Min Aung Hlaing ralhrang a cihmih le a hrambongh ding!
========
Operation 1027 “ ချင်းရွှေဟော်မြို့” khuapi pakhat cu TNLA nih an lak, SAC an sung. MNDAA/ TNLA le AA nih “1027 Operation” min bunh in dohnak an thok, Sakhan le SAC Gate an lak. SAC ralhrang a cihmih le a hrambongh ding, Mipi vanral in an himnak ding ah venhim ding in ral kan tho, kan cawlcang cang tiah “1027 Operation timi tlangtar hmang in MNDAA/TNLA/AA nih cathanh an chuah bak in raldohnak kong le Sakhan laknak kong an thanh colh.
(1). MNDAA= Kokang Miphun hriamtlai tiah a fawinak in (Kokang region ah Myanmar National Democratic Alliance Army-TNLA tiah kum 1989 ah dirh mi hriamtlai phu. (2). TNLA= Ta’ang National Liberation Army hi ralkap thong-8 leng a ngei mi, kum 1992 in nihin tiang Ralkap uknak dir onh in ral a doh peng ve mi, a bik in an cawlcangh nak hi Tawngpeng, Shan State; Mogok, Mandalay Region hna ah a si.
(3). AA=Arakan Army (kum 2009 April 10 ah an dirh mi a si nain caan tawite chung ah ralkap thazaang tam ngai a ngei, Ralkap thong-30 leng kan si tiah kum 2021 December ah an mah tein an chim.
Acung langhter mi hriamtlai phuthum hna hi ttangti phu, tutan ah Kawlram mipi theih in raldohnak kan thok tiah a hun thanh ve tu hna cu an si.
Cathanh an hun chuah tlawmpal ah “ Shan ram- ချင်းရွှေဟော်မြို့ kan lak cang, SAC ralhrang kan tei hna, ချင်းရွှေဟော်မြို့ cu TLNA nih hmun an khuar cang” tiah an hun thanh colh than. An lak mi Sakhan hna cu စစ်တပ်ဗျူဟာကုန်း ၊ ဖောင်ဆိပ်စခန်း၊ မြို့အဝင်တပ်ဂိတ်” hna kan lak an ti pin ah စစ်ကောင်စီစခန်းများအားလုံး ကျဆုံးသွားပြီး ချင်းရွှေဟော်မြို့ တော်လှန်ရေးတပ်ဖွဲ့က သိမ်းပိုက် ထိန်းချုပ်” ti bak in an hun tarlangh hi asi. Kan hnu zarh ah KIA/AA/CNF/A le PDF hna nih Sakhan pakhat pical ngai mi an lak ve i hriamnam tampi an lak khawh. Cu tlawmpal ah MNDAA/AA le TNLA nih an hun thanh colh ve hi asi.
Tuzing 4:00 AM thawk in Shan ram nichaklei ah Northern Alliance (MNDAA, AA, TLNA & KIA) nih operation 1027 minbunh in a biapi mi khuapi paruk i a um mi ralhrang hmun, gates pawl an tuk ciammam i hmankhat te ah Chinshwehaw khuapi an lak colh. Chinshwehaw khua an lak bak in Kokang nih China-Myanmar Union Road kan phih tiah an thanh colh. Chinshwehaw khua hi 2022 kum ah trade volume US$283.396 million tluk a si.
Naihrawng Tuluk cozah nih online gamers (online game celh mi hlen hmang) pawl heh maw tiah a dumdawi hna lio, Ralhrang nih Laiza a zalh cuahmah lio bak i caan riangmang in Shan nichaklei ralhrang chawlehnak hmun an nam. Tuluk-Myanmar chawlehnak lampi pakhat cu a pit tthup. Hi hna pawl (KIA le a naule) le Tuluk karah zeimaw thil a um theo lai. Cucu caantha i lak in an control mi ram kauh ding ah khuapi paruk bak an tuk. An thawk tlawmpal bak in statement an chuah. Ralhrang uknak a hrambongh ding ruang ah operation kan thawk an ti.
Israel, Hamas le Gaza kong ah Laimi kan caihhuam ngang lio ah hawi cu an hmaika i a um mi ral namnak ding ca, an ramkauhnak ding ca ah heh maw tiah an i zuam. Khua an ruat. Kan ram kong te hi ruat ko tuah usih, kan miphun kong hi thuk deuh in ruat ko usih. Kan raltuknak kong tu ahhin pil ko usih. Kan ralkap tuhi thawnter ko usih.
TNLA, MNDAA Le AA Nih Operation 1027 A Nikhatnak Ah Chin Shwe Haw Khuapi An Lak, SAC Sakhan 10 Hrawng An Lakchih. Chaklei hriamtlaibu unau thum tiah theih mi Arakan Army (AA), Ta’ang National Liberation Army (TNLA) le Myanmar National Democratic Alliance Army (MNDAA) nih October 27, 2023, ningani ah Operation 1027 an thanh i cu ni lila ah Chin Shwe Haw khuapi cu an lak khawh. Cun SAC sakhan 10 hrawng an lakchih fawn.
Shan ramkulh chaklei ah hriamtlai unau thum hna nih October 27, zinglei 5:00am in kahdohnak an thawk i Kyaukme, Kutkai, Muse, Lashio, Namkham, Nawnghkio le Chin Shwe Haw i SAC sakhan a biapi deuh hna cu an lak khawh. Chin Shwe Haw hlei, Hopan, Kunlong le Mong Koe hna zong an lak fawn. SAC ralkap le palik a thi mi an tam.
SAC nih tanglei in bawmtu a thlah hna pin ah cunglei zongin kahdohnak a tuah. Chin Shwe Haw khuapi ah MNDAA nih an thantar (flag) an tar cang. SAC sakhan dang hna zong lak dingin kan kah rih lai tiah hriamtlai unau thum hna nih an thanh.