National Day timi cu English a si ko i, Miphun Ni or Mahle Local holh cio in leh khawh a si hnga, nain Big issue cu, Lai/Zomi/Cho vs Chin hi a si.
Chin Miphun Ni (Correct)
Lai Miphun Ni (Wrong)
Zomi Miphun Ni (Wrong)
Cho Miphun Ni (Wrong)
Khumi Miphun Ni (Wrong)
Kan tuanbia umtuning zoh tikah “Chin Miphun Ni” timi lawng hi dotla/ a dikmi dirhmun a ngei. Tuanbia umtuning kan zoh hnik lai.
Mirang an rak kai hlan, kan tuanbia zoh tikah, Zaathang Bawi, Cinzah Bawi, Zahau Bawi tbk in anmah le penmi ram/area cio ah iuk le ihruai a rak si. Ram pakhat, Miphun pakhat timi min tang ah chak le thlang miphun vialte kan umttinak tuanbia a um lo.
Mirang an kai hnu ah Chin timi min tang ah Miphun pakhat dirhmun in, Zomi, Tedim, Zahau, Cinzah, Zathang, Hlawnceu tbk in penmi le ramukbawi a ngei lomi, Mindat le Kanpalet tbk vialte tiang khi, Miphun pakhat, uknak pakhat, Chin Hill Regulation Act in an rak kan funtawm. CHRA (1896) hi, CHIN RAM/ CHINLAND timi a chuahnak le a chuah kum ah ruah khawh a si.
CHRA phunghrampi hmang in, Chin Miphun tiah Mirang nih kum 50 an kan uk hnu ah Chin timi min he, 1948 ah Union of Myanmar ah kan lut i, Chin ram cu, Chin Special Division timi dirhmun in chiah kan si.
Cucaah, Chin Miphun Ni cu, Chin timi min tangah funtawm kan si hnu le, Chin timi min in Union of Myanmar ah kan luh hnu, 1950, October 9 ah ceihmi a si i, U Nu Cozah nih a cohlang hnu ah 1952 in a nungmi, Chin Miphun Ni a si ko caah, Chin Miphun Ni tiah ttial ahhin, Chin tangah a ummi Miphun dihlak a huapmi Ni a sinak a langhter.
Lai/ Cho/ Zomi tbk Miphun Ni tiah a diklonak pakhat cu, example ah Lai aa timi miphun nih Lai timi min nihhin Chin nih a huapmi Miphun vialte hi a huap thiam thiam ko kan ti. Asinain, Lai aa timi miphun lawng nih kan huapter hna i, Lai aa ti ve lomi kan unau nih a kan huap lo an ti. An tuanbia le an hla ah Lai an tinak a um ve lo tikah, an mawh lo ti khawh a si tthan. Cucaah,
Kan bia tawi ko sehlaw 🙂 Lai Miphun Ni kan ti ahcun, Lai aa timi, Falam, Hakha le Thantlang lawng a kan huap khawh i, Tedim lei, Zomi le, thlanglei, Cho, Mindat lei khi a huap ti hna lo.
Cucaah, Chin National Day timi cu, Chin timi min tang ah, Chin timi min nih a huapmi miphun dihlak caah sermi Ni a si caah, Chin National Day ti khi a dikmi a si. Kan tuanbia umtuning ahhin, Lai National Day a um bal lo rih lo. Cho National Day zong a um bal rih lo. Zomi National Day zong a um bal rih lo.Crd:Zasang Cinzah