MDF Pawl AA He An Ifonh Nak Kong MDF Vice Chairman Nih Fiang Ternak A Tuah
+++++++++++
MDF nih CDF-Mara he hin i rem ding in kan itinh peng mi asi ko nain anmah CDF-Mara lei in an kan ton duh lo caah nihin ni tiang tu dirhmun kan phaknak asi ko. A voikhatnak kan rak iton lio ah kanmah kaphnih karlak i remnak asi ko ahcun ka min tiang thlenpiak hi kan rak i readytuk ko cang.
Asinain a voihnihnak iton tthan dingin kan auh hna tik ah an rakra duh tilo. AA he kan i fonhnak a ruang cu, CJDC nih anmah he join ding ah an kan cohlang duhlo caah, Training an kan petu ding kan ngeilo ruangah AA sinah kan kalnak asi ko. Atanglei VIDEO tling tein rak zohchih.
Thawngpang dang>> Kum Thum Chung Ah Chinmi Minung 600 Leng Nunnak Liam
++++++++++++++++++++++++
SAC nih nawlngeihnak an laak kum thum chung ah Chinmi 618 nunnak a liam cang i SAC ralkap nih Chinmi cung ah nuhrin covo voi tampi an buar, tiah Institute of Chin Affairs(ICA) nih an langhter.
Chinram chung in nunnak a liam mi hna cu – Tonzang peng ah 3, Tedim peng ah 39, Falam peng ah 69, Thantlang peng ah 64, Hakha peng ah 77, Matupi peng ah 72, Mindat peng ah 98, Paletwa peng ah 10 le Kanpetlet peng ah 13 an si.
Sagaing, Magway, Yangon, Mandalay le a dang hmunram ah a um mi Chin miphun 137 zong an nunnak a liam. Nunnak a liam mi 618 hna hi tualchung mi le Chin hriamtlai phu chungtel an si, tiah ICA nih cun an thanh.
Kum thum chung ah SAC ralkap nih Chinram chung ah vanlawng in kahdohnak voi 84 a tuah i innlo tampi le biaknak he aa pehtlai mi inn 2,000 leng an khangh. SAC nih nawlngeihnak an laak hnu in Chin hriamtlai phu le SAC ralkap kar kahdohnak ah innlo a zaamtak mi Chinmi 80,000 leng an phan, tiah ICA nih cun an thanh. Crd:TCP