MI DAWT THIAM TLANGRUA (B) (Kan ralzam lio)
=========
Kan ralzamnak Tlangrua (B) ah kan nih MFOC Ngaktah chungkhar cu kum khat le thla kua kan um. Kan um chungah——1. An umhar sual lai tiin mileeng kan thing bal lo. 2. Sianginn ah thla khat le ni thum kan um hnu ah Tlakrawh in sakmi AG biakinn tha tukmi Tower dot thum ah an kan thial.
3. Rawl chuannak inn tharte canphio inn an kan sak piak. 4. Kholhnak khan le umkheng tawlnak ah ti an kan thlak piak. 5. Soler mei chun he zan le mit loin an kan chiah piak. 6. Tihthing hman cawklo in an kan hlamter an kan ceh piak.
7. Tisik anhnah, banhla, sangphaw, hai, rung-tawban tiin ei cawklo in an kan peek. 8. Arr ci an kan thlah, Arr thah ding tampi an kan peek. Arrti din cawklo in an kan peek 9. Arr inn tiang in an kan sak piak.
10. Ka ei ballomi changvut le khuaitizu denmi an ka tuahpiak. 11. Christmas le kum thar zingah chang-tlep an kan peek. 12. Sa an kah caan ah an kan hleh. 13. Ngahring voi tam ial an kan dawi piak. 14. Lo kan tuah na lo in facang pung 130 an kan thenh. Inn kip nih.
15. Thlaithar ni ah lo cung chuakmi kan bi-zu le thlanghrawl tlumlo tiangin an kan pee. 16. AG Khrihfabu he Baptist Khrihfabu he zanriah rawl an kan dangh. 17. Inn bing tete rawl-ei sawmtu an tam. 18. Kan herh caan paoh ah a manlo tein an Cycle an kan hmanter.
19. Rev. Ram Er nih a cycle manlo tein kum Khat chung a kan hmanter. 20. Khual ka tlawn tik le ka tlun tik ah man-lo tein cycle in an ka phurh, an ka don. Tlangrua (B) nih MFOC Ngaktah chung-
khar an kan dawtnak cu kan chan chung philh ni a um bal lai lo. Kan thinlung diary ah a cam zungzal ko lai.An khua le an lei-lung ah Bawipa thluachuah hmun zungzal ko seh.
KHRIH HNU ZUL Dr. CUNG HU; Mizaw, damlo, miharsa hna le bomhhau in a ummi hna bomhchanh dingin timhcia tein a um zungzalmi pa Khrih hnuzul (disciple) Dr. Cung Hu le a chungkhar hna nih ralzam in Hakha a hongphan ve mi MFOC Ngaktah kan chungkhar hna cu ngaktah chungkhar nih kan ei ballomi rawlin an rak kan don. Kan i lawm hringhran. A riantuannak le a chungkhar cungah Bawipa thluachuah karh chin lengmang ko seh.
Khrih thinlung putu Dr.Hu, kan miphun chungah nangmah bantuk thinlung putu hi kan hngerh bik ko.Miphun a cawisangtu,miphun a par tertu na si. Pahu te chung khar cung ah kai lawm tuk Bawi pa nih dam nak nun khua sauh nak in pe ko hna seh mu. Bawipa nih mithmai tha in co ter ko hna seh petuchung khat Bawipaih thlawchuah chapchinkohna seh kan I lawm tuk e.
Dr Cung Hu te nupa hi an mui ka hmuhkaa hna in ka tlaihchan colh hna…kan i kom tuk hna lo na in an tuahmi thil ka theih mi kong nih a kan naihter chin…. ka upat hna…an nun aa nuam lai ning hi ka hngar tuk hna….a baat cu an baa tuk lai..Bawipa nih thluachuah chap chin ko hna seh. Bawipa nih siang tein dangtu chungkhar a let zakhat tiangin thluachuahnak pe ko hna seh.