Mi Firkhut Aakhan He Raldoh Cu Sunghnak Asi!
===========
Jericho Khualipi cu Meithal zuunkhat le kuan fangkhat puak loin Israel mi nih an tei nain Ai Khuate an tuk tikah an sung. Israel ralkap tampi anthi. Joshua nih ahlat tikah Aakhan nih Jericho tuk lioah a fir caah asi. Fir, Mifir le Firkhut cu Pathian nih aduh lo. Pau Dohthlennak kan tuah tikah CDM bawmhnak cu an fir dih.
A Tawlreltu ding asimi nih an fir tikah Chinland ahcun Pastorte nih an tlaih nain an fir ti asi rih. An fir tak hnga maw ka ti len. Pastorte nih tlaih tiloin NUG Kusale, MPs, Kawl Party Luban nih an tlaih tikah an fir chinchin. CDMers cu PT nih acawm cang hna.
NUG kan zoh tikah phu 3 anum Federal aduhmi 10%, Sipuazi le Business in Dohthlennak tuahtu 50%, NLD Model in kal duh mi 50% ansi. Cucaah EAOs le NUG pumkhat sinak aumlo. Kawl PDF LDFs he pumkhat sinak aum lo caah MAL kan tei khawh tilo.
CBCUSA cu an fir kan ti hna lo nain Dollar 5 million cu a ui viar. Vokrawl nakin an ui dueh. Millon 7 Europe ah Tourist asilo. Fund Raiser kip nih Audit an ngeih lo caah Mipi nih hlan lio bang dollar an thawh tilo. CC hi an fel i ansin ah Dollar a lut deuh ve. NUG Upa Luban tamdeuh le NUG kusale vialte cu Dollar fir in mah rumnak lawng an kawl caah PT nih a duh lo i MAL kan tei khawh rihlo mi hi asi. Aakhan cu an thah hnu ah Israel mi nih Ral an tei ti asi.
Pathian cu Misual ngaithiam tu asi caah thah an herh lo. PT he i ceih ko hna seh. Nain Kawl le NUG he raldoh ṭi ahcun firnak hi aum zungzal lai caah MAL kan tei lailo. Fir hi kan maa kholo.
Kanmah Chinland lawngin Kan doh lawngah MAL kan tei lai. Dollar fir lo le pumkhat si belte a herh.
Dollar kan fir lo nain MAL kan tei lo ahcun Pumkhat silo le Lungrual lonak ruangah asilai. Japan doh le U NU chan telin Kawlram caah Raldoh zungzal mi cu Chin kansi. Karen ral kan tei. Communist kan tei, Khun Sa kan doh, KIA le EAOs vialte kan doh hna. Ne Win, Than Shwe le Thein Sein Chan tiangin Kawl Ralkap ah a tambik mi cu Chin kan si.
MAL Ralkap zongah Tlangcungmi dang nakin Chin kan tam dueh rih. Chin lawng tein MAL a tei khawh tu kansinak Tehte asi. Nain Dollar fir lo ahau. CNA ah pumkhat asi ahau. CNA atling bik ka ti lo. Chin huap anmah lawng an um ka ti.
CNA ah aafonh duh lomi hna ruang le Dollar fir ruangah MAL kan tei lo hi asilai. Ka nau le kha hramhram in CNA si ding an tlaih bal hna caah ka mawtchiat hna i CNA dohtu le Pu Kap minung ah nan ka ruah kha (hlan lio pi ah) Pumkhat sinak, Lungrual nak, Dollar fir lo nakin MAL kan tei lai tiah aupi ding ah Pathian nih a ka fial i a ka thlah mi kasi.
