Nu va hna tehte khan ruangah chungkhar nih an ton mi thil hi a poi tuk hringhran!
=========
A hmasa bik ah midang soiselnak biafang hmangin Comment chia tial lo dingin ka Bia hmai thi in kan nawl hma sa duh ko. Hmai lei caah Ruahnak tha tu he comment tha tial i zuam hram hna u sihlaw. Hmai lei zeidah kan cang te kho ti ho hmanh nih kan hngalh kho lo. Mi nung thinlung roknak cu kan i ruah lo ningpi khin a cang sual tawn ko. A tang lei bantuk hin kan chungkhar a si ve sual nak hnga dingah Bawipa nih kan veng cio seh law kan sersiam cio hram seh.
Voikhat cu Nu Va hna cu thlacamnak an tuah an nu nih rawl ulh in thla a campiak tawn! Voikhat cu mithli he an nu thla camnak awk nih cun a vapa nih a theih tikah a hnak noruh a tam i a mitthli te a vun tla i “ hi tlukin maw kan nu thinlung fahnak ka rak pek i kan nu thinlung fahnak cu zeirel loin ka caah ah a thahnawn lomi zu hitlukin ka din” tiah zuu din ti lo dingin a thinlung tein biakhiaknak a rak tauh. Zarkhat hrong zu a vun ding ti lo an nu te a chawnbiak ning aw zong a vun thlumning a vun i dang ngai.
An nu nih aa lawmtuk i biakinn pumh lio ah tehte khannak a ngei. A chim mi cu, (Bawipa sinah biatak tein thla kan cam ah cun bawipa nih hin a rak kan theih piak hrimhrim ko. Zumtu u le nau hna nan va le caah hin nan lungtlin lo nak hi Bawipa sin tuah rawl ulh in thla biatak tein cam cio u ti kan sawm hna Bawipa nih an leh hrimhrim hna lai.) tiah a vun ti.
A vun peh mi cu (kan pa caah hin rawl ulh in thla ka cam i Bawipa nih a ka leh i tu cu a ding ti lo! Hlan ah cun a zu din ning hi khuaruahhar bak khi a si in kan innchung hi helh bak khi a si ko” tikhin a vun peh ciammam cu an pa zurit lio I chungkhar ah a buai nak vial te A in Z tiang a vun chim dih cikcek hnu ah (kan pa kha thlukin a rak si mi kha bawipa nih a tu cu a thleng cang caah Bawipa min thangthat in um ko seh tiah a ti.
An pa cu a ningzah le mihmai khap lo cu vawlei nun zong ngamh ti lo tlukin khin a lung a rak zawter diam kha a rak i hngalh lo. Ni 6 chung leng a chuak ti lo inn chungah um i rawl ei zong a zuam ti lo. Bible caa cu a it nak pong ah cun a chiah i Bible caa zong rel zuam ti hlah inn khan chung ah cun lungfak taktak in a rak um ko. A tuar kho ti lo kha an nu nih rawl a ulh si rua tiah a rak ruat i lungruam tein khin a um ko.
Zarpini a vun chuak i pumh kha a duh tuk ko nain mi hmai a khap ti lo caah aa pum ngam ti lo ai! Tuni cu (Ka dam pah lo le va pum chung ko u law ka fa le he khan tuni cu inn ka rak hngak ko rih lai) tiah a vun ti hna.
Cutin an nu nih a va sining kha rak hngalh ti hlah kaw a fa le he cun pumh ah an kal ko. Zan lei pum an rak tin cu a vapa cu a Bawipa pakhat he an mah le mah zong hngalh ti loin zeltuangah an rak bok ko. An pong cu zuthol longte cun a khat. An nu nih cun (ziah zeotin dah si hi titi mah hngalh lo tiangtiang lin zu na din bal tunglo hme kan pa) tiah a vun ti.
An pa nih cun “kan nu zu rit ta loin cun mi sin ah fimhrim tein ka chuak ngambak ti lo ka ngai thiam ko “ tiah a vun leh. An nu nih cun a vun thawh i (cuthluk hruh le hrokhrol cu zurit loin lungfim tein hawi sin chuah ngamloin zurit bu tuin songcercur piin hawi sin chuah ngam in pum kal ngamh deuh ding cu mifir khu) tiah a vun ti.
An pa nih aw nem tein khin (kan nu a si ka hruh tuk caah a si ko ti ka hngalh ko ee ka tling bak lo ee. Hnahnawknak pek hi kan siang bak ti lo a thiang tukmi a tha tukmi kan nu na caah hin na va siding ka tlak lo e. kan ngeih mi vial te hi nangmah le ka fa le caah kan up dih ee nan caah tuah khawh mi ka ngei lo ee.) tiah a ti i mitthli le muinak nih a khuh i cutin cun caan cu an hmang i nuam lo ngai in an um.
Adonghnak ah midang soiselnak biafang hmangin Comment chia tial lo dingin kan nawl hma ko hna. Hmai lei caah Ruahnak tha tu he comment tha tial i zuam hram hna u sihlaw. Hmai lei zeidah kan cang te kho ti ho hmanh nih kan hngalh kho lo. Minung thinlung roknak cu kan i ruah lo ningpi khin a cang sual tawn ko. A cung lei bantuk hin kan chungkhar a si ve sual nak hnga lo ding caah Bawipa tu nih kan veng cio seh law kan thinlung ruahnak kan sersiam cio hram ko seh. Credit: December Vandawtlian Hc