Na pa nih kan dawr i a rak ka len ah khan na nau zuun a tuar khawh lonak kong a chim khan a mitthli ai hrual dahkaw!
=========
Kawi hei (Zekan) tiin kan in auh tawn khan na panh peng. Ka nau, ka hawi, mi tlaihchan thiam mi na dam lai tiin pei kai rak ruahchan. Nai hlaimhma a fak ti thawng ka theih hmanh khan na pa a lungsi vaang tuk lai. A nau zuun hmanh an tuar zuun a dih rih ttung lo. Anih tal cu dam hram seh tiin dawh chung siivang in saduh ka rak thah.
Na pa nih kan dawr i a rak ka len ah khan na nau zuun a tuar khawh lonak kong a chim khan a mitthli ai hrual dahkaw. Na nau zuun hmanh tuar an celh rih lo i nang na van i chap hi cu a poi tuk e. Sangau na van phak khan keimah can ai ah ka pa thawng rak ka hal piak ko ne tiin dawh ka pa kha na thawng hal ah a rak ra cu. Lawm Bik nih “THISEN” ti mi biazai cauk a chuah mi kha ka hawi le upatnak ah tiin kan banh khawhmi vial hna lawksawng pek ka duh hna ka ti i Ram Hei zong pel loin na ka pek piak lai tiin dawh na minfang khek in bia ka cah.
Ka laksawng hmanh na sin a phak manh ne tung lo. Zekan, na hawi le nih mahtluk mi nunnem na liam ko cu zeitin an rak i lungsak khawh cio lai. Pasaltha hna unau, zeitiawk a tha loh mu. Hi vawlei harnak, zalonnak a um lo mi ram in daihnak in a khat i a nuam mi ram tu ah rak kal chung ne law.
Ngaihchiatpinak; Kan Khrihfabu chung in Biakinn sang ummi Pa Ram Hei Lian nih 2023 Hniang 14 ah mual a kan liamtak. (A liam ciami caan ah khan a naupa Moses nih a kan liamtak fawn). Hmunkip kakip ummi chungkhar sahlawh rualchan vialte hna, TBC Khrihfabu chungtel dihlak nih kan in ngaihchiatpi hna. Pathian Thlarau nih in hnem hna seh. Mi nun ttha Pa Hei, ngaihchiatnak a langhtertu mitthli he upat kan in pek.
Sian lo kan fapa Tun Tun! Na ngakchia lio lawng kan hmuh. Kawl ralhrang doh ka duh tuk nain ka tlinh lo mi nangmah nih nunnak pekin na doh tikah na ka tei cikcek. Cubelte cu fapa pakhat te na si caah na u le na nu le pa nih an tuar ning ka ruah tik ahcun ka lung fak tuk ko ee.
Na u Iangku le na pi Dr.Pari nih na hawi le hliamtuar cu an zohkhenh cuahmah hna nain nang vial cu an in zohkhenh manh lo mu. Atu zong na u Iangku cu na hawi le hliamtuar operation tuah dingin a kal pi hna. Sii inn in na thawng a theih i a mitthli he sii inn in a rak lawi cu..
Na thawng theih cang ka khua mi nih an kan hnemh. Zapi thla kan cam i cam awk zong aa thei lo. Na miphun ralthuam he kan tum Van Ram ah chungkhat tling tein kan i hmu than te hna lai mu. Hmailei kan ram sarsiamtu ding kan fa le mino hna pakhat hnu pakhat in an tlawttlau lengmang komi hi cu lung a faak tuk e. Lung a fak tuk hrinhren ko ee…Kan ralkap miphun Ram caah nunnak Nan peek mi hi a lak a si hrimhrim lai lo mu.
Ai kafa hofa ko dah aa khong mi le anun nak liam ve mi cu asi tiah thawng ka vun hal hna cu maw ka fa nan pam tuk hring hran mu kan rak celh hrim lo e ka dawt le hna. LaiLai he nan u nau in nan nih cu vaw lei ah chuah chan nan ngei kan in tluk hrim hna lo kan upat tuk hna. lungdai tein vaa din chung ko kun u law kafa. Ram le miphun caah a ral thami ralkap hero dirhmun in nunnak a pek.. upatnak sang bik ka pek. Tantak chungkhar Bawipa nih rak in hnem ko hna seh law.
Ngaihchiatnak cathanh; CDF-Zophei kan ralkap Salai Lai Hnin(kum22)nih ram le miphun dawtnak he kan ram hrawktu SAC ralhrang dohnak ah a nunnak a liam. Na Par that lio caan te ah nang cu ram le miphun dawtnak ruang ah nunnak na pek mu Salai Our Hero Lai Hnin.
