Major Ralbawi 1 Ralhrang SiiBawi 2 Le Captain 2 Telhchih In An Tlaih Hna!
==========
SAC Ralhrang Kuttang Ramri Vengtu Major Ralbawi 1 Ralhrang Sii Bawi 2 Le Captain 2 Telhchih In 7 Mandalay PDF Nih An Tlaih Hna. October 26 in 30 tiangah, Sister alliance 3 “1027 Operation” cawnlcanghnak phu (Mandalay) People’s Defence Army nih “Taung Thaman Operation” kalpi in SAC ralhrang kuttang ramri vengtu major ralbawi 1, sii bawi 2, Captain 2 telhchih in ralhrang 7 an tlaihkhih hna tiah theih asi.
Mandalay PDF nih an tlaihkhih mi hna lak ah hin, ramri vengtu major ralbawi 1 Pai Soe Tun, No 88 zung kuttang ummi No 10 tanglei hriamtlaiphu zohkhenhtu sii bawi Aung Zin Oo, No 3 hmuhma phuṭhen 2 (Division-2) ah sii bawi rianṭuan mi Aung San Kyaw telchih in ralhrang 7 cu an ralthuam he an tlaihkhih hna tiah Mandalay PDF chingin ṭuanvo ngeitu pakhat nih Yangon Khit thit ah a chim.theih asi.
“SAC ralhrang hi Taung Thaman kahdohnak caan lio khan kan tlaih mi hna ansi a hmun le hma zeitin kan tlaih hna timi tu cu kan langhter lo” tiah Mandalay PDF mipi ralkap chungin Ko Aung Sa Mon nih a chim.
Kani Peng Tilawng Le Pyusawhti Ralhrang Sakhan Hna Cu Mipi Ralkap Nih An Kah 5 An Thi. Sagaing ramṭhen, Kani peng Chindwin tiva in a rak chuakmi SAC ralhrang tilawng le Pyusawhti khua ralhrang sakhan mipi ralkap nih ankah 5 an thi tiah Kyauklongyi KLG Brigade chingin ṭuanvo ngeitu pakhat nih Yangon Khit thit ah a chim.
October 30, zinglei suimilam 11:00 tluk khan Kani peng Minkin khua pawng Michaungtwin khua ah riak in tualchung mipi Caw, Meheh, riahcaw le thilmensung fir in a rak chuakmi SAC ralhrang tilawng 7 cu mipi ralkap phufonh nih abkah caah tilawng khaltu le ralhrang 2 an thi tiah theih asi. Cu bantuk ṭhiam zaanlei suimilam 1:00 tluk khan Kani peng Khawmyauttaung pawngah SAC ralhrang tilawng 7 cu mipi ralkap nih ankah ṭhan caah ralhrang 2 an thi chap tiah theih asi.
Cu pinah October 30, zaanlei suimilam 2:00 tluk khan kani peng Ahlelkyun Pyusawhti khua Shar Htoo Waw drone hmangin 1kg tluk a ritmi bomb vawi 3 an thlakhnawh hna a thimi le hliamtuar fianghlang an chim kho rih loh tiah an langhter. Kahdohnak ah a telmi mipi ralkap phufonh hna cu Yinmawbin battalion 22 ၊ battalion 23 – KLG PDF Kyauklongyi mipi ralkap le PDF ṭangṭi phufonh hna ansi ansi tiah an langhter chih.
Shwebo ရွှေဘို Khuapi SAC Ralhrang Mipi Ralkap Nih Ankah Hna 5 An Thi. Sagaing ramṭhen, Shwebo khuapi Ah Ṭhah kah 2 sianginn pang zunguk pawngah umhmun khuarmi SAC ralhrang hna cu mipi ralkap nih ankah hna caah 5 anthi tiah Siddhisin People’s Defence Group PDG chungin ṭuanvo ngeitu pakhat nih Yangon Khit thit ah a chim.
October 29, zaan suimilam 8:00 tluk khan Shwebo khuapi Ah Ṭhah kah 2 sianginn pang zunguk pawngah umhmun khuarmi SAC ralhrang hna cu mipi ralkap nih bomb le hriamhme he luhhnawh in ankah hna caah 5 anthi 2 hliamfak an tuar tiah tiah theih asi.
“luhnawh in kan kah hna caah ralhrang 5 an thi culak ah 1 cu thonginn ngeitu asi” tiah Siddhisin People’s Defence Group PDG chungin ṭuanvo ngeitu pakhat nih a chim. Kahdohnak hi Sai Nai peng (Siddhisin) People’s Defence Force, Tanoyaka People’s Defence Group le Shwebo Tiger Group ṭangṭi phufonh hna ansi tiah an langhter.
Myaing Peng Ah SAC Ralhrang Hriamngan Kahnak In Kum 4 Ngakchia Le Phungki 2 Telh In 5 An Thi, 9 Nih Hliam An Tuar. Magway ramṭhen, Myaing peng, Kin khuate cu nizan October 29 ah SAC ralhrang nih a ruang umlo in hriamngan duhpaoh an kah caah kum 4 ngakchia 1 le phungki 2 hna telh in minung 5 an nunnak a liam, tiah theih a si.
“SAC ralhrang le pyusawhti nih kahdohnak zong umlo nain khua chung ah duhpaoh in hriamngan an kah mi nih U Soe Tin te chungkhar an rawl ei lio ah a tlak hna i U Soe Tin cu hmakhat te ah a thi colh. An nu cu hliamhma faak ngai a tuar i kum 4 tluk ngakchia an fa 1 cu an thlop bul cuahmah lio zahan ah a thi. Cu pinah an inn kam um Daw Aye Sin zong hriamngan puahkeh thawng a theih caah a lautuk i, a nunnak a liam ve” tiah tualchung mi pakhat nih Zalen ah a chim.
Cu bantuk ṭhiam in October 29 ah Kin khuate he aa neihnak Ka-yet-gyi khua cu SAC ralhrang le pyusawhti pawl nih duhpaoh in hriamngan an kah mi nih phungki sianginn a tlak caah phungki 2 an thi i phungki sianginn ah a ummi minung 8 nih hliamhma an tuar, tiah tualchung mi hna nih an chim.