Hpakan Peng Kahdohnak Ah KIA Ralkap 1 A Nunnak A Liam, SAC Ralkap 8 An Thi, 10 An I Hliam
=========
KIA le SAC ralkap karlak, August 22 kahdohnak ah KIA ralkap pakhat a nunnak a liam tiah theih a si. Cu KIA le SAC ralkap karlak kahdohnak ah KIA ralkap pakhat a cal ah kuan nih a khen caah a nunnak a liam i SAC ralkap a thi mi zong an tam ve tiah The 74 Media nih a langhter.
SAC leiṭang Telegram Channel pawl nih cun Kamiang khua pawng ah a um mi KIA sakhaan SAC ralkap nih an va kah hna i KIA ralkap 2 an thi, M22 zuun 1, kuan 50, Bag le thlaam 5 an lak khawh tiah an langhter. KIA le SAC Brigade 33 kuttang, Monywa hrambunh B12 hna karlak ah kahdohnak a chuah hi a si. Kahdohnak a can lio ah SAC ralkap nih hriamngan an thlah caah Nanya khuami nu pakhat a ke ah hliam a tuar tiah theih a si.
Pakokku-Kamma Lam Ah Himnak A Lak Mi SAC Ralkap Pawl Kahdohnak Ah Mawṭaw 2 An Lak Khawh. Pakokku-Kamma lam ah himnak a lak mi SAC ralkap pawl an kah hna i SAC ralkap 4 an thi, mawṭaw 2 an lak khawh tiah Myaing PDF nih thawng an thanh.
August 22 zinglei sml 8:00am hrawng ah Kamma khua in a chuak i Pakokku-Kamma lam hmunkhat ah himnak a la mi SAC ralkap pawl cu dothlennak phu pawl nih Drone in bom lung 15 an thlak hnawh hna leng ah timh cia tein an tarh cang mi bomrap lung 5 an puah hnawh chap hna tiah theih a si.
Cubantuk in Drone in bom an thlak hnawh hna le bomrap an puah hnawh hna ruang ah mawṭaw 2 bomrap nih a khen i SAC ralkap 3, palek 2 le pyusawthi 3 an i hliam, Pakokku sizung ah an kalpi hna tiah theih a si.
Bomrap nih a khen mi SAC ralkap mawṭaw 2 zong PDF phu pawl nih an lak khawh tiah theih a si. Kahdohnak chung ah PKU Thurain, Black Cobra, PKU, PPDF, Myaing PDF le DMG hna an i bawm tiah theih a si.
Pakokku-Kamma Lam Ah Himnak A Lak Mi SAC Ralkap Pawl Kahdohnak Ah Mawṭaw 2 An Lak Khawh. Pakokku-Kamma lam ah himnak a lak mi SAC ralkap pawl an kah hna i SAC ralkap 4 an thi, mawṭaw 2 an lak khawh tiah Myaing PDF nih thawng an thanh.
August 22 zinglei sml 8:00am hrawng ah Kamma khua in a chuak i Pakokku-Kamma lam hmunkhat ah himnak a la mi SAC ralkap pawl cu dothlennak phu pawl nih Drone in bom lung 15 an thlak hnawh hna leng ah timh cia tein an tarh cang mi bomrap lung 5 an puah hnawh chap hna tiah theih a si.
Cubantuk in Drone in bom an thlak hnawh hna le bomrap an puah hnawh hna ruang ah mawṭaw 2 bomrap nih a khen i SAC ralkap 3, palek 2 le pyusawthi 3 an i hliam, Pakokku sizung ah an kalpi hna tiah theih a si. Bomrap nih a khen mi SAC ralkap mawṭaw 2 zong PDF phu pawl nih an lak khawh tiah theih a si. Kahdohnak chung ah PKU Thurain, Black Cobra, PKU, PPDF, Myaing PDF le DMG hna an i bawm tiah theih a si.
Myanmar Ram Mipi Tam Deuh Cu Lungthin Zawtnak Ruang Ah Nunnak Caah Thinphan A Si! Myanmar ram mipi tam deuh cu lungthin zawtnak an ngei ruang ah an nunnak ca tiang thinphang a si ko tiah lungthin lei Siibawi Australia ram Central Queensland siizung in Dr. Thet The nih ralring peknak bia a chim. Lungthin zawtnak a ngei mi hna an zawtnak hramthawk ahcun, lungthin, taksa-pum lei, an cawlcangh ning tiah phun 3 ṭhen a si.
Mah phun 3 chung ah ṭihnung bik mi le minung nunnak caah thinphan a si bik mi cu thinhun in kutthlak (Anger Outburst) le zaan hngilh kho lo/ ih khawh lo (sleeplessness) hna an si. Lung zornak le lungthin lei pehtlai in zawtnak (Mental Symptoms) zawtnak a langh ning phun a tam tuk.
Mah chung in zawtnak a tambik mi cu thinphannak, lungretheihnak, thintawinak, lungthin nuamh lo nak, lungthin zornak, a caan ah ngaihchia ngai in um, thinphannak, ningṭih thinphangpengnak, thilpakhatkhat zoh khawh (focus/concentration) lo nak, caan sau thilcingken tilonak (midang le thil min cingkhen kho ti lo) lungtlau le thintawi in aukhuannak hna aa tel.
Mah zawtnak a langh ning hi pakhat hnu pakhat pehzulh peng ahcun a hnu ah minung tlamtling ti lo mi (Mihrut) dirhmun tiang a phan kho mi a si. Tahchunhnak – Harnak ton caan le thinphang in tlikzaam caan ah pawcawnnak a har, rian ngeih lo, fa le kong, innlo kong le hmailei khuakhan lai relnak kong ah chungpit vansang in a um mi hna khuafak tuk ruah/pehzulh in ruah peng ahcun lungzor zawtnak hi ngeih colh a si ko.
Cun, lungzornak in minung pumsa ah a langh ning cu (Physical Symptoms) hi minung pumsa ah a lang ve. Mah cu hmur dangcar in um, lufah, lungmit, a caan ah thlanhri put in um, pawfah bantuk in chungfer lengmang, kut/ke a zeng in um, thawchuah a rang, zaan hngilh khawh lo, thinhung mi langhter-holh tha lo chim le kut ke thlak tiang in um a si. A bik in zaan hngilh/ih khawh lo in um, thinhung in kut/ke thlak tik ah mah nunnak le inn chungkhar tiang harnak a phan kho mi a si.
Tahchunhnak- America ram ah a tam bik mi cu meithal in a um sawh mi hna hei kah, motor rang tuk in mawngh/mi hei pahhnawh (Road Rage) thilri den/khuai, hawikom he i sik/ velhnak tiang a phan kho mi a si. VOA nih Australia ram Central Queensland siizung Lungthin lei Dr. Thet Hte biahalnak lehmi a si.