Chin miphun Arfi țil țhan ai e..Na dawttuk mi na miphun han nih upatnak kan in pek, Miphi lungthin ah azungzalin na nung peng cang lai e Pasalțha aw. Sunghno na nu kha, Bawipa nih A hleiin hnem hram koseh. A si ko e, Kan ram kan miphun, kan tefa A caah, vulei a hmunh chung poh ah Zalon nak cu pei kan duh fam cu, Kan miphun kan dawttuk mi hna caah tiin kan nunnak cu kan thaap fam cu.
Mahzawn lawng i ruahthamahcun nuam tein Nupi kan nei lai, nuam ten ramdangah kan um lai, Kan duhmi poh kan ei ding lai, chungkhar sinah zalong ten kan um kho cio kosi…Miphun dawtnak neih locun mu Ram le Miphun caah i pekhi asi kho bak lomi asi..Thihhi. an țih tuk ve cio ko mu. ka mithli donh cawk loin a luang e.
A chapah kan miphun kan ram dawtu kan Pasalțha hna hi a phunphunin sual nan hei phawt hna, lih le hrokhrol tiangin nan hei puh rih hna, Nan lu le taw hi i hngal pah tua hnik uh..Ralkutin Nikhat hnu nikhat an kan liamtak ka ruahah hin ka lungfah hi ka celh loh, a fah ninghi hmur ka nih atlinh lo e.
Thantlang Kahdohnak Ah Chin Ralkap Nih SAC Ralkap Pahnih An Tlaih Hna. Tuzing August 14 zinglei suimilam 5:10 in Thantlang ah Chin ralkap le SAC ralkap kar kahdohnak a chuak. SAC lei nih Jet Fighter in an bawmh hna caah Chin ralkap lei nih an kirtaak hna. Kahdohnak ah SAC ralkap pahnih cu Chin ralkap nih an tlaih hna i, meithal zuun ruk zong an laak, tiah theih a si.
August 14 zinglei ah Thantlang peng Khuafo khua ah SAC ralhrang Jet Fighter nih Bomb a thlak than caah Baptist biakinn le inn cheukhat an rawk. Thantlang khuachung zongah kahdohnak fak ngai a chuak tiah theih a si i hikong he pehtlai in Lungmili Post nih nih Chin ralkap tuanvo ngeitu kan pehtlaih hna lio a si. Aluan cia March ni 30 zinglei ah Khuafo khua cu SAC ralhrang nih Bomb a rak thlak caah khua mi 8 an nunnak a liam i hliamhma tuarmi zong an um pin ah inn cheukhat hna zong an rak rawk.
Lai lungrawn Khuafo te aw, Khuachia rual nih an in hliam than hoi mu…Biakinn rumro an ralmi nih hin Pastor lung a kan kuai ter khun hme cu. Biakinn teah rak I dor chung ne uh law, tiawk zong a that lo. maw ka thin.
Chin ramkulh khuapi Hakha Khusilobo tlangpar in SAC ralkap nih hriamngan voi tam ngai an kah, tiah theih a si. Tuzing hriamngan an kahmi lakah a thawng a thang ngaimi Jet Fighter thawng bantukin a zuangmi zong a um, tiah min langhter a duh lomi pakhat nih The Chin Post ah a chim.
“Nihin August 14 deika in SAC ralkap nih hriamngan voi tam tuk an kah caah inn zuat saṭil hna zong nidang bantuk kel in an um lo. Hriamngan thawng voi tam tuk a than caah an lau ve. Inn zuat saṭil cu chim lo, cheukhat ngakchia tete zong hriamngan thawng an theih paoh ah an ṭap,” tiah tualchung mi pakhat nih The Chin Post ah a chim ve.
Khusilobo tlang um SAC ralkap nih hriamngan an kahmi hi khoika lei ah dah an kah ti cu fiang in hngalh a si lo. Falam peng, Ramthlo khua lei kap a ummi hna zong nih hriamngan zuan thawng le tlak thawng kan thei lo an ti i, Thantlang lei kap ah an kah, tiah zumh a si. August 12 ah SAC ralkap Jet Fighter nih Ramthlo khua cu bomb in a thlak ruangah khuami pa 2 le nu 5 hliamhma an tuar. Nufa hna cu an hliamhma an fah ngai caah sii-inn an phan, tiah theih a si.