SAC Hriamnam Sehzung Kahdohnak
======
SAC ralhrang cu ralkap thazang le lungthin (mental) lei ah thazang an der lei an panh cuahmah caah hriamngan bochan in kahdohnak an tuah cang. Mah hriamnam sernak sehzung pawl cu ကပစ tiah min an pek.
Vawlei cung ralpahnihnak (WW II) lio ah khat lei an ral a simi hna hriamnam sernak hmun le an bochan bikmi thilri umnak hmun pawl cu vanlawng bom thlak in ral an rak do ton. Nazi German ralkap tank, meithal kuan zen, datsi umnak pawl cu tamrual phu vanlawng nih bom in an kah ton hna.
Nihin mipi ralkap nih SAC cu hmun kip kakip in kahdoh a si bantuk in hriamnam sehzung zong 2023 thlaruk chungah Kapahsah ကပစ sehzung 7 ah voi 12 an kah. An kahnak ကပစ hriamnam sernak sehzung pawl cu; Minhla peng ကပစ -10 voikhat, Tayet peng peng ကပစ -12 voihnih, Ngaphe peng ကပစ -14voikhat, Seikphu peng ကပစ -21 voihnih, Seikphu peng ကပစ -22 voili, Gangaw peng ကပစ 23) voikhat,
Saw peng ကပစ -25 voikhat, ကပစ -10 ah 40 mm motor nih phurhkhawh hriamnam sehzung, ကပစ -12ah 60 mm၊ 81mm၊ 120mm sernak sehzung, ကပစ -14 ah Gas rawnnak sehzung, ကပစ -21 ah vanlawng bom sernak sehzung, ကပစ -22 ah Mark-1, Mark-2, Mark-3, Mark-4 hraimhme sernak sehzung, ကပစ -23 ah zeibantuk hriamnam an ser theih rih lo mi, ကပစ -25 ah cun hriamnam an ser rih lo.
Mipi ralkap nih an kahmi hriamnam sehzung pawl umnak hi Ayeyawaddy nitlak lei um mi deuh an si. SAC ralkap nih ကပစ hriamnam sernak sehzung 25 an ngei i, sehzung 16 cu Ayeyawaddy nitlak lei ah an um.
Kapahsah Hriamnam Sernak A Umnak Myanmar ramchung ah Kapahsah sehzung 25 an um. Mah chungah Magwe ramthen ah 15, Bago ramthen 7, Naypidaw (Tatkung) ah 2 le Yangon peng( Taikkyi) ah 1 an um.
Sehzung umnak hmun hi Tlangcung hriamtlai he aa hlatnak ramchung hmunlai cem ah an um.
Ralkap bawizik Than Shwe chan ah Magwe ramthen ah mipi vawlei hramhram in a lak mi vawlei hmun ah Kapahsah hriamnam sehzung a ser hna tiah theih a si. Magwe ramthen Kapahsah hriam sernak hmun tam deuh hi Ayeyarwaddy tiva hnu lei ah an um. Cheukhat sehzung hi Khuachung in meng 4 in meng 30 a hlatnak tlanghram le internet/phone line pehtlainak a umlonak hmun ah an um hna.
2008 Phunghrampi A Um Chung Paoh Cu Federal Democracy Rampi Kan Ser Kho Lai Lo — NUG Prime Minister. “Aung San Suu Kyi thonginn in a chuah zong ah SAC ralkap a hram in bongh dingin timhtuahnak kan ngeihmi le Federal Democracy rampi ser dingin kan ṭuanmi cu aa thleng hrimhrim lai lo,” tiah July 31 zanlei suimilam 4:00 ah tuahmi NUCC le NUG meeting ah NUG Prime Minister Mahn Win Khaing Than nih a chim.
“Aung San Suu Kyi hi thonginn in chuak sehlaw NUG nan kalning nan thleng lai maw tiin biahalnak tete a um. Cu kong he pehtlai in Aung San Suu Kyi a chuah zong ah NUG kan hmuitinh le kan khelhmi hi kan thleng hrimhrim lai lo.
Mizapi duhnak in kan kal lai, Aung San Suu Kyi zong mizapi duhnak a zulmi a si. 2008 phunghrampi a um chung paoh cu Federal Democracy rampi kan ser kho lai lo. Cu ruangah ralhrang ralkap hna hi a hram in kan bongh hna a hau. Kan dihlak tein lungkhat, thinkhat in kan ṭanṭi ahcun kan tei hna lai,” tiah Prime Minister Mahn Win Khaing Than nih cun a chim.
NUG President Duwa Lashi La zong nih, “Federal Democracy kan cahren chungah hramhram uknak a hram in bongh ding le Federal Democracy rampi ser ding hi a si. A biapi bik zong a si fawn. Zeibantuk harnak, hrocernak le tlerhkhawnnak hmanh um ai kun, ralhrang ralkap hna an bia deu ah kan tluk lo ding a biapi,” tiah a chim ve.
NUCC le NUG meeting ah atu lio aa thleng cuahmah mi ramkhel kong he pehtlai in ceihmainak an ngei i, Federal Democracy an cahren ningin hmailei karhlan ding le ṭangṭi phu organization hna he rianṭuanṭi dingin biachahnak an ngei, tiah Khit Thit Media nih a ṭial.