Mah sakhaan laknak ahhin CNA kan pasaltha hna zong tampi an i tel ve tiah theih a si!
==========
Ralhrang pawl, an sakhaan ah a ummi an pu MAH hneek rian a tuanmi hna putar tete cu zoh ahhin zangfah ngaihchia te zong khi an si pah ko hna! Pension a laa cangmi hna hranhram in tuanter than mi zong si hna sehlaw thei hlah, hi bantuk putar tete hmuh hna ahhin MAH hi minung lei thazang cu a zor ngaingai cang timi fiang tein hmuh khawh a si. Mah sakhaan laknak ahhin CNA kan pasaltha hna zong tampi an i tel ve tiah theih a si.
Nizan tihni GCC tlangau nakah,CNF AGS1 le CJDC Chairman tuanvo a la cuahmahmi Pu Ram Khulh Cung nih! Chin hriamtlai phu vialte hna nih kan hngalh dingmi cu, kan i funtom I hmunkhat ah lungrual tein kan kal ti khawhmi kha kan mipi zong nih an kan hmun ahcun mipi zong nih an kan zumh ve lai I, an kan bochan fawn ko lai, a ti.
Mah nih a hun fianter ngaimi cu CDFs phu vialte hna zong nih hram kan bunhnak a simi kan myone le kan pengtlang mipi nih zumh awktlak le bochan awktlak in kan um maw ti hi ruah kan herh ngai ve hna ti a hun lang ko rua?
Cun, a nolh rihmi cu hruaitu zong nih kan mipi lawngte hi heh tiah mawhphurh hna ding kan si ve lo, kan mipi hna nih kan i tinhmi an fian dih khawhnak hnga hip khawh ve hna zong kha kan tuanvo a si ve a ti. Mah hi hruaitu puitling hna lungput zong a si ko rua tiin ka hmuh.
CDF cheukhat pawl cu a nuamh an theih tuk cang le CNA/F tang um nak cun ral sungh hmanh a duh mi an tam deuh lai pei ti. Zarhkhat hnih te traning va tuah i comando hna an vai i sak hla te in ka ti tawn mi hna cu CDF cu lo i rit ttih tlai mi bantuk an si ka ti tawn.
Mi cheukha pawl nih nihin ni tiang CNF/A cu CJDC in an chuak e kha bu in an chuak hnu ah Chinland council dir in anmah nih control dih anduh e ai ti mi pawl nih teh a zoh ve hnga dek maw aw. Chinland CDFs vial te nih ralhrang kan doh/ kan kah khawh hna kan țhawn nak ahram pi cu CNA/CNF hi ahram pi asi ko.
Nizan GCC tlangau nakah CNA ralbawi Captain MaMa nih a chimmi tampi lakin! Ram le miphun caah tuan a duh ngai komi hna nan fale le nan unau tu cu nan dinhter viar hna le kanmah tu cu zeitik dah kan tei lai? Nan tei deng cang maw ti hna in bia nan kan hal. Kan Pastor cheukhat hna nih kan cawlcanghnak hma kal kho loin, mah ti cun rak kan tuah piak ko uh, mah ti a si caah tiah a phunphun in kan riantuannak ah hmalaak awk tha lo tiangin nan kan tuah.
Inn le lo lian pipi va sak cu hun chim rih loin, Thlaam sawhsawh a sami pa hmanh khi a herhmi thing le rua zong chanh loin le bomh loin kan zoh sawhsawh cio ko ahcun zeitindah fawi le bai ahcun a liim khawh lai. Tuzan zong GCC ah CNA ralbawi Salai Elishama le Salai Bik an hun thu lai, bia thatha an hun kan ruah rih lai!
Tulio cu Israel le Hamas ral kong nih kan vawlei pi ningin hmunhma vialte a lak dih lio a si caah a zual cuahmah mi kanmah ram dohthlennak kong hna a chilh dih ve sual lai ti zong phan a um pah ngai.
A tulio ah a herh ngaimi cu, CNF/A kan pule hna nih,zeitluk in dah phaisa an dih timi kong khi fak deuh le thang chinchin in mipi sinah an chimrel a herh khun lio can a si tiah ka ruah.
Mi tampi nih mah vialte phaisa kan bomhmi hna hi khoika ah hme an chiah dih hnga, Hruaitu le luban pawl hna nih anmah pumpak ca hna ah an hman ko lai or an I hleep ko lai ti tiang hna in khuaruahnak a ngeimi zong an um pah len rih hna.
Zapi nih kan fian khawh deuhnak ahcun Victoria Base ahkhin nikhat ah fangdip lawngte” Tun 15 in Tun 20” kar peng kan ei ti a si. Battalions kip le Camp kip ah zeizat dah an va ei rih cio hnga mu, hi chung ahhin meh le haang zeidang herh le bau chim le telh rih lo a si.
Meithal le Kuanzen kong zongah mipi nih, fak deuh in khua kan ruah cio a herh ngai lio can a si, zeidang cu hun chim lo zapi nih kan hngalh dih ciomi a nai cem Kalay in Hakha Tank le Motor he ralhrang an rak kai lio I mah vialte a thlathla in kahdohnak ah an hmanmi hriamnam, kuan le zen kha zei in dah an zalh mipi nih kan pekmi Phaisa lawngte an si mah hna, vialte chawva kha rak pee kho hna hlah usihlaw, Hallelujah ti I sak pah buin Hakha in Thantlang lei tiang an va lan chap rih hnga.
Mah lawng a si lo, Tatmah 77 timi Gangaw lei in an rak kai lio zongah mah vialte ralhrang an dohnak hna hriamnam le zenkuan kha NUG le ramdang hna nih piakhat hmanh bomhnak aa tel lo, nangmah lei keimah nih kan ngeih lo chun kan pekmi lawngte a si.
A sau tuk sual lai caah, zapi nih kan theih khawh lem lomi hriamnam le zenkuan zong an phurh/tlunhmi a tampi ti zong kan fian ngai cio cu a herh ko rua. Dohthlennak tha kan pek ti tung I,kan thawhvo an kan tukmi te hmanh kan thawh duh tung lo ahcun ho nih cun hme a vaa kan zumh kun hnga. Credit: Salai Tial Thawng