Natthankwin Khuapi Ah SAC Nih Vanlei In Bomb A Thlak Caah Ngakchia 4 Telh In Minung 5 Nunnak Liam
============
Bago ramthen,Kyaukyi peng Natthankwin khuapi cu dothlennak ralkap hna nih nihin zinglei sang ah an laak hnu ah SAC nih vanlei Jet Fighter hmangin bomb a rak thlak caah ngakchia minung 4 le kum 38 upa Nu pakhat an zapi minung 5 cu a hmun ah an nunnak a liam tiah theih a si.
“Dothelnnak ralkap hna nih nihin December 26 zingleisang ah Nathhankwin khuapi an laak caah khuapi le a pawngkam hna ah SAC nih jet fighter in bomb a rak tlak.Natthankwin he aa tlai mi Takhuntaing No.2 sang ngakchia minung 3 le Nattahnkwin khua chung ah ngakchia 1 le upa pakhat hna cu bomb nih a hliamh hna caah an thi colh hna” khuami pakhat nih Khit Thit ah a chim.A tu thawng tial cuahmah lio zong ah hin SAC lei nih vanlei in le hriamngan in a kah cuahmah rih tiah theih a si.
Ralzam Don Ding Ah A Kal Mi Chin Mino Pahnih Ti Ah An Paam.Chin ramkulh Paletwa peng Paihte khuate mi mino pahnih hna cu December 24 ah ral a zam mi an chung le va don ding ah an kal nak ah ti ah an paam tiah theih a si.
Ti ah a paam mi hna hi Beipathai le Chhua Chhua kum 16 hna an si i Paihte khua mi an si.Paletewa khuapi in ral a zaam mi hna cu December 24 ah an va don hna i Balai khua chak an phak ah chikhat an i din i tiva ah an tak an i kholh nak ah a tu bantuk in ti ah an paam hi a si.
“Paletwa khuapi in ral a zam mi an va don hna.Balai khuate an phaak ah an va don mi hna an rak phak rih lo caah chikhat an idin i ti an i kholh nak ah pakhat cu ti ah a paam i pakhat nih a va chanh nak ah an pahnih in an paam hi a si.a tu tiang an ruak zong char khawh a si rih lo” tiah khuami pakhat nih Zalen ah a chim.
Paletwa khua cu Rakhine ralkap AA nih an laak lai timi thawng a len caah khuami hna cu khuapi chuahtak in ral an zaam hna tiah theih a si.
A tu lio hi Paletwa khuachung um SAC IB 289 sakhaan le khuapi pawngkam um AA hna cu hriam pi in an i kap pah hna tiah theih a si.Credit: CBN Daily News