Democracy Baur In Mipi Upat Lotu Hruaitu Le Bu Kansi Maw (II). NUG Ralhrang tiah an tinak Wikipedia cu an hrawk cang. Ka chimh ruangah asi theng lai lo nain ka capar remove tu hi anmah nih Facebook Co. Ltd cu NUG Lobby nih an chimh tiah ka zumh. NLD chan ah an firkhut tuk caah le Federal an duh lonak, an eihmuarnak phuangtu hna account thahpiak awkah Facebook Co. Ltd ah USD 24 million an pek. Cucu NUG nih ro an co.
NUG upa hna sualnak le tlamtlin lonak, an fellonak phuangtu hna dantatnak ah le Zolangh Mualpho nak caah $ 24 million cu an hmang. Ralkap nih Mipi Biaceih phung asi lo timi hi CDFs le hruaitu upa hna nih an hngalh lo asi lo lai tiah Mipi hi tlaih in hremh / Vuak ti hlah uh. UN le Geneva Convention nih Ralhrang an kan ti lai tiah Fim kan chimh mi hna asi.
Mipi saṭil le Tirawl mah nawl in lak zong Ralhrang zia asi. Mipi hngalh ter loin an khua ah bomh kamh cu ṭihnung tuk asi. Tazacuai phu nan si, Mipi ralkap he nan i lawh lai, Democracy ralkap si uh law, Mipi daw uhlaw, Mipi upat cang uh, an bia ngai cang uh, tbk kha kan ṭialmi asi. Cucu Dakaw, CNDF Falam Ralkap le CDF Zotung Fans le Lobby rual nih NUG he i bawmh in report nan ka tuah mi cu asi. Capar nan remove ko.
Ralkap nih Upadi kan suai khawh ko nain Code of Conduct le Ralkap ṭhithruainak lawngah hman khawh asi. Mipi biaceihnak le Tazacuainak caah Ralkap nih Upadi le Laws tuah khawh asilo. Mipi caah Upadi le Laws a tuah khawh mi cu MPs hna ansi. MPs kan ngeih lo caah Mipi an duh i an hnatlakpi mi Upadi thiamsang hna le Khua Upa nih Upadi cu an siam khawh. Asilo ahcun Khuabawi le Bawitlang lawng nih Mipi caah Upadi le Laws cu an suai lai i an uk hna lai, Bia an ceih hna lai.
Mah le Khua cio ah Biaceih ah a za mi asi. Pengtlang le Pengkulh aiawh in CDFs nih biaceih nak le Upadi siamnak nawl hrimhrim kan ngei lo. Kan ngeih lo khi asi ko. Democracy kan buar dih hlei ah Nuhrin covo zong kan buar dih. Geneva Convention zong kan zulh lo i Crimes Against Humanity, War Crimes zong kan si dih cang. Kanmah duhning in Upadi kan suai i kan duh ning in mipi kan hruai hna, kan duh ning in aum lomi le Kan Upadi a zulh lomi cu kan tlaih hna, thong kan thlak, hna, kan hremh hna, a cheuh kan vuak thah hna tikah Kan ram ah Democracy an tlau i Mipi an kan ṭih.
CDF umlo aduhmi Mipi an tam tuk cang. Kanmah biaceihnak cu cunglei ah akai khawh tilo. Dingthlu Lairel nak cu kanmah kut le kaa ah aum cang. Pathian bantukin Cungnungbik ah CDF kan ṭhu cang. Kanmah biaceih nak le dantatnak cu adongh nak asi i cunglei ah kan lungtlin lonak langh ter nak hmun aum lo bantukin, kan langhter nak nawl zong onh kansi lo.
MAH te Kawl Ralhrang hmanh ICJ le UN tiangin an sualnak langhter in sualphawt, Tazacuai, Dantat, Azizut ansi lio ah Asual mi CDF ralkap le Mipi cungah duh poah a LAL i khuasa mi CDF Hotu le Luban hna zong Va chimh awk zung le minung an um tilo. Anmah dantat khawh tu le azizut tu, Biaceih khawh tu anum ti lo. Cucaah Rule Of Law an tlau dih cang. Credit: Jacob R. Thang