Rakhine ram Ma E Khuapi ah u mi ralhrang pawl cunglei in an pu le nih Helicopter in a lak lio hna video. Khoika hmun le khua ah dah a zuangpi hna lai timi bel thawngpang fiang kan theih ko rih lo. A hnu ah thawngpang thanh khawh kan rak izuam lai. Video hi Salai William HC sinah lak mi asi.
Thawngpang dang: SAC Nih Ralkap Tlakternak Upadi An Ser Hnu Ah Mino Tampi Hriamtlai Phu Sin Ah An Lut. SAC nih ram mi ralkap tlakternak upadi an ser hnu ah mino tampi cu dohthlennak hriamtlai phu PDF sin ah a lut mi an tam, tiah PDF nih an chim.
SAC nih upadi an ser hnu in NUG Kuttang PDF, Black panther Column, MDY-PDF, BLDF, Hinthata PDF, Ayeyarwaddy Revolution Front, ATC, BNRA le KNLA nih dohthlennak ralkap thar ca ah auhnak an tuah ve i a sok mi an tam, tiah theih a si.
Dohthlennak hriamtlai phu a si mi BLDF sin ah mino 200 hrawng min an i pe i, a dang PDF sin ah zong ah mino tampi min an i pe, tiah theih a si.
BLDF page in dohthlennak hriamtlai phu sin ah luh a duh mi sok khawh a si tiin thawng kan thanh sin tein ni khat chung ah mino 200 hrawng min an i pe colh. Dohthlennak kum thum chung ah mizapi dohthlennak ah an i tel ko ti a langhnak a si, tiah BLDF ṭuanvo ngeitu nih Ayeyarwaddy Times ah a chim.
Ramkulh le ramṭhen ah a um mi PDF Battalion sakhan ah mino tampi an lut cang i humhimnak ruangah an luhnak sakhan le hmunhma cu kan thanh rih lo, tiah PDF nih cun an chim.Crd:The Chin Post