Falam Peng Valung Khua Ah Motor 100 Hrawng Zarh Hnih Leng An I Hreng
==========
Kalaymyo le Chin ramkulh chaklei pehtlaihnak Kalay-Taingen lampi khar a si ruang ah Falam peng Valung khua pawng ah thilphor motor le khualtlawng phor motor 100 hrawng cu zarh hnih leng an i hreng cang, tiah theih a si.
Kalaymyo in Chin ramkulh chaklei Tedim-Falam-Hakha lei pehtlaihnak motor lampi cu a luancia November 27 ni thawk in CDF CDM Siyin nih an rak khar i Falam-Hakha lei in Kalaymyo ah a zuangmi thilphor motor le khualtlawng phor motor 100 hrawng cu Falam peng, Valung khua pawng Suanpi le Tedim peng Zawngkawng khua ah an i hreng hna, tiah tualchung mi pakhat nih a chim.
Chinram in Kalaymyo lei ah a zuangmi motor 100 hrawng cu zarh hnih leng an i hreng cang i Driver pawl zong eidin kong ah harnak an tong i tualchung mi nih an eimi rawl an hrawmh hna, tiah theih a si.
“Kan khuami nih kan eimi rawl kan hrawmh hna, vok kan thahpiak hna, an ei awkah facang le arti zong kan pek hna. Khualtlawng cheukhat cu an chungle nih motorcycle in an rak don hna i a kir ṭhanmi zong an um” tiah Valung khuami pakhat nih a chim.
Khualtlawng phor motor le pumpak hmanmi motor cheukhat cu Falam lei ah an kir i Webula lam in Kalay lei ah an zuang nain Natchaung khuapawng ah SAC ralkap pawl nih lam an phih ve ruang ah an taap ṭhiam, tiah theih a si.rak thanh nain SAC ralkap pawl cu tualchung mi bantukin khual aa tlawntermi an um pah caah a thaizing December 10 ah an khar ṭhan colh.Atu bantukin motor lampi phihkhar a si ruang ah Chin ramkulh chaklei hmunram hna ah cun zingzan eidin kong le Datsi, Diesel kong ah lungrethei ngaiin an um hna.Credit: The Chin Post