Pasal tha Rosaland (Arose) Diary
==========
Kanau kan in upattuk mu, 2021 SAC nih hramhram in uknak lakhnu ah CDF. TT ah ahung lut i, Camp Ranger ah kansin ah aum, afel i paziatha, nun ziadawh taktak mi kan i zoh thlar tuk mi asi, kum1 leng kan sin umhnu ah, Bia akaruah mi cu Ulian keicu Meithal Ttha mi i tlaih i maisuang ah raltu kal bak kaduh ko aka ti (Note CDF cu hriam tlamtling kan neirih lo lio), Asi lo keimah sin tuah umlaw aherh nak poh ah kan umkal lai karak ti i, Tio Camp (CNA) tuah tintaan kakai lai i aherh ning poh in, naka tuak taan piak te lai arak ka ti i, khual ka tlawn kar ah V-B camp ah arak kal.
Ahnu ah VB camp cu ka vaphan ve ị Training cu an rak dih cang i, CS sin ah khin arak um i ka va ton, amah zong ailung hmuih ngai kanpu le nih an ka dawttuk ko, katlam tling ko pathian thawng in aka ti i, asiah cun pusang (sanglianthang) he kan meih-set hna lai ka ti i pusang sin ah kahei kal pi i mah ti cun kha ni kha cu pusang inn khan alawi i, Ahnu deuh VB camp ka phak than cũn Sniper Training kakai i TT lei zong ah ka ra cang lai ulian aka ti i ailawm taktak, mah tlawmpal ah Lungkhar ah kan i tong tthan tak.
Tio le Rih i kanmiphun Flag kantar khawh nak hi nan mah thawng in asi ko kanau! Mifel bochan tlak ChinRalkap tha asi hlei ah Chungkhar le Unau nih kan in zoh chun tuk mi nasi A Rose. Kan in philh lai lo. restinpeace, Chinland paral tha Rosaland (Thantlang)
Apoi tuk ee thantlang ah hin innpa kan si le ahngak chiat tehin kan i chang cuh camp lei an kal lai zong hi kan camp in hin minung3 an si le kamittlam ah an cuang tuk … tei nak kanhmuh nak ah cang hram ko seh. Maw ka nau ka ta kadawt Na pum dih lak na nun nk dih lak in kn mi phun le ram caah na pek Na tan tak mi na chungkhar na unau kan celh hr’m lo azei thil hmanh nih akn hnem kho lo Ka ta aw.
Thinlung a kekkuai dih. Ka nun buin ka thi. (Thantar) na tar tami nih, tuanbia a ttial ee ka nau aw. Nun nak pek in Ramcaah Rian nan tuan ti thei ko bu zong ah mu na Kan tilh tak ti thong theih ah cun pasal tha hna aw nan zun tuar a har hlei Khun ee. Tantak mi Chung khar a Rian tuan ti hawi bawipa Tu nih in tuar khawh nak in pe ko hna Seh.
Tibual Sakhan In Mizoram Lei Ah A Zaammi SAC Ralkap 29 Cu CNDF DS Nih A Va Thlah Hna. Tibual SAC sakhan in Mizoram lei ah aa dormi SAC ralkap 29 cu nizan chunhnu suimilam 2 hrawng ah an hriamnam he Mizoram Saikhumphai khua an phan i, Assam rifles, Mizoram Police, VC le YMA nih an rak don hna. SAC ralkap pawl hi CNDF DS nih a va thlah hna, tiah CNA Spokesperson Salai Htet Ni nih Vaurawngzunthil biaruahnak ah a chim.
Vaphai YMA hruaitu Pu T Lalramenga chim ning ah, SAC ralkap 29 hi nizan zingka ah Mizoram lut ding in ruah an si nain lam an tlau ruangah chunhnu suimilam 2 hrawng lawng ah an phan kho. Assam rifles, Mizoram Police, YMA le VC nih nikhat le zaan khat an hngah hna. Mizoram an phanh hnu in an hriamnam cu Mizoram police le Assam rifles nih an chawn hna i, Assam rifles nih an hmunpi lei ah an kalpi hna. Assam rifles kutin Myanmar lei kuat an si lai tiah zumh a si.
CNDF DS nih cun, Mizoram police lei nawlnak bantuk in SAC ralkap a zaammi hna hi kan kap hna lo, tiah AIR thawnglatu a chimh. Tibual sakhan laaknak ah bomb in aa hliam sualmi pahnih an um nain Zokhawthar ah zohkhenh an si i, CNDF camp lei ah an kir ṭhan cang, tiah a chimchap. Hi lio ah CNA chimphuannak nawlngeitu Salai Htet Ni nih cun SAC ralkap pawl hi CNDF DS nih a va thlah hna, tiah a chim.
“Ṭio le Rih sakhan laak hnu ah Tibual kan luhhnawh ṭhan lai kan ti nain an rak theih cia caah November 14, zaan suimilam 9 ah an hriamnam he an rak chuak dih cang. A poi biknak cu CNDF DS pa nih Saikhumphai tiang a va thlah hna, meithal pakhat hmanh thisen he kan vaih lio ah an hriamnam he Mizoram ah an lut. Asinain ralhrang nih sakhan an chuahtak ahcun mipi zong an him i kanmah lei zong kan him ti mi lungput he kan i hnem ṭhan,” tiah Vaurawngzunthil biaruahnak ah Salai Htet Ni nih a chim.
Hi kong he pehtlai in CNDF Vice President Salai Peter Thang nih cun, “Tibual sakhan laaknak kong ah SAC ralkap pawl cu sakhan nan chuahtak lo ahcun nan thi dih lai tiin ralrin peknak kan tuah hna i, i ruahnak caan kan pek hmasa hna. Sakhan kap ding in kan kal ah an rak um ti lo, Mizoram lei ah an rak zaam dih cang. Kannih lei nih cun an zaam i an pal lai tiah ruahmi khua tu kha kan ven. Mizoram lei an zaamnak kong ah CNDF DS nih a hruai hna timi cu an ruahnak sawhsawh a si, kan naule a ṭhithruainak hna ah khualtlawng mi nih an hmuh i SAC ralkap lamhruaitu ah ruat in an puhnak a si.”
“Ṭio sakhan laak lio zong ah Mizoram chung ah an zaam i Helicopter in an chiah ṭhan hna ti cu atu tan a zaammi zong nih an theih dih ve ko. Cun, hriamnam he Mizoram chung ah an lut timi kong ah SAC ralkap nih anmah pum ralvennak ca ah tiin an i tlaihmi meithal dah ti lo hriamngan dang tampi cu sakhan ah an kaltak dih, motor khat in kan laak khawh ko. Vanlawng in bomb a thlak lai phan ah an chiahmi facang dip 80 le thil dangdang zong a pamhmai tiin kan laak ko, cu hnu ah cun sakhan cu kan khangh.”
“Kannih cu hramhram in mi thah duhnak thinlung he hriam a tlaimi kan si lo, rampi zalennak ca ah tiin hriam a tlaimi kan si. Var sakhan laak lio zong ah aa pe duh lomi SAC ralkap 14 zong kap lo in a tlaih in kan rak tlaih ko hna. Hi thil cangmi kong he pehtlai in kanmah lei ah buainak zeihmanh a um lo, kannih cu sakhan laak kha a biapi ah a chia mi kan si ko nain mipi lei an buai ngai ruang ah atu bantukin Media sin ah thil sining kan chim tawnnak a si,” tiah The Chin Post ah a chim.