teinaktlang in Thangthatnaktlang (mahlemah thang i chuahnak; Thantlang sitiloin, Bawipa Thangtthatnak Tlang – Thangtlang) ah sertthan dingin kan sawm hna.
“Na tei ko lai, sihmanhsehlaw ralkap (CNA le CDF) tthawnnak in asi lai lo, nangmah (GTRO, Vaurawng le The Pastors Fellowship, CBCUSA) tthawnnak zongin asi fon lai lo, Ka THLARAU tu in asi lai, Dawntu tlangtia pipi ka hmai in an lo lai i Biakinn cu saktthan an si lai” (Zek 4:6-7).
Cun kan Pathian sinin kanmah ca le kan fale hna ca le kan thilri vialte hna ca i lam-ding kawlawk ah amah hmai-ah kan LUNG kan i THUMH khawhnak hnga Ahava tiva ah RAWLULHNAK kan thanh. Cun kannih nih, “Kan Pathian kut cu amah a KAWLTU hna cung pohah tthatnak caah a um i amah a HLAWTU poh cu a thinhunnak tthawnnak kha a chuahhnawh hna,” tiin siangpahrang kha kan rak chimh cang caah, kan lam i kan ral hna kut-in a kan vengtu dingah ralkap bu khat le rangcung ralkap kha siangpahrang hal awkah ka NING A ZAK. Cucaah cun RAWL KAN UL i kan Pathian cu kan hal i kan NAWLNAK CU A KAN NGAIHPIAK (Ezra 8:21-23).
Cucaah hawidawt hna, Kan Pathian Kut cu Amah a Kawltu poh cungah tthatnak caah a tlung timi fiang tein kan theih dih ko. Amah a Hlawtu poh cu a Thinhunnak kut a chuahhnawh hna ti zong Ezra, Joshua le Jerubbabel hna bangin fiang tein kan theih ko bu ah kanmah, kan fale le kan thilri pawl a kan vengtu dingah Amah Pathian Hmai-ah Rawl-ulh in kan Lung Thumh ko loin NINGZAKTUK asimi USA, UN le Innpa ram pawl bawmhnak hmuhnak dingah hin pastors pawl nih tlangaunak kipah hmai kan suan lehlam hnga?
Kan Pathian nih a kan pekmi le hngahtermi kan Thantlang khua asi lo maw? Ramdang hna nih pekmi asi ttung lo. An zeidah a poi lai? Khiti a rawh i a ciam ko tikah kanmah nakin kan Pathian dakaw a lung a fak deuh lai cu! Ziah amah sinah kan thinlung dihlak le ruahnak, thazaang dihlak in a Hmai kan Kawl ko lo?
Amah lawnglawng nih dakaw a kan chanhchuah khawh lai cu tiah! Cucaah, “Thantlang Town Churches Fellowship le The Pastors Fellowship Global) nih Thantlang peng pumpi (Zolei = Zophei, Lautu le Mara telhchih in) kan hrih uhlaw RAWLULHNAK in Bawipa hmai kawlnak kan tuahpi uhlaw, a kan zaangfah ko lai i kan ttahhramnak mitthli vialte amah hrimhrim nih a kan hnawtpiak zau ko lai.
Kan kawl hlan chung pohpoh cu kan zual hma chin ko lai. “Kan tuahpi zau hram ko u” tiah zaangfah kan nawl ko hna. “KAN PATHIAN NIH TEINAK LAM TAMPI A NGEIH KO.” Pastor Sangcunguk Hlawnceu, New Zealand
Pathian dah ti lo zeihmanh tuah khawh mi kan ngei lo, Pathian i sawm ko hna u sih. Amah belte Zolei na timi hna na tial mi belte khi cu Zo timi hi hlan lio hruh Chan ah khuapi hna nih neknak ah an hman mi biafang sawh si i Zo timi hi Zophei, Zotung, Lautu, Mara pawl hi kan si rua lo ka ti e.
Bawipa hmai kawl tthan hna u sih zei dah a duh nak si hnga ti hi kawl hna u sih kan miphun cung ah Bawipa a lung ai lawmh lo hi ziah a tutiang kan theih khawh hnga lo i kan pemh khawh hnga lo ramchung ramleng kan hruaitu pawl le kan Pastor vialte hna.