Northern Alliance (AA, MNDAA, TNLa) nih joint ỉn operations an tuah le zaan thum chung ah Chin State kauh tluk nawn an laak khawh!
=======
khuangtirit_dohthlennak; Northern Alliance (AA, MNDAA, TNLa) nih joint ỉn operations an tuah le zaan thum chung ah Chin State kauh tluk nawn an laak khawh. Cu thawng nih cun a lung I funtom a chuak bak lomi Chinmi a hùng Kan phak ve le anmah bang joint in raltuk hma a kalnak Kan ttial cio.
Kan i ruahter duh lomi tu cu tutan i ral a tu tti mi hi one command tang ah a ummi ralkap thong 30 ngei AA, thong 10 ngei MNDAA le thong 15 ngei TNLA hna an si. Meithal tling tein an ngei. Ukmi ram Caan zeimawzat chung kaupi a ngei mi lawng te an si. Cu pawl nawl cu Kannih nih cawn Kan i tim ve. Hriamtlai bu 20 hrawng Kan um. Operation tuah ding ah minung 100 kuan tling he ai thawh kho bu khat hmanh Kan um lo. A min men i i bawmh ceo ah Kan tla lengmang.
An thawngpang rel tikah TNLA le MNDAA hna cu an ram kauh duh ah caanttha a hmang mi si an dawh. Anmah he an i naihnak khua pawl an doh. Hmunkhat i doh tti ti nakin Caan khat ah doh tti deuh si dawh a lo. Kannih Chinmi cu ralkap Sakhan a um lonak pengtlang hriamtlai tampi Kan um. Hmun khat ah Kan tho lai hei tiah, NA nawl Kan i cawn lai hei ti ah, an peng chung i Kah ding a um lomi hriamtlai pawl nih Zei khi dah an hei kah hnga?
Atu i peng huap hriamtlai pawl an đun le an daan khi zoh cio hmanh uh. Alliances voi thong khat tuah hmanh ah a herh Caan ah bawmtu ai thlah kho taktak ding an um lo. Meithal zuun hnihthum le minung pakuahra i thlahnak in Zei ral hmanh tei awk a ttha lo. Cucu thuh len awk a ttha lomi Kan sining taktak a si. Mipi an temtuar tuk. Hihi aho hriamtlai paoh nih a biapi bik ah chiah a herh. Kan peng le Kan ram he pehtlai in chunmang phunphun tampi nan nei an nei Kan nei cio ko men hna lai. Nain a tu hi chunmang hneksak nak Caan a si lo.
Khuangtirit cu an khurka cio in an awnh cio ahcun an thawng a thang ngai ko. Nain và tlaih duh ah an kua ah va fuh ahcun a dih. Raltuk i thawh ve ttung i mah kua kam lawng in tuk i timh hi cu thih hngah phun khát a si.
Peng huap in cun zeitluk i kan I hrocer le Kan I bawmhchanh hmanh ah ralkap tthawng ah Kan i cang kho bal lai lo timi hi peng huap CDF nih fian le pom khawh a herh ngai. Bochanmi nakin hnahnok ah Caan a sau ahcun i can te khawh a si. Hi hi mipi le bawmtu hriamtlai nih nan fianpiak duh hna lo ahcun mipi nih kal taak lo awk tha lo dirhmun ah phak Caan a phan te lai.
Cozah thlen duh ruang i hriam i tlaih, ral thawh tikah mipi le dohthlennak bu karah thil pahnih lawng a um. Bochan mi maw na si lai, hnahnok dah? Bochan ti tikah phun hnih a um tthiam. Hriamnam lei in tthawn ruang ah bochan mi le thinlung put le kalpi ning caah ruahchannak a um caah dawtmi bochan mi. Phundang cun zeipaoh ngamh in an hnu zulh ngam mi, zulh a phu ah ruah mi, Kan ti lai.
Hriamnam le thazaang in bochanmi si lo hmanh ah lungput le kalning tal ah ruahchannak in bochan awk tthat a hau. Bochan mi si lo ahcun a dang pakhat khi si a si ko. Hihi mipi caah hriam ka tlai a timi nih cun ruah chih lengmang ding a si.
CDF Thantlang hi cu upat awk an tlak ka ti. Zeiti a si hmanh ah a bu in riantuan Atu tiang cu an i tim zungzal. A cheukhat pengtlang CDF tu hi Caan a rau le an duhnak fian a har chin lengmang. Hriam nih a zat hna lo zong ai tel lai, cun a minung cun TT hi an tam ngai (a tam pawl si khawh an si) le khuate um zong an tampi tak ko. Ka chin duhmi tu cu a bupi nih a kalpi mi a zulhmi lam khi ka chim duh mi a si. Credit: Mang Hram Kung