Mizoram ramkulh, Champhai pengkomh ah Myanmar ram mi pahnih cu rithaisii Methamphetamine tlang sing 5 leng he Excise & Narcitocs Department nih February 21 ah an tlaih hna.
Rithaisii sii an tlaih mi Methamphetamine hi a bawm in bawm 50 a si i a tlang in tlang 505,000 a si pin ah 50,227 kilogram a rit.
Rithaisii ngeitu ah puh mi hna cu India-Myanmar ramri Falam peng, Rihkhawdar No.2 sang um kum 31 tluk Lalramzauva le kum 28 tluk Lallawmzuali an si.
Rithaisii pawl cu Myanmar ram in Mizoram ah zuar dingin phorh mi a si tiah tlaih a tong mi hna nih cun an chim. Tlaih a tong mi pahnih cu The Narcotic Drugs & Psychotropic Sunstances Act, 1985 in taza an cuai hna.
February 20 lio zong ah Kalaymyo Hmunlai sang um minung pakhat cu Rupees nuai 4 leng man bing raang he Champhai pengkomh ah nawlngeitu nih an rak tlaih pin ah February 17 ah Aizawl khuapi ah Myanmar ram mi pakhat zong 17 kilogram a rit mi rithaisii he nawlngeitu nih an rak tlaih cang.