Myanmar Ralhrial 4 Nih, Mizoram Siaha Auto Rickshaw Khaltu An Thah
==========
January 24, ah Myanmar ralhrial miung 4 nih Mizoram ramkulh, Siaha ah KL Zoasa Auto Rickshaw MZ/03 – 7550 , cu Lawngtlai lei kal dingin an hlan i, caan zeimawzat chung an kal hnu ah Auto Rickshaw khaltu hi an thah, tiah Mizoram tualchung thawng laaknak nih a langhter.
Mi ruak hi caan zeimawzat chung kawl a si hnu ah January 25, zaanlei suimilam 6:00 tluk ah KMMTTP lam thlang, Rufugee Camp pialnak lam ṭhen pawngah hmuh a si tiah kan theih. Auto Rickshaw hlangtu hna hi Myanmar mi 4 an si i, cu lak ah minung 3 cu Mizoram palik nih biahalnak tuah dingin an tlaihkhih hna, 1 tu cu a zaam, tiah theih a si.
Thawngpang theih ning ah KL. Zoasa hi January 24, zaan suimilam 9:00 tluk tingin a chungkhar nih pehtlaihnak an tuah kho lo. January 25, ah a khalhmi Auto Rickshaw hi Siaha ramchung hmun pakhat ah hmuh a si tiah an langhter. Mizoram palik hna nih Myanmar mi 3 biahalnak ṭha tein an tuah hna hnu ah an thahmi pa KL. Zoasa ruak hi hmuh a si, tiah kan theih.
Myanmar Mi 4 Nih Siaha Auto Rickshaw Khal Thahmi Ruak Hmuh. January 24 ah Siaha Auto Rickshaw, KL Zoasa s/o KL Chhathau, Siaha ECM Veng khalh MZ/03 – 7550 cu Myanmar lei minung 4 nih Lawngtlai kalnak ah an hlaan, Auto Rickshaw khaltu KL Zoasa cu an thah beh.
Hi an hlaanmi Rickshaw hi Siaha Council Vety Firm pawng ah hmuh a si. Myanmar mi pali lak ah pathum hi Siaha PS Staff nih an tlaih cang hna. Minung pahnih hi Siaha PS nih an hren hna i, pakhat hi KL Zoasa ruak umnak chim dingin Tipi Ferry ah an kalpi, tuan le fawi ah ruak umnak a chim duh lo. Tipi ah caan saupi umthut dir le kawlhawl a si hnuah 2024 January 25 zaanlei suimilaam 6 hrawng ah KMMTTP Road kam, Trade Centre/Refugee Camp kalnak pawng ah an thahmi KL Zoasa ruak hi an hmuh.
Mi thattu hi minug pali an si, an lak ah minung pathum cu an tlaih cang hna, an lak ah minung pakhat Nain Nain kum 20 hrawng cu tlaih a si rih lo. Myanmar mi lainawng hna hi, khoika lei midah an si, zeiruang ahdah an thah ti fiang in hngalh a si rih lo. A cheu nih cun Arakan Army (AA) an si tiah a chimmi zong an um, asinain kannih CBN Daily News nih cun Arakan Army (AA) an si le si lo fehter mi kan ngei kho rih lo.
A liamcia 2023 March 19 lio ah Mararam le Chin ramri ah Pi Biak Sui, New Siaha (East Lairam khuachuak ), Pu B.Lalthafamkima (Kimtea) South Lungpher, Pu Bablu, MRHG, New Siaha hna cu Myanmar mi nih an rak thah hna, cucaah Chin ralzaam minung tampi zong um nuam lo le lunghnangam lo in khua an sa, ramri hmun zeimawzat zong phihkhar a rak si.
Myanmar Ralzam Pathum Nih Siaha Khua Mi Pakhat An Thah! January 24, 2024 ah khan Siaha Autorickshaw khaltu, Zawasa Siaha ECM veng ah a um mi cu, Myanmar ralzam pathum nih Lawngtlai kalnak ah an hlan i, Lawngtlai district chung Tipi Ferry pawng ah an thah, tiah theih a si.
Zawasa le ralzam pathum hi Lawngtlai in zan suimilam 7:00 hrawng ah Saiha lei ah an kir tiah theih a si nain zan Suimilam 9:00 tiang Zawasa cu a chungle nih chawnh an timh an chawn kho ti lo. Nizan January 25 ah Autorickshaw hi Saiha kiangkap ah a um mi very farm pawng ah hmuh a si.
Siaha Palik nih lainawngtu ralzam pathum cu an tlaih cang hna. Zawasa thattu Myanmar ralzam pathum hi Rakhine lei mi an si tiah thawngpang a thang nain atu thawngpang kan hlat tiang ah palik nih lainawngtu hna he pehtlai in thawng fiang an thanh rih lo.