Nikki Haley US President Ṭhutdan Cuhnak Hmun In Hnu A Tolh Hnu Ah, Trump Nih Biden Debate Dingah A Zuamcawh. Kan ram ṭhatnak ding le mizapi ṭhanchonak dingah Joe Biden he bia alnak (Debate) kan tuah hi a herh ngai ngai.
Khoika hmun, zeitik caan paoh ah ready ka si cang bia al (Debate) tuah naak hmun ah hin a diklomi theihpitu Corrupt DNC ansi lo ah Commission on Presidential Debates (CPD) nih a kan telpi khawh tiah Trump nih Joe Biden sin ah zuamcawh naak a tuah nain, atu tiangah lehnak zeihmanh a hmu rih lo. Lungmili Post
Thawngpang dang: March 7, 2024 zing suimilam 6:00 tluk ah Kachin ramkulh, Momauk le Waingmaw peng SAC ralhrang sakhan le umhmun khuarnak hmunhma 12 cu KIA hruaimi hriamtlai phufonh hna nih voikhat ah luhhnawh in an kah tiah KIA thawng laaknak hrampi nih Khit Thit Media ah a chim.
KIA hruaimi hriamtlai phufonh hna nih voikhat ah luhhnawh in an kah mi SAC ralhrang sakhan le umhmun khuarnak hmunhma 12 lak ah Laiza khua pawng Shwenyaungpin Khah-Lah-Yah 321 sakhan, Shadanpar sakhan, Inntatbon le Innlankha sakhan zong an i telchih tiah theih a si.
Atu tiang ahcun Laiza khua pawng SAC ralhrang sakhan dihlak cu KIA hruaimi hriamtlai phufonh hna nih an laak dih cang SAC chungte cheukhat zong an tlaih chih hna tiah theih a si.
“Laiza khua pawng SAC ralhrang sakhan 4 hna cu KIA nih tlamtling tein an laak khawh dih cang” tiah KIA thawng laaknak nih a chim. Lungmili Post