SAC Ralkap Sin In An Ngah Mi 120MM In SAC Ralkap An Doh Ṭhan Hna
============
SAC ralkap sin in an hmuh mi 120MM hriamngan hmang in Thanlwin ni chuahlei ah a rak lut mi SAC ralkap an kah ṭhan hna tiah Karenni Army Drone Force nih thawng an thanh. Karenni ram, Hpasawng le Mese khua karlak, Kyaukpannyo le Kyauksu khua ah a lut mi SAC ralkap pawl an doh hna hi a si.
“Thanlwin ni chuahlei ah KA 120MM in kan kah hna hi a thi mi an tam, a sunglawi tuk” tiah KA Drone Force nih August 29 ah muicawl he thawng a thanh. SAC ralkap nih Mese peng uk kho ṭhan ding in Battalion 6 hmang in kahdohnak an tuah caah Hpasawng le Mese peng hna ah kahdohnak pehzulh in a chuak tiah Hpasawng PDF lei zong nih an chim.
SAC Ralkap Sin In An Ngah Mi 120MM In SAC Ralkap An Doh Ṭhan Hna. SAC ralkap sin in an hmuh mi 120MM hriamngan hmang in Thanlwin ni chuahlei ah a rak lut mi SAC ralkap an kah ṭhan hna tiah Karenni Army Drone Force nih thawng an thanh. Karenni ram, Hpasawng le Mese khua karlak, Kyaukpannyo le Kyauksu khua ah a lut mi SAC ralkap pawl an doh hna hi a si.
“Thanlwin ni chuahlei ah KA 120MM in kan kah hna hi a thi mi an tam, a sunglawi tuk” tiah KA Drone Force nih August 29 ah muicawl he thawng a thanh. SAC ralkap nih Mese peng uk kho ṭhan ding in Battalion 6 hmang in kahdohnak an tuah caah Hpasawng le Mese peng hna ah kahdohnak pehzulh in a chuak tiah Hpasawng PDF lei zong nih an chim.
Muse Peng Ah SAC Ralkap le TNLA Karlak Ah Kahdohnak A Fak, SAC Lei A Thi Mi An Tam. Shan ram, Muse peng ah SAC ralkap le Ta’ang National Liberation Army (TNLA) karlak ah kahdohnak a fak i SAC lei a thi mi an tam tiah Khit Thit nih a langhter. August 28 thawk in Muse peng chung ah SAC ralkap le TNLA karlak ah kahdohnak a chuak i SAC lei a thi mi an tam, August 29 zaanlei sml 3:46pm ah SAC nih vanlawng in Selan khua ah bom a thlak tiah theih a si.
“August 28 thawk in Muse ah TNLA le SAC ralkap karlak ah kahdohnak a fak. Kahdohnak thawng hi Muse khuapi ning in theih a si” tiah khuami pakhat nih Khit Thit ah a chim. Kahdohnak chung ah kaphnih lei a thi mi an um i SAC ralkap pawl cu TNLA sakhaan umnak Selan khua lei an panh tiah theih a si.
Pakokku-Yesagyo Lam Ah SAC Ralkap Mawṭaw Bom An Puah Hnawh Hna I 5 An Thi. Magway ramṭhen, Pakokku peng, Pakokku-Yesagyo lam ah a kal mi SAC ralkap mawṭaw bomrap an puah hnawh hna i 5 an thi tiah Young Force – UG nih thawng an thanh.
August 29 zinglei ah Pakokku in Yesagyo lei ah mawṭaw thlalang phit lo in a kal mi mawṭaw pakhat cu ralrin peknak ah bomrap an puah hnawh i mawṭaw a khen nain a thi mi an um lo, cubantuk in Pakokku in Yesagyo lei a kal mi SAC ralkap mawṭaw cu bomrap an puah hnawh ṭhan i 3 an thi tiah theih a si.
Cun August 28 zaan sml 8:00am hrawng zong ah Pakokku peng, Pandaichung khua in Pakokku khua lei a kir mi SAC ralkap mawṭaw cu bomrap lung 3 in an puah ṭhan tiah theih a si. Cubantuk bomrap puah hnawh nak cu Pakokku pengkomh B13, Shwe Nyar Mae PDF le Young Force UG hna an i bawm tiah theih a si.
Myaing Ah Palek Bawi Chang Le Corporal 1 Sniper In An Thah Hna. Magway ramṭhen, Myaing peng ni tlaklei khua chuahnak, Koesaung phungki sianginn gate a hngak mi palek bawi chang le Corporal cu Sniper in an kah hna i an pahnih ning in an thi tiah theih a si.
August 29 zinglei sml 7:00am hrawng ah atu bantuk in palek bawi chang cu gate a hngak mi palek le pyusawthi pawl bia a ruah hna lio ah Myaing PDF B01 nih Sniper in an kah i a hmun ah a thi Myaing PDF sin in thawng theih a si. Cu ni zaanlei sml 6:24pm hrawng zong ah Koesaung phungki sianginn gate cu an kah ṭhan hna i Corporal pakhat an khen caah a ril colh i adang ralkap pawl nih mins 10 hrawng meithal an thlah tiah theih a si.
Myanmar Ram Lemcang Minthang Daung Nih Dothlennak He Pehtlai In A Zumh Ning. A min a thang i hlawhtlinnak zong a hmu mi Lemcang minthang Daung hi atulio dothlennak ah a chungpi tiang aa teltum mi a si i a thiamnak lemcang lei in dothlennak caah Fund a kawl lengmang mi a si.
Daung aa telnak “ကျောက်ဖုရားမှဧရာ၀တီသို့” ti mi Series cu Thai ram muicawl puai ah laksawng a hmuh bantuk in လိပ်ပြာစံအိမ် muicawl zong a voikhatnak bik Netflix ah aa tel kho mi muicawl a si. Cubantuk in hlawhtlinnak a hmu mi nih a sinning dihlak in dothlennak ah aa teltum mi Daung a zumh ning kha RFA nih biaruahnak a tuah mi a si. Credit: The Chinland